2 Rey 13:12 - Kaqchiquel Bible

¹² Ri ch'aqa' chik rubanobal ri Joás, ri nimalej ruchuq'a' y achike rubanik xuben oyowal rik'in ri Amasías rey richin Judá, ronojel re' kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 13:12 ပူးပေါင်းရင်းမြစ်များ

2 Rey 14:25

Y ri Jeroboam ruk'ajol ri Joás xuch'ek chik jun bey ri ruwach'ulew Israel ri majon kan, nitiker-el chuchi' ri ruwach'ulew Hamat ri k'o pa xaman, y napon k'a pa Tzayi-Choy. Ronojel re' xbanatej achi'el rubin ri Jehová chire ri Jonás ri q'alajirisey ruch'abel. Ri Jonás ri' ruk'ajol ri Amitai, ri aj-Gat-héfer.

2 Rey 13:11

Rija' xuben ri itzel chuwech ri Jehová. Kan man xuch'er ta k'a kan ri' rik'in ri mak ri xuben ri Jeroboam ruk'ajol ri Nabat, toq xuben chike ri aj-Israel richin xemakun.

2 Rey 13:13

Y toq xken ri Joás, xmuq akuchi e muqun-wi ri rey richin Israel. Y ri xk'oje' kan pa ruk'exel, ja ri Jeroboam ri ruk'ajol.

1 Rey 14:19

Ri ch'aqa' chik rubanobal ri Jeroboam, achi'el ri oyowal ri xeruben y ri rubanik ri ruq'atbal-tzij; ronojel re' e tz'ibatel kan chupan ri Wuj Ri Cholan Nich'on pa kiwi' ri rey.

2 Rey 1:18

Ri ch'aqa' chik rucholajen ri ruk'aslen ri Ocozías, tz'ibatel kan chupan ri Wuj Ri Cholan Nich'on ronojel ri xkiben ri e rey richin Israel.