2 Rey 13:1 - Kaqchiquel Bible

¹ Toq k'a k'es na ri Joás ruk'ajol ri Ocozías rey richin Judá, y chupan ri juna' juwineq oxi' chire ri ruq'atbal-tzij, jari' toq xok kan rey pa ruwi' ri ruwach'ulew Israel ri Joacaz ruk'ajol ri Jehú; y xuq'et-tzij wuqlajuj juna' chiri' pa tinamit Samaria.

2 Rey 13:1 ပူးပေါင်းရင်းမြစ်များ

2 Rey 11:21

Ri Joás k'o wuqu' rujuna' toq xuchop niq'aton-tzij pa ruwach'ulew Judá.

2 Rey 11:4

Y toq xtz'aqet wuqu' juna', jari' toq ri Joiadá, xuteq koyoxik konojel ri chajinela' richin ri rey y ri chajinela' richin ri rachoch rija'. Y xeruya' chupan ri rachoch ri Jehová y xjunamatej k'a kiwech rik'in, y kan xuben chike chi xkiya' kitzij chiri' chupan ri rachoch ri Jehová. K'ari' xuk'ut chikiwech ri Joás ri ruk'ajol kan ri rey Ocozías.

2 Rey 8:26

Ri Ocozías juwineq ka'i' rujuna' toq xuchop nuq'et-tzij, y xaxe ok jun juna' xuq'et-tzij, y ri rati't ja ri Atalía, rijatzul kan ri Omrí ri xok rey richin Israel.

2 Rey 12:21

Y ri xekamisan richin ri Joás ja ri Josacar ruk'ajol ri Simat, y ri Jozabad ruk'ajol ri Somer. Xkimuq k'a ri Joás akuchi e muqun-wi ri rute-rutata' ri pa rutinamit kan ri rey David. Y ri xk'oje' kan pa ruk'exel richin xuq'et-tzij ja ri Amasías ri ruk'ajol.

2 Rey 13:2

Kan xuben k'a ri itzel chuwech ri Jehová, y kan xutzeqelibej ri mak achi'el xuben ri Jeroboam ri ruk'ajol ri Nabat, toq xuben chike ri aj-Israel richin xemakun. Y kan man xuch'er ta k'a kan ri' chire ri mak ri'.

2 Rey 10:30

Roma ri' ri Jehová xubij chire ri Jehú: Roma kan xaben ri choj chinuwech yin, y xaben ronojel ri achi'el ri k'o pa wánima yin rik'in ri rijatzul ri Acab, roma ri' ri awalk'ual kan xkeq'aton-tzij wawe' pan Israel k'a xtapon na ri rukaj sol richin ri awijatzul.

2 Rey 12:1

Toq k'a k'es na ri Jehú rey richin Israel, y chupan ri juna' wuqu' chire ri ruq'atbal-tzij. Jari' toq ri Joás xok kan rey pa ruwi' ri ruwach'ulew Judá y xuq'et k'a tzij kawineq juna' ri chiri' pa tinamit Jerusalem. Y ri rute' rubini'an Sibiá, aj-Beerseba.

2 Rey 13:10

Toq k'a k'es na ri Joás rey richin Judá, y chupan ri juna' juwineq wuqlajuj chire ri ruq'atbal-tzij, jari' toq xok kan rey ri Joás ruk'ajol ri Joacaz; y xuq'et-tzij waqlajuj juna' pa ruwi' ri ruwach'ulew Israel ri chiri' pa tinamit Samaria.

2 Rey 15:12

Y re' kan xbanatej achi'el rubin ri Jehová chire ri Jehú, toq xubij: Xaxe ri rukaj sol kichin ri ak'ajol xke'apon pa q'atbel-tzij richin Israel, xcha'. Y kan keri' xbanatej.