2 Rey 12:9 - Kaqchiquel Bible

⁹ Jak'a ri nimalej sacerdote Joiadá xberuk'ama' k'a pe jun yakonabel, y xuben jun jul chire ri rutz'apebal. Y xuya' pa rijkiq'a' ri porobel, ri akuchi ye'ok-wi-apo chupan ri rachoch ri Jehová. Y toq ri winaqi' nikik'uaj ri sipanik, ri e sacerdote ri nikichajij ri ruchi' ri rachoch ri Jehová, nikiya' k'a chupan ri káxa ri'.

2 Rey 12:9 ပူးပေါင်းရင်းမြစ်များ

Marcos 12:41

Ri Jesús tz'uyul k'a chiri' chuwech-apo ri yakonabel ri akuchi niyalox-wi kan ri méro chiri' pa rachoch ri Dios. Roma ri' rija' yerutzu' k'a ri winaqi' toq nikiyala' kan méro chiri'. Y e k'iy beyoma' ri janila k'iy méro nikiyala' kan.

San Lucas 21:1

Ri chiri' ri pa rachoch ri Dios, ri Jesús xerutz'et k'a chi ri winaqi' beyoma' nikiyala' kan ri kisipanik chupan ri yakonabel ri akuchi niyalox-wi kan ri sipanik richin ri Dios.

Wuj Richin ri Jeremías 35:4

Y xenk'uaj pa rachoch ri Jehová y xojok-apo pa kachoch ri ralk'ual ri Hanán ruk'ajol ri Igdalías, ri rusamajel ri Dios; ri jay ri' k'o-apo chunaqaj ri jay kichin ri tata'al, ri k'o pa ruwi' ri rachoch ri Maaseías ruk'ajol ri Salum ri nichajin ri ruchi' ri rachoch ri Dios.

Wuj Richin Bix Chire ri Dios 84:10

Kan más k'a rejqalen ri jun q'ij ri yik'oje' chupan ri awachoch, ke chuwech yik'oje' 1,000 q'ij juk'an chik. Más utz chi stape' xa chuchi-ok ri awachoch yipa'e-wi, ke chuwech yik'ase' pa rachoch jun wineq ri banoy etzelal.

1 Crón 15:24

Y ri yexupun ri trompeta chuwech ri káxa ja ri sacerdote Sebanías, ri Josafat, ri Natanael, ri Amasai, ri Zacarías, ri Benaías y ri Eliézer. Ri Obed-edom y ri Jehías chuqa' nikichajij ri káxa.

Wuj Richin ri Jeremías 52:24

Ri Nebuzaradán xeruchop kan chuqa' ri Seraías ri nimalej sacerdote, ri Sofonías ri ruka'n sacerdote y ri e oxi' achi'a' ri yechajin ruchi' ri rachoch ri Dios.

2 Rey 25:18

Ri aj-raqen kichin ri chajinela' aj-Babilonia xkichop y xekik'uaj-el ri Seraías ri nimalej sacerdote, ri Sofonías jun chik sacerdote y ri e oxi' chik chajinela' richin ruchi' ri rachoch ri Dios.

2 Rey 23:4

K'ari' ri rey xuteq rubixik chire ri Hilquías ri nimalej sacerdote, ri ch'aqa' chik sacerdote y ri e chajiy ruchi' ri rachoch ri Dios, chi kekelesaj-pe ri chiri' pa rachoch rija', ronojel ri banon richin ri Baal, richin ri Asera y kichin ri ek'o chuwech ri kaj. Ronojel re' xerelesaj-el k'a chuchi' ri tinamit Jerusalem chiri' pa siwan ri napon-qa pa ch'uti'n raqen-ya' Cedrón. K'ari' ri rey chiri' k'a xeruporoj-wi. Y ri kichajul xuk'uex-el pa tinamit Betel.

2 Rey 22:4

Kabiyin rik'in ri nimalej sacerdote Hilquías, y tabij chire chi tumolo' ruchi' ri méro ri kik'uan-apo ri winaqi' pa rachoch ri Jehová ri molon kan koma ri e chajiy ri ruchi' ri jay.

2 Rey 12:8

Y ri e sacerdote xkiya' k'a chikiwech richin chi man nikik'ul ta chik méro chikiwech ri winaqi', ni man yek'oje' ta chik pa ruwi' ri samaj richin nichojmirisex ri jay ri'.