2 Rey 12:5 - Kaqchiquel Bible

⁵ Y xubij chi ri yemolon ri méro tikijacha' pa kiq'a' ri sacerdote y ja rije' ri ke'ukusan richin nikichojmirisaj ri rachoch ri Jehová, ri akuchi e paxinaqi-wi.

2 Rey 12:5 ပူးပေါင်းရင်းမြစ်များ

Wuj Richin ri Isaías 58:12

Ri iwinaq xtikiyek chik el jun bey ri tinamit ri e wulatejineq kan. Xtiben-qa ri ruxe' ri kan e wulatejineq kan ojer. Y kan xtubini'aj: Tinamit ri Chojmirisey Richin ri Wulatejineq.

2 Crón 24:5

Xerumol k'a konojel ri e sacerdote y ri e levita y xubij chike: Titaluj-iwi' chupan chijun ri ajawaren, y tik'utuj chike ri winaqi' ri kan k'o chi nikitoj chuwe, richin keri' ronojel k'a juna' xtichojmirisex k'a ri rachoch ri qa-Dios, y kan chi'anin tibana' re samaj re', xcha'. Jak'a ri e levita xa kan man xkiteleche'ej ta.

2 Rey 12:12

ri yechoyon-abej, y ri ch'aqa' chik samaj. Chuqa' nikiya' richin nikiloq' tz'alem y abej ri e choyon chik richin nichojmirisex ri e ch'aratajineq chire ri rachoch ri Jehová, y richin nikiloq' ri k'atzinel richin ri jay ri'.

1 Rey 11:27

Jare' ri xbanatej toq ri Jeroboam xupaba-ri' chuwech ri rey. Xa roma ri rey Salomón najin chubanik ri tz'aq ri nusutin-rij ri rutinamit kan ri David, ri rutata'. Xa juba' chik k'a ri nrajo' richin nik'achoj-q'anej ri tz'aq ri', richin chi utz nutaq'ajuj kan rik'in ulew.

2 Crón 24:7

Ri Joás xubij keri' roma ri e tzeqelibey richin ri itzel ixoq Atalía xe'ok chupan ri rachoch ri Dios richin xbekelesaj-pe ri samajibel richin ri rachoch ri Jehová, y rik'in ri' xkiya' kiq'ij ri kiwachibel Baal.

2 Rey 12:4

Y k'o k'a jun q'ij ri Joás xubij chike ri sacerdote chi tikimolo' ruchi' ri méro ri kan k'o chi nikitoj ri winaqi' ri k'o chik kijuna', ri richin kolotajik y ri sipanik ri nalex-pe pa kánima.

2 Rey 12:6

Jak'a xa xq'ax yan juwineq oxi' juna' y ri sacerdote man jani kibanon ruchojmil ri akuchi ch'aratajineq-wi chire ri rachoch ri Jehová.

Ex 30:13

Jak'a méro re' ri k'o chi nikiya' chikijujunal ri xke'ajlex; k'o chi niya' richin sipanik, jubama nik'aj onza saqipueq richin rutojbal ri kik'aslen chuwe yin. Y ri etabel richin ri sipanik achi'el ri etabel ri nikusex chupan ri jay wichin yin.

Wuj Richin ri Chojmirisabelri'il 27:2

Kere' k'a tabij chike ri awinaq: Wi k'o ta jun wineq nrajo' nukol jun chik wineq ri sujun chik chuwe yin, xtuk'en k'a pe ri saqipueq y xtetex rik'in ri etabel ri ek'o chupan ri wachoch. Xtutoj k'a chuwe achi'el ri rajlabal ri k'o:

Wuj Richin ri Q'axanri'il 18:15

Kan konojel k'a ri nabey taq al, chi winaqi' chi chikopi', kan k'o chi yejach chuwe yin y ri' xke'ok chuqa' awichin rat. Xaxe k'a ri nabey taq al alaboni' y ri e nabey taq al achija' chikopi' ri man e ch'ajch'oj ta, kan k'o chi naya' q'ij richin yekol; kan k'o ri niya'ox kan pa kik'exel.

2 Rey 22:4

Kabiyin rik'in ri nimalej sacerdote Hilquías, y tabij chire chi tumolo' ruchi' ri méro ri kik'uan-apo ri winaqi' pa rachoch ri Jehová ri molon kan koma ri e chajiy ri ruchi' ri jay.

1 Crón 29:6

K'ari' ri aj-raqen pa kiwi' ri ek'o pa kachoch, ri e tata'al kichin ri tzobaj, ri aj-raqen pa kiwi' ri aj-labal y ri aj-samaj richin ri rey; xalex k'a pe pa kánima richin xkiya' jun sipanik.

1 Crón 29:9

Ri winaqi' richin ri tinamit janila xekikot roma rik'in ronojel kánima xkiya-apo ronojel re' chire ri Jehová. Chuqa' ri rey David janila xkikot.