2 Rey 12:4 - Kaqchiquel Bible

⁴ Y k'o k'a jun q'ij ri Joás xubij chike ri sacerdote chi tikimolo' ruchi' ri méro ri kan k'o chi nikitoj ri winaqi' ri k'o chik kijuna', ri richin kolotajik y ri sipanik ri nalex-pe pa kánima.

2 Rey 12:4 ပူးပေါင်းရင်းမြစ်များ

2 Rey 22:4

Kabiyin rik'in ri nimalej sacerdote Hilquías, y tabij chire chi tumolo' ruchi' ri méro ri kik'uan-apo ri winaqi' pa rachoch ri Jehová ri molon kan koma ri e chajiy ri ruchi' ri jay.

Ex 35:5

Chiqajujunal chiqe roj tiqaya' k'a jun sipanik chire ri Jehová. Ri kan k'o k'a kikoten pa ránima utz nuk'en-pe q'anapueq, saqipueq o ri q'enq'oj-pueq.

Ex 35:29

Konojel k'a ri winaqi' ri xkina' rayibel richin xeto'on rik'in sipanik, kan xkiya' k'a pe richin chi xban ronojel ri xubij ri Jehová chire ri Moisés.

Ex 35:22

Kan chi achi'a' chi ixoqi' k'a xepe y konojel kik'amon-pe sipanik rik'in ronojel kánima. Kik'amon-pe ri wiqobel ri banon rik'in q'anapueq, ri wiqobel ri yetz'arabex chuwech ri tzieq, ri lipq'a', ri retz'aba'l ri kitza'n y ri ichinaj.

San Lucas 21:4

Roma stape' man k'iy ta ok xuya' kan, rija' xuya' k'a ronojel ri k'o rik'in ri richin nuq'axibej-ri'. Jak'a la ch'aqa' chik, stape' janila k'iy méro xkiyala' kan, xa ja ri man nik'atzin ta chik chike, xa jari' ri xkiya' kan, xcha', ri Jesús.

Wuj Richin ri Esdras 7:16

Y tik'uaj chuqa' ronojel ri saqipueq y ri q'anapueq ri xtisipex-el chiwe pa ruwach'ulew Babilonia, y chuqa' xabachike sipanik ri kiya'on-apo ri iwinaq y ri e sacerdote, richin ri rachoch ri i-Dios ri k'o pa Jerusalem.

Wuj Richin ri Esdras 2:69

Y kan xkiya' k'a chire ri yakol méro ri janipe' xetikir xkiya'. Y xkiya' k'a más juba' julajuj quintal q'anapueq, oxk'al oxi' quintal saqipueq y chuqa' wok'al jal ri nim raqen tzieq kichin ri e sacerdote.

Wuj Richin ri Esdras 1:6

Y konojel k'a ri ek'o chikinaqaj kan janila xekito-el. Xkiya' k'a el saqipueq, q'anapueq y ri achike nik'atzin chike, y xekiya' chuqa-el kawej y jebelej taq k'ojelibel chike.

2 Crón 35:2

Chuqa' xeruya' pa kisamaj ri sacerdote y kan xuben chike chi xesamej chupan ri rachoch ri Jehová.

2 Crón 31:12

Y chiri' k'a xeyak-wi ronojel ri xmolotej, ri xkiya-apo ri israelita. Jak'a ri levita ri rubini'an Conanías ri xok aj-raqen pa ruwi' ri yakonabel, y ri pa ruka'n-qa chire rija' ja ri Simí ri rach'alal.

2 Crón 15:18

Y xuya-apo chupan ri rachoch ri Dios ri rusujun kan ri rutata' y ri rusujun-apo rija'; ri saqipueq y ri q'anapueq y ri jalajoj kiwech taq samajibel.

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

2 Rey 12:18

Jak'a ri Joás, rey richin Judá xuk'uaj k'a el ronojel ri beyomel ri e jachon chik chire ri Jehová pa rachoch. Y re beyomel re' e kisipan kan ri rey Josafat, ri Joram y ri Ocozías. Xuk'uaj-el chuqa' ri rujachon chik rija' chire ri Jehová. Jak'a ronojel ri q'anapueq ri xkil chupan ri ruyakonabal ri rachoch ri Jehová y pa rachoch rija', xuteq-el chire ri Hazael rey richin Siria, richin man xuben ta chik oyowal rik'in ri tinamit Jerusalem.

1 Rey 7:1

Y ri Salomón chuqa' xupabala-q'anej ri rachoch rija', y re' xuk'uaj oxlajuj juna' richin xek'achoj.

Wuj Richin ri Chojmirisabelri'il 27:31

Wi k'o ta jun nrajo' nukol-el jun chire ri lajuj ri xa ruya'on chik chuwe yin, kan xtuya' k'a ri rajel y pa ruwi' chik re' xtuya' chik jun ro' chire ri rajel.

Ex 36:3

Jak'a rije' xa chuwi-ruq'a' chik ri Moisés xkik'ul-wi, ronojel ri sipanik ri xkiya' ri israelita richin nichapatej ri samaj, ri richin ri rachoch ri Dios ri xtiban rik'in tzieq. Ri winaqi' kan rik'in k'a ronojel kánima xkiya' ri sipanik ri'. Y kan keri' k'a nikiben ronojel nimaq'a'.

1 Crón 18:11

Ronojel re' ri xbeya'ox kan chire ri rey David, xujech chire ri Jehová, achi'el ri xuben kik'in ri xrelesaj-pe chuwi-kiq'a' ri winaqi' edomita, moabita, amonita, amalecita y ri aj-Filistea.

2 Rey 12:5

Y xubij chi ri yemolon ri méro tikijacha' pa kiq'a' ri sacerdote y ja rije' ri ke'ukusan richin nikichojmirisaj ri rachoch ri Jehová, ri akuchi e paxinaqi-wi.

1 Rey 3:2

Roma man jani tikipaba-q'anej ri rachoch ri Jehová pa Jerusalem, konojel ri winaqi' k'a nikisuj na kamelabel chuwech ri Jehová ri pa ruwi' taq juyu'.

1 Rey 3:3

Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.

2 Rey 14:4

Roma ri' ri akuchi niya'ox-wi kiq'ij wachibel pa ruwi' taq juyu' man xe'elesex ta, y ri winaqi' k'a nikisuj na kamelabel chiri'. Chuqa' k'a nikiporoj na pom chiri'.

2 Rey 15:4

Man rik'in ri', man xe'elesex ta ri akuchi nikiya' kiq'ij ri wachibel pa ruwi' taq juyu' roma ri winaqi' k'a nikisuj na kamelabel chiri'. Chuqa' k'a nikiporoj na pom chiri'.

2 Rey 16:4

Keri' chuqa' xusuj kamelabel, y xuporoj pom chiri' ri akuchi nikiya' kiq'ij ri wachibel pa ruwi' ronojel taq juyu', y chuxe' ronojel taq che' ri janila ruxaq.

2 Rey 17:11

Chuqa' xkiporoj pom chiri' ri akuchi nikiya-wi kiq'ij ri wachibel ri'. Kan xkiben achi'el ri winaqi' aj-Canaán, ri xerelesaj-pe ri Jehová chikiwech ri israelita. Y roma ri itzel taq kibanobal, xkiyek k'a janila royowal.