2 Rey 12:20 - Kaqchiquel Bible

²⁰ Y xeyakatej k'a ka'i' rusamajela' chirij ri Joás y xkikamisaj pa jun jay ri k'o akuchi taq'ajun-q'anej rik'in ulew, y re' k'o pa relebel-q'ij chire ri Jerusalem chunaqaj ri bey ri nibe pa tinamit Silá.

2 Rey 12:20 ပူးပေါင်းရင်းမြစ်များ

2 Rey 14:5

Toq ri Amasías jikil chik ri q'atbel-tzij pa ruq'a', xerukamisaj k'a ri samajela' ri xekamisan richin ri rutata'.

2 Sam 5:9

Y chirij ri' ri David kan xk'oje-qa chiri' chupan ri jay richin tobel chiri' pa Sión. Y roma ri' xubini'aj Tinamit Richin ri David. Rija' xunimirisaj-q'anej ri tz'aq ri k'o pa relebel-q'ij chire ri jay richin q'atbel-tzij, y xunojisaj-q'anej chi ulew.

Wuj Kichin ri To'onela' 9:6

K'ari' xkimol-ki' konojel winaqi' aj-Siquem y konojel ri ek'o pa Bet-miló, y xkiben chire ri Abimélec richin xok rey pa kiwi'; y re' xbanatej chunaqaj ri taq'aj ri akuchi k'o-wi ri paban-abej chukojol ri paten-che' ri ek'o chiri' pa Siquem.

1 Rey 11:27

Jare' ri xbanatej toq ri Jeroboam xupaba-ri' chuwech ri rey. Xa roma ri rey Salomón najin chubanik ri tz'aq ri nusutin-rij ri rutinamit kan ri David, ri rutata'. Xa juba' chik k'a ri nrajo' richin nik'achoj-q'anej ri tz'aq ri', richin chi utz nutaq'ajuj kan rik'in ulew.

2 Crón 33:24

Y ri e tata'al kan xeyakatej k'a chirij y xkikamisaj kan pa rachoch.

2 Crón 25:27

Kan xaxe toq ri Amasías xuch'er kan ri' rik'in ri Jehová, kan jari' toq jujun chike ri tinamit Jerusalem xkich'ob richin yeyakatej chirij. Y rija' kan xanimej-el y xbe pa tinamit Laquis, jak'a xa kan xkitzeqelibej-el, y chiri' xkikamisaj-wi.

2 Rey 12:19

Ri ch'aqa' chik rubanobal ri Joás y ronojel ri xerubanala' kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Judá.

2 Rey 21:23

Y k'o k'a jun q'ij jujun chike ri aj-raqen xeyakatej k'a chirij, y xkikamisaj kan pa rachoch.

1 Rey 14:29

Y ri ch'aqa' chik banobel ri xerubanala' ri rey Roboam e tz'ibatel kan chupan ri Wuj Ri Cholan Nich'on pa kiwi' ri rey.

2 Rey 8:23

Ri ch'aqa' chik rubanobal ri Joram tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Judá.