2 Rey 11:4 - Kaqchiquel Bible

⁴ Y toq xtz'aqet wuqu' juna', jari' toq ri Joiadá, xuteq koyoxik konojel ri chajinela' richin ri rey y ri chajinela' richin ri rachoch rija'. Y xeruya' chupan ri rachoch ri Jehová y xjunamatej k'a kiwech rik'in, y kan xuben chike chi xkiya' kitzij chiri' chupan ri rachoch ri Jehová. K'ari' xuk'ut chikiwech ri Joás ri ruk'ajol kan ri rey Ocozías.

2 Rey 11:4 ပူးပေါင်းရင်းမြစ်များ

2 Rey 11:19

Y chiri' pa rachoch ri Jehová xerumol k'a ri aj-raqen pa kiwi' ri chajinela' richin ri rey y ri richin ri rachoch rija', y chuqa' ri winaqi', y chiri' xkik'uaj k'a el ri Joás ri akuchi niq'aton-tzij. Y ri rey Joás xtz'uye' k'a pa rutz'uyubal.

2 Rey 11:9

Ri aj-raqen pa kiwi' ri chajinela' xkiben k'a ronojel achi'el xubij ri sacerdote Joiadá chike. Ri ye'ok-apo chupan ri kisamaj y ri ye'el-el chupan ri kisamaj chire ri q'ij ri', ri e ka'i' tzobaj ri' xebe chirij rija'.

2 Crón 15:12

K'ari' rije' xkiben jun jikibel-tzij rik'in ronojel kánima y ronojel kik'u'x richin chi jantape' xtikikanoj ri Jehová, ri Dios kichin kan ri kati't-kimama'.

2 Rey 11:17

K'ari' ri sacerdote Joiadá xuben jun jikibel-tzij chuwech ri Jehová, y chuwech ri rey y ri winaqi' richin ri tinamit, richin chi rije' nikitzeqelibej ri Jehová. Chuqa' xuben chi ri rey y ri tinamit xjunamatej-kiwech.

Hechos 5:26

Kan jari' k'a toq ri chajinela' y ri uk'uey kibey xebe chikik'amik ri e taqon roma ri Cristo, jak'a chi utzil k'a xekik'en-pe, roma rije' nikixibij-ki' chi yek'aq chi abej koma ri winaqi'.

Hechos 5:24

Ri nimalej sacerdote, ri achin uk'uey kichin ri chajinela' ri richin pa rachoch ri Dios, y ri aj-raqen pa kiwi' ri sacerdote, toq xkak'axaj ri xbekibij ri chajinela' chike, man nikil ta k'a achike nikich'ob.

Wuj Richin ri Nehemías 10:29

Konojel rije' xkimol-ki' kik'in ri kach'alal ri k'o más kiq'ij ri kan xkiya' kitzij chi rije' kan xtikiben na wi ri nubij ri rupixa' ri Dios ri xuya' chire ri Moisés ri rusamajel. Y wi man xtikiben ta, kan tiqaqa k'a ri ruk'ayewal pa kiwi'.

Wuj Richin ri Nehemías 9:38

Y roma k'a ronojel re xbanatej, roj xqaben jun jikibel-tzij richin niqataqej ri rupixa' ri Dios. Roma ri' niqatz'ibaj y niqaya' kan re jun retal re' rik'in ri qabi' chupan re wuj re'; ri e qatata'al, ri e levita y ri e sacerdote.

Wuj Richin ri Nehemías 5:12

Rije' xkibij k'a chi xtikitzolij ronojel ri', y man jun xtikich'ojij chike. Chuqa' xkibij chi xtikiben achi'el ri xinbij. K'ari' yin xenwoyoj ri sacerdote, y chikiwech rije' xinben chi xkiya' ri xkisuj.

2 Crón 29:10

Y roma ri' yin xinch'ob chi ninjikiba' nutzij chuwech ri Jehová ri qa-Dios chi junan ta qawech, richin ta chi xtik'o-el ri royowal chiqij.

1 Crón 9:13

Konojel k'a ri e sacerdote e 1,760; y rije' e aj-raqen pa kiwi' ri ek'o pa kachoch ri kitata', y chuqa' e achi'a' ri kan k'o ketamabal richin yesamej pa rachoch ri Dios.

2 Rey 23:3

Ri rey xpa'e' k'a q'anej chunaqaj ri ru-pilar y xuben jun jikibel-tzij chuwech ri Jehová, chi kan xtutzeqelibej rija'. Chuqa' kan xtuben ri nubij ronojel ri pixa', y kan xtuben k'a rik'in ronojel ránima y rik'in ronojel ruk'u'x. Y k'ari' konojel ri winaqi' chuqa' kan xkijikiba-kitzij.

1 Rey 18:10

Chuwech k'a ri k'aslik Jehová ri qa-Dios ninbij-wi chi konojel ri ruwach'ulew y q'atoy taq tzij ri akuchi rutaqon-wi akanoxik ri wajaw, konojel kibin-pe chi man atk'o ta chiri'. Y toq keri' nikibij-pe rije', ri Acab kan xuben chike chi nikijikiba' ri kitzij chi man atk'o ta chupan ri kiruwach'ulew.

1 Sam 23:18

Chi e ka'i' xkiben jun jikibel-tzij chuwech ri Jehová, y ri Jonatán xtzolej chirachoch. Jak'a ri David xk'oje' kan chiri' pa k'echelaj.

1 Sam 18:3

Ri Jonatán xujikiba' k'a rutzij chuwech ri David, roma kan janila nrajo'.

Wuj Richin ri Josúe 24:25

K'ari', ri Josué xuben jun jikibel-tzij kik'in ri ruwinaq chupan ri q'ij ri', chiri' pa Siquem. Y xuya' ri ruchojmilal chike,

Wuj Richin ri Rutikeribel 50:25

Xujikiba-rutzij ri José chikiwech ri e rijatzul kan ri Israel y xubij chike: Kan qitzij na wi chi ri Dios xtipe richin yixruto' y yixruk'uaj-el y toq xtibanatej re', tik'uaj-el ri nubaqil, xcha' chike.

2 Sam 20:23

Ri Joab xk'oje' k'a kan pa kiwi' ri aj-labal richin chijun ri ruwach'ulew. Ri Benaías ruk'ajol ri Joiadá xk'oje' kan pa kiwi' ri e chajinela' richin ri rey.

2 Rey 11:3

Ri Joás y ri aj-ik' xek'oje' k'a chiri' waqi' juna', rokik ri Atalía xq'aton-tzij pa ruwi' ri ruwach'ulew Judá.

2 Sam 8:18

Ri Benaías ruk'ajol ri Joiadá, ja rija' ri k'o pa kiwi' ri achi'a' ri yechajin ri David. Y ri e ralk'ual ri David, chuqa' e sacerdote.

1 Rey 14:27

Y roma ri' ri rey Roboam xeruben kik'exel ri tobel ri xe'uk'uex-el; xeruben k'a rik'in q'enq'oj-pueq, y richin xechajix xerujech pa kiq'a' ri aj-raqen ri yechajin richin ri rachoch rija'.

2 Rey 12:7

K'ari' ri rey Joás xroyoj ri sacerdote Joiadá y ch'aqa' chik sacerdote, y xubij chike: ¿Achike roma man ibanon ta ruchojmil ri ch'aratajineq chire ri rachoch ri Jehová? Wakami k'a, man ja ta chik rix ri yixk'ulun kan ri méro ri nikiya' ri qawinaq richin ri rachoch ri Jehová, roma re méro re' xtik'atzin richin nichojmirisex ri ch'aratajineq chire ri rachoch rija', xcha'.