2 Rey 11:2 - Kaqchiquel Bible

² Jak'a ri Joseba, rumi'al kan ri rey Joram y rana' kan ri Ocozías xanimej y pan ewel xrelesaj-el ri Joás ri ruk'ajol kan ri Ocozías richin chi man xkamisex ta. Xrewaj k'a ri Joás y ri raj-ik' chuwech ri Atalía, y xeruya' pa jun jay ri k'o chiri' pa rachoch ri Dios, akuchi niban-wi waran. Kere' k'a xuben chike richin chi man xekamisex ta.

2 Rey 11:2 ပူးပေါင်းရင်းမြစ်များ

1 Rey 11:17

Toq najin ri kamik ri', ri Hadad k'a ti ala' na ok chiri'. Y rija' xanimej-el kik'in ka'i-oxi' achi'a' aj-Edom, ri e rusamajela' ri rutata', y xebe k'a pan Egipto richin xkewaj-el-ki'.

1 Rey 6:10

Toq xeruben k'a ri cholaj jay ri xkisutij-rij ri rachoch ri Dios, ri kipalen chikijujunal wiq jay jun jaj rik'in jun q'a'aj jotol. Keri' k'a xban chire richin chi ri tiox-che' ri yeq'e'e', yeli'e-qa pa ruwi' ri wiq tz'aq ri e banon kan.

1 Rey 6:8

Ri ruchi' ri napon chupan chi oxi' wiq jay k'o pa xokon chire ri rachoch ri Jehová. Y richin yajote-el, k'o k'a jotolbel banon ri achi'el caracol rubanik.

2 Rey 11:21

Ri Joás k'o wuqu' rujuna' toq xuchop niq'aton-tzij pa ruwach'ulew Judá.

2 Rey 11:3

Ri Joás y ri aj-ik' xek'oje' k'a chiri' waqi' juna', rokik ri Atalía xq'aton-tzij pa ruwi' ri ruwach'ulew Judá.

2 Rey 12:1

Toq k'a k'es na ri Jehú rey richin Israel, y chupan ri juna' wuqu' chire ri ruq'atbal-tzij. Jari' toq ri Joás xok kan rey pa ruwi' ri ruwach'ulew Judá y xuq'et k'a tzij kawineq juna' ri chiri' pa tinamit Jerusalem. Y ri rute' rubini'an Sibiá, aj-Beerseba.

2 Rey 8:16

Toq ri Joram ruk'ajol ri Acab k'a k'es na, y chupan ri ro' juna' richin ri ruq'atbal-tzij pa ruwi' ri ruwach'ulew Israel, jari' toq xok kan rey ri Joram ruk'ajol ri Josafat rey richin Judá ri chiri' pa Jerusalem, y ri Josafat kan k'a k'es na.

2 Rey 8:19

Man rik'in ri', ri Jehová man xrajo' ta xuk'is ri ajawaren richin Judá, roma ri rajowabal chire ri David ri rusamajel. Y roma chuqa' kan rubin chire ri David chi jantape' xtik'oje' jun rijatzul rija' chupan ri ajawaren.

2 Crón 22:11

Jak'a ri Joseba ri rumi'al kan ri rey Joram, xrelesaj-el ri Joás, jun chike ri ruk'ajol ri Ocozías, y chuqa' xrelesaj-el ri ixoq ri xk'iytisan richin, richin man xkamisex ta, roma konojel rach'alal xekamisex yan. Xrewaj ri Joás y ri ixoq; xerewaj chiri' pa jun jay richin xerukol chuwech ri Atalía. Y re Joseba re', rana' ri Ocozías, y rixjayil ri nimalej sacerdote Joiadá.

Ex 8:3

Y chupan ri raqen-ya' xkebetz'ukutej-pe janila chi xkalet, re' xkebe'el-pe y xke'ok pan awachoch, xke'ok akuchi yawer-wi, xkejote' pa ruwi' ri ach'at, pa kachoch ri asamajela', pa kachoch konojel ri awinaq, xke'ok chupan ri akuchi nachaq'arisaj-wi ri akaxlan-way y xkejote' pa taq aq'e'n.

Wuj Richin Etamabel-Tzij 21:30

Ri na'oj, ri etamabel y ronojel ri pixa' ri xa richin ok ri wineq, xa kan e man jun ok chuwech ri Jehová.

Wuj Richin ri Isaías 37:35

Yin kan xtinto' re tinamit re', y kan xtinkol, roma kan xinjikiba' nutzij, y chuqa' roma ri wajowabal chire ri David ri nusamajel.

Wuj Richin ri Jeremías 33:17

Ja yin Jehová ninbij chi jantape' xtik'oje' jun rijatzul kan ri David ri xtiq'aton-tzij pa kiwi' y chijun ri tinamit Israel.

Wuj Richin ri Jeremías 33:21

Keri' chuqa' man yitikir ta ninyoj ri jikibel-tzij ri xinben rik'in ri nusamajel David, chi rija' jantape' nik'oje' jun rijatzul richin chi nuq'et-tzij y nik'oje' pa rutz'uyubal. Chuqa' man yitikir ta ninjel ri jikibel-tzij ri nubanon kik'in ri sacerdote ri e nusamajela' ri e rijatzul kan ri Leví.

Wuj Richin ri Jeremías 33:26

keri' yin xkenwetzelaj ri rijatzul kan ri Abraham, ri Isaac y ri Jacob y chuqa' xtinben ta chi man jun chike ri e rijatzul kan ri David ri xtiq'aton-tzij. Jak'a yin kan xkenwelesaj-pe ri nuwinaq ri akuchi xentaluj-wi y kan xtinjoyowaj kiwech, xcha' ri Dios chuwe.

Wuj Richin ri Jeremías 35:2

Kabiyin kik'in ri aj-Recab y ke'ak'uaj chupan jun chike ri jay richin ri wachoch ri ek'o wawe'. K'ari' taya' juba' vino chike, xcha' chuwe.

Wuj Richin ri Jeremías 36:26

Ri rey xroyoj ri Jerahmeel ri ruk'ajol, ri Seraías ruk'ajol ri Azriel y ri Selemías ruk'ajol ri Abdeel y xeruteq richin chi yekichop ri Jeremías y ri Baruc ri rutz'ibanel. Jak'a ri Jehová xa xerewaj chikiwech ri e etzelanel kichin.

Ez 40:45

Y ri achin ri nich'on wik'in xubij chuwe chi ri jay ri nitzu'un pa xokon, kichin ri e sacerdote ri yesamej pa rachoch ri Dios.

Wuj Kichin ri To'onela' 9:5

Y rija' xeruk'uaj-el pa tinamit Ofrá ri akuchi k'o-wi kan ri rachoch ri rutata', y xekikamisaj k'a konojel ri e rach'alal ri e ruk'ajol kan ri Jerubaal ri rutata'; pa ruwi' k'a jun abej xekikamisaj-wi, y xaxe chik k'a ri Jotam ri más chaq'laxel ri xkolotej kan, roma rija' xanimej y xrewaj-ri'.