2 Rey 11:1 - Kaqchiquel Bible

¹ Toq ri Atalía ri rute' kan ri Ocozías xutz'et chi xken ri ral, jari' toq xyakatej chikij ri aj pa rachoch kan ri Ocozías, y kan xeruk'is konojel.

2 Rey 11:1 ပူးပေါင်းရင်းမြစ်များ

Wuj Richin ri Jeremías 41:1

Jak'a chupan ri ik' wuqu', ri Ismael ruk'ajol ri Netanías y rumam ri Elisamá, jun chike ri rijatzul kan ri David, e rachibilan e lajuj aj-labal, xe'apon rik'in ri Guedalías chiri' pa Mispá y xewa' rik'in. Y rokik k'a yewa',

San Mateo 2:16

Jak'a ri Herodes toq xunabej chi ri etamanela' xa man xkiben ta achi'el ri rubin-el chike, kan xyakatej janila royowal. Roma ri' xuteq kikamisaxik konojel ri taq alaboni' ri k'o ka'i' kijuna' pa xulan, ri ek'o chiri' pa Belén, y chuqa' ri ek'o pa taq tinamit ri ek'o-pe chunaqaj. Ri Herodes xuben k'a achi'el ri ruq'ijul ri xq'ax kan chuwech, ri janipe' kitz'eton-pe ri ch'umil, ri etamanela'.

2 Crón 24:7

Ri Joás xubij keri' roma ri e tzeqelibey richin ri itzel ixoq Atalía xe'ok chupan ri rachoch ri Dios richin xbekelesaj-pe ri samajibel richin ri rachoch ri Jehová, y rik'in ri' xkiya' kiq'ij ri kiwachibel Baal.

2 Rey 9:27

Toq ri Ocozías rey richin Judá xutz'et ronojel re', xanimej-el y xbe chupan ri bey ri nibe pa tinamit Bet-hagan. Jak'a ri Jehú xutzeqelibej-el y xubij chi tikamisex chuqa' ri Ocozías chupan la ru-carruaje. Y xkisok k'a chiri' chuwa taq juyu' richin ri tinamit Gur, ri k'o chunaqaj ri tinamit Ibleam. Jak'a ri Ocozías k'a xanimej na y xapon pa Meguido, y k'a chiri' xken-wi.

2 Rey 8:26

Ri Ocozías juwineq ka'i' rujuna' toq xuchop nuq'et-tzij, y xaxe ok jun juna' xuq'et-tzij, y ri rati't ja ri Atalía, rijatzul kan ri Omrí ri xok rey richin Israel.

San Mateo 2:13

Toq ri etamanela' xetzolej yan el pa kiruwach'ulew, kan jari' jun ángel richin ri Dios xuk'ut-ri' chuwech ri José, pa rachik'. Y xubij chire: Tak'uaj-el ri ak'ual rachibilan ri rute' y kixanimej-el wawe'. Kixbiyin k'a pan Egipto y kixk'oje' chiri', k'a toq xtinya' na rutzijol chawe toq utz chik yixtzolin-pe. Roma ri rey kan xtuteq rukanoxik re ak'ual richin chi nukamisaj, xcha' ri ángel.

Wuj Kichin ri To'onela' 9:5

Y rija' xeruk'uaj-el pa tinamit Ofrá ri akuchi k'o-wi kan ri rachoch ri rutata', y xekikamisaj k'a konojel ri e rach'alal ri e ruk'ajol kan ri Jerubaal ri rutata'; pa ruwi' k'a jun abej xekikamisaj-wi, y xaxe chik k'a ri Jotam ri más chaq'laxel ri xkolotej kan, roma rija' xanimej y xrewaj-ri'.

1 Rey 2:44

Chuqa' xubij chire ri Simí: Rat jebel awetaman chi ri xaben chire ri David ri nata' kan man utz ta, y roma ri itzel ri xaben, ri Jehová kan xtuya' rutojbalil pan awi' wakami.

2 Rey 10:7

Toq xapon k'a ri wuj kik'in, xekichop k'a ri e oxk'al lajuj winaqi' ri e rijatzul kan ri rey Acab, y xekikamisaj konojel. Chirij ri' xkiya' k'a el ri jolomaj pa taq chakech y xkiteq-el pa Jezreel.

2 Rey 10:36

Ri Jehú xq'aton-tzij juwineq waqxaqi' juna' pa ruwi' ri Israel ri chiri' pa Samaria.

Wuj Richin ri Rutikeribel 9:5

Roma kan qitzij ninbij chiwe, chi wi k'o jun chikop nukamisaj jun chiwe rix, k'o chi xtinch'ojij ri ik'aslen chire; y wi jun chiwe rix nukamisaj jun chik wineq, chuqa' xtinch'ojij ri ruk'aslen chire.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

1 Rey 1:12

Wakami k'a ninwajo' chi tawak'axaj ri xtinbij chawe, richin nakol ri ak'aslen rat y ri ruk'aslen ri awal Salomón.

2 Rey 12:1

Toq k'a k'es na ri Jehú rey richin Israel, y chupan ri juna' wuqu' chire ri ruq'atbal-tzij. Jari' toq ri Joás xok kan rey pa ruwi' ri ruwach'ulew Judá y xuq'et k'a tzij kawineq juna' ri chiri' pa tinamit Jerusalem. Y ri rute' rubini'an Sibiá, aj-Beerseba.