2 Rey 10:9 - Kaqchiquel Bible

⁹ Toq seqer-q'anej, jari' toq xel-pe ri Jehú, y xpa'e' chikiwech ri winaqi' richin ri tinamit, y xubij: Yin xiyakatej chirij ri wajaw y kan xinkamisaj. Y rix kan maneq imak chire re'; jak'a ¿Achike xekamisan kichin konojel re'?

2 Rey 10:9 ပူးပေါင်းရင်းမြစ်များ

Os 1:4

K'ari' ri Jehová xubij chik k'a chuwe: Ri awalk'ual Jezreel k'a ri rubi' ri xtaya', roma yin xa kan xtinbenya' yan k'a rutojbalil-mak pa kiwi' ri e rijatzul kan ri Jehú, roma ronojel ri kamik ri xkiben chupan ri taq'aj Jezreel y xtik'is ri ajawaren richin ri tinamit Israel.

Wuj Richin ri Isaías 5:3

Roma ri' ri rajaw ri ulew nubij: Wakami k'a rix winaqi' richin Jerusalem y richin Judá, kan ticha' k'a rix achike k'o rumak, yin o ri nutiko'n.

1 Sam 12:3

Wakami k'a jare' ink'o chiwech. Tiq'alajirisaj ronojel chuwij chuwech ri Jehová y chuwech ri rey. Wi jun chiwe rix ri weleq'an ri rubóyix o ri rubur, tubij. O wi k'o jun nutz'ukun-tzij chirij o nuyoq'on ta, o wi k'o jun ri in rupuaqin, tibij-pe; y xtintzolij chire, xcha' ri Samuel chike.

2 Rey 10:6

K'ari' ri Jehú xutz'ibaj chik jun wuj y xubij-el: Wi rix kan qitzij chi ixk'o wik'in yin y niwajo' ninimaj nutzij, kan tibana' k'a re ninbij chiwe, chi ke taq wa chua'q nik'en-pe chuwe wawe' pa Jezreel, ri kijolon ri e rijatzul kan ri iwajaw, xecha-el. Y ri e oxk'al lajuj achi'a' ri e rijatzul kan ri rey, ek'o k'a pa kiq'a' ri achi'a' ri k'o kiq'ij richin ri tinamit Samaria richin yetijon kichin.

2 Rey 10:8

Toq xbebix chire chi jari' xk'amer-pe chire ronojel ri jolomaj, rija' xubij chi tich'ar pa ka'i' y keya'ox kan chuchi' ri tinamit, y chiri' yek'oje' kan chijun aq'a'.

2 Rey 12:21

Y ri xekamisan richin ri Joás ja ri Josacar ruk'ajol ri Simat, y ri Jozabad ruk'ajol ri Somer. Xkimuq k'a ri Joás akuchi e muqun-wi ri rute-rutata' ri pa rutinamit kan ri rey David. Y ri xk'oje' kan pa ruk'exel richin xuq'et-tzij ja ri Amasías ri ruk'ajol.