2 Rey 10:6 - Kaqchiquel Bible

⁶ K'ari' ri Jehú xutz'ibaj chik jun wuj y xubij-el: Wi rix kan qitzij chi ixk'o wik'in yin y niwajo' ninimaj nutzij, kan tibana' k'a re ninbij chiwe, chi ke taq wa chua'q nik'en-pe chuwe wawe' pa Jezreel, ri kijolon ri e rijatzul kan ri iwajaw, xecha-el. Y ri e oxk'al lajuj achi'a' ri e rijatzul kan ri rey, ek'o k'a pa kiq'a' ri achi'a' ri k'o kiq'ij richin ri tinamit Samaria richin yetijon kichin.

2 Rey 10:6 ပူးပေါင်းရင်းမြစ်များ

San Lucas 9:50

Ri Jesús xubij k'a chire ri Juan: Man tiq'et. Roma ri man ye'etzelan ta qichin, kan qachibil-wi-qi' kik'in, xcha'.

San Mateo 12:30

Wi rix man ixk'o ta wik'in, xa ix yakatajineq chuwij. Y achike ri man nito'on ta wichin richin nink'ol ri tiko'n, xa jari' ri nitalun ronojel.

Wuj Richin ri Achin Job 21:19

Rix kan niq'ax k'a chiwech chi ri rutojbalil ri kimak rije', yakon-apo roma ri Dios chi pa kiwi' ri ralk'ual niqaqa-wi. Man keri' ta. Ri Dios xa kan pa kiwi' ri aj-maki' xtuya-wi ri rutojbalil, richin chi kan tiketamaj na.

2 Rey 9:32

Y ri Jehú xtzu'un k'a q'anej pa ventana y xuk'utuj chi wi ek'o ta ri chiri' ri nikajo' yeto'on richin. Y jari' toq xebek'ulun-pe e ka'i-oxi' achi'a' ri yesamajin richin ri Jezabel.

Deut 5:9

Man k'a kixxuke' chikiwech rije', ni man tiya' kiq'ij, roma ja yin Jehová ri i-Dios ri kan man niqa' ta chinuwech richin niya' ruq'ij jun chik. Y wi k'o ta jun ri nibanon keri' xtinwetzelaj y xtiqaqa ri woyowal pa ruwi', y pa kiwi' ri rijatzul k'a pa rukaj sol.

Wuj Richin ri Q'axanri'il 25:4

K'ari' ri Jehová xubij chire ri Moisés: Ke'amolo' konojel ri e aj-raqen ri ek'o pa kiwi' ri awinaq y ke'akamisaj chinuwech yin Jehová y kan paq'ij k'a toq xke'akamisaj. Richin keri' ri woyowal ri yakatajineq chiwij xtik'is-el, xcha'.

2 Rey 10:5

K'ari' ri samajel ri k'o pa ruwi' ri jay richin q'atbel-tzij, ri aj-raqen pa ruwi' ri tinamit, ri achi'a' ri k'o kiq'ij, ri yechajin y ri yetijon kichin ri e aj pa rachoch ri Acab; konojel rije' xkiteq rubixik chire ri Jehú, y xkibij-el: Roj kan oj asamajel rat rey; y xtiqaben k'a ronojel ri xtabij chiqe; jak'a roj man xtiqacha' ta qa jun chik rey. Roma ri', kan tabana' k'a ri achike niqa' chawech rat, xecha-el.

2 Rey 10:7

Toq xapon k'a ri wuj kik'in, xekichop k'a ri e oxk'al lajuj winaqi' ri e rijatzul kan ri rey Acab, y xekikamisaj konojel. Chirij ri' xkiya' k'a el ri jolomaj pa taq chakech y xkiteq-el pa Jezreel.

2 Rey 10:9

Toq seqer-q'anej, jari' toq xel-pe ri Jehú, y xpa'e' chikiwech ri winaqi' richin ri tinamit, y xubij: Yin xiyakatej chirij ri wajaw y kan xinkamisaj. Y rix kan maneq imak chire re'; jak'a ¿Achike xekamisan kichin konojel re'?