2 Rey 10:5 - Kaqchiquel Bible

⁵ K'ari' ri samajel ri k'o pa ruwi' ri jay richin q'atbel-tzij, ri aj-raqen pa ruwi' ri tinamit, ri achi'a' ri k'o kiq'ij, ri yechajin y ri yetijon kichin ri e aj pa rachoch ri Acab; konojel rije' xkiteq rubixik chire ri Jehú, y xkibij-el: Roj kan oj asamajel rat rey; y xtiqaben k'a ronojel ri xtabij chiqe; jak'a roj man xtiqacha' ta qa jun chik rey. Roma ri', kan tabana' k'a ri achike niqa' chawech rat, xecha-el.

2 Rey 10:5 ပူးပေါင်းရင်းမြစ်များ

1 Rey 20:32

Y ri e aj-samaj richin ri rey xkikusaj k'a el ri kitziaq richin bis y xkiya' k'a el kolo' chikiqul y xebe k'a rik'in ri Acab ri rey richin Israel y xkibij chire: Ri asamajel Ben-hadad nubij-pe chi takuyu' rumak y taya' kan ruk'aslen, xecha'. Y ri Acab xuk'utuj wi k'a k'es na rija', y xubij chi ri Ben-hadad xa kan achi'el jun rach'alal.

1 Rey 20:4

Y ri rey richin Israel kere' xubij chike ri uk'uey rutzijol: Kan keri', achi'el ri nabij rat rey wajaw, yin in awichin k'a rat y ronojel ri k'o wik'in, xcha' ri Acab chike ri uk'uey rutzijol.

Wuj Richin ri Josúe 9:11

Roma ri' ri achi'a' ri k'o kiq'ij y konojel ri qawinaq ri ek'o pa qaruwach'ulew xkibij chiqe: Tik'uaj ikaxlan-way ri janipe' nik'atzin chiwe richin nitej pa bey. Kebe'ik'ulu' y tibij chike: Roj oj isamajela'; roma ri' tijunamatej-iwech qik'in, kixcha' chike, xecha-pe chiqe.

2 Rey 18:14

Roma ri' ri Ezequías xuteq rubixik chire ri Senaquerib ri k'o chiri' pa tinamit Laquis, y kere' rubin-el chire: Yin wetaman chi ximakun chawech. Roma ri' katel-el re wawe' y xtintoj janipe' ri xtak'utuj chuwe, xcha-el. Y rik'in ri xubij-pe ri rey richin Asiria, ri Ezequías rey richin Judá xuya-el 220 quintal saqipueq y juwineq quintal q'anapueq.

Wuj Richin ri Josúe 9:8

Rije' xkibij chire ri Josué: Roj kan oj asamajela-wi, xecha'. K'ari' ri Josué xuk'utuj chik chike ri e achike k'a rije' y akuchi e peteneq-wi.

San Juan 12:26

Wi k'o k'a jun ri nrajo' chi yin yinok rajaw, tipe k'a wik'in. Y ri akuchi ink'o-wi yin, kan chiri' k'a xtik'oje-wi ri nusamajel. Y wi rija' xtuben ri nusamaj, xtinimirisex k'a ruq'ij roma ri nata'.

Wuj Richin ri Jeremías 27:17

Man ke'iwak'axaj k'a; xa kan kixk'oje' k'a chuxe' rutzij ri rey richin Babilonia, richin xkixk'ase' chi utzil. Y wi man niwajo' ta, ri Jerusalem xtitole' kan.

Wuj Richin ri Q'axanri'il 11:12

¿Ja kami yin ri xinalk'ualan kichin konojel re winaqi' re'? ¿Ja kami yin xibanon chi rije' xe'alex chuwech re ruwach'ulew? ¿Nabij chuwe richin yench'elej-el, achi'el niban kik'in ri ne'y ri k'a yetz'uman na? ¿Y k'o chi yenk'uaj k'a chupan ri ruwach'ulew ri akuchi asujun chike ri qati't-qamama'?

2 Rey 10:6

K'ari' ri Jehú xutz'ibaj chik jun wuj y xubij-el: Wi rix kan qitzij chi ixk'o wik'in yin y niwajo' ninimaj nutzij, kan tibana' k'a re ninbij chiwe, chi ke taq wa chua'q nik'en-pe chuwe wawe' pa Jezreel, ri kijolon ri e rijatzul kan ri iwajaw, xecha-el. Y ri e oxk'al lajuj achi'a' ri e rijatzul kan ri rey, ek'o k'a pa kiq'a' ri achi'a' ri k'o kiq'ij richin ri tinamit Samaria richin yetijon kichin.