2 Rey 10:4 - Kaqchiquel Bible

⁴ Jak'a rije' janila xkik'en rukiy y xkibij: Wi ri e ka'i' rey man xetikir ta rik'in ri Jehú, ¿achi'el toq xqojtikir roj rik'in?, xecha-qa.

2 Rey 10:4 ပူးပေါင်းရင်းမြစ်များ

2 Rey 9:27

Toq ri Ocozías rey richin Judá xutz'et ronojel re', xanimej-el y xbe chupan ri bey ri nibe pa tinamit Bet-hagan. Jak'a ri Jehú xutzeqelibej-el y xubij chi tikamisex chuqa' ri Ocozías chupan la ru-carruaje. Y xkisok k'a chiri' chuwa taq juyu' richin ri tinamit Gur, ri k'o chunaqaj ri tinamit Ibleam. Jak'a ri Ocozías k'a xanimej na y xapon pa Meguido, y k'a chiri' xken-wi.

2 Rey 9:24

Y ri Jehú xujik' k'a ri rute-ruch'ab, y xuq'ijuj ri che'el-rij ri Joram. Y ri ko'ol raqen ch'ab kan xbek'ulun k'a pe chuwa-ruk'u'x ri Joram, y rija' xtzaq-qa chupan ri ru-carruaje.

San Lucas 14:31

O wi k'o ta jun rey k'o chi nibe pa labal rik'in jun chik rey, ¿man kami nitz'uye' ta nabey richin nuch'ob wi 10,000 aj-labal yetikir nikiben labal kik'in ri 20,000 aj-labal ri e ruk'amon-pe ri jun chik rey?

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Wuj Richin ri Jeremías 49:19

Yin Jehová ri yibin. Xkipe k'a chiwij rix richin yixinwoqotaj, achi'el nuben jun koj ri nel-pe pa taq q'ayis richin ri raqen-ya' Jordán toq nibe pa jun soq'olbel richin yeroqotaj ch'aqa' chik chikopi'. Y ri iyuq'unela' man xketikir ta chuwij. Y chiri' xtinben chiwe chi xkixanimej-el chupan ri iruwach'ulew. Rix man iwetaman ta achike xtinteq-el richin yixroqotaj-el y ja yin ri'.

Wuj Richin ri Isaías 27:4

Man woyowal ta chik chire ri nutiko'n. Stape' ek'o k'ix ri kan janila kik'ixal, yin xa kan xkenya' pa q'aq'.

2 Rey 10:3

ticha' k'a jun chike ri ruk'ajol ri iwajaw ri kan ruk'amon chi niya' kan pa rutz'uyubal ri rey. Keri' kan tibana' k'a oyowal wik'in yin pa ruwi' ri ajawaren, xcha-el.

Wuj Richin ri Achin Job 41:8

Wi ta rat nachop ri chikop ri', niyakatej chawij chi oyowal. Xtawetamaj y man jun bey xtamestaj; y man jun bey chik xtajeluj ri aq'a' chirij.