2 Rey 10:29 - Kaqchiquel Bible

²⁹ Man rik'in ri', ri Jehú man xuch'er ta kan ri' chire ri mak achi'el xuben ri Jeroboam ri ruk'ajol ri Nabat, toq xuben chike ri aj-Israel richin xemakun roma k'a xeruya' na kan ri ka'i' nima-alaj achij wákix ri banon rik'in q'anapueq ri ek'o chiri' pa tinamit Betel y pa Dan.

2 Rey 10:29 ပူးပေါင်းရင်းမြစ်များ

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

Os 13:2

Wakami xa kan k'a yemakun na k'a, roma kan k'a nikiya'erisaj na saqipueq y yekibanala' wachibel chire richin nikiya' kiq'ij. Achi'el k'a xqa' chikiwech rije' keri' xkiben chire, k'ari' xkibij chike ri winaqi' chi kekamela'an chikiwech. Ri winaqi' kan yekitz'ubaj k'a ri wachibel richin bóyix ri xeban.

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

2 Rey 17:22

Y ri israelita kan nikiben k'a ri mak achi'el xuben ri Jeroboam, ri kan man jun bey xuya' kan rubanik.

2 Rey 15:28

Chuqa' rija' kan xuben ri man utz ta chuwech ri Jehová, roma kan man xuch'er ta ri' chire ri mak ri xuben ri Jeroboam ruk'ajol ri Nabat, toq xuben chike ri aj-Israel richin xemakun.

2 Rey 15:24

Jak'a ri rubanobal janila itzel xuben chuwech ri Jehová, roma rija' chuqa' kan xuben ri mak achi'el xuben ri Jeroboam ri ruk'ajol kan ri Nabat toq xuben chike ri aj-Israel richin xemakun.

2 Rey 15:18

Rija' chuqa' xuben ri itzel taq banobel chuwech ri Jehová. Chijun ruk'aslen man xujech'ej ta kan ri' chire ri mak ri xuben ri Jeroboam ri ruk'ajol kan ri Nabat, toq xuben chike ri aj-Israel richin xemakun.

2 Rey 15:9

Y kan xuben k'a ri itzel chuwech ri Jehová Dios, achi'el xkiben ri rute-rutata'; y kan man xujech'ej ta ri' chire ri mak ri xuben ri Jeroboam ri ruk'ajol kan ri Nabat, toq xuben chike ri aj-Israel richin xemakun.

2 Rey 14:24

Jak'a xa xuben ri man niqa' ta chuwech ri Jehová, y man xujech'ej ta kan ri' rik'in ronojel ri mak ri xeruben ri nabey Jeroboam ruk'ajol ri Nabat, toq xuben chike ri aj-Israel richin xemakun.

2 Rey 13:11

Rija' xuben ri itzel chuwech ri Jehová. Kan man xuch'er ta k'a kan ri' rik'in ri mak ri xuben ri Jeroboam ruk'ajol ri Nabat, toq xuben chike ri aj-Israel richin xemakun.

2 Rey 13:2

Kan xuben k'a ri itzel chuwech ri Jehová, y kan xutzeqelibej ri mak achi'el xuben ri Jeroboam ri ruk'ajol ri Nabat, toq xuben chike ri aj-Israel richin xemakun. Y kan man xuch'er ta k'a kan ri' chire ri mak ri'.

1 Sam 2:24

Walk'ual, man tiben keri' roma xa man utz ta ri rutzijol ri eleneq chiwij ri ninwak'axaj yin, roma niben chire chi yemakun ri rutinamit ri Jehová.

Ex 32:21

Chirij ri' ri Moisés xubij chire ri Aarón: ¿Achike xkiben chawe re winaqi' re', richin xe'ayuqej chupan re jun nimalej mak re'?, xcha'.

Ex 32:4

Y ri Aarón kan xuk'ul k'a kan chuwi-kiq'a', ri kik'uan-apo chire. Xpe rija' xutzek k'a ronojel ri ruwi' taq ixkinaj ri', richin xya'er y k'ari' xuq'ej pa jun k'ojelibel ri xuben rija'. Y k'ari' xuchop ri rusamajibal y xel ruwachibel jun nima-alaj achij wákix chuwech. Y k'ari' ri winaqi' xkibij: ¡Qawinaq! Ja k'a qa-dios re' ri xojelesan-pe pa ruwach'ulew Egipto, xecha'.

Wuj Richin ri Rutikeribel 20:9

K'ari' ri Abimélec xroyoj ri Abraham y xubij chire: ¿Achike k'a ri xawajo' ri xaben ta chiqe? ¿Achike ta k'a itzel banobel ri nubanon chawe richin xak'en-pe re jun nimalej mak re' pa nuwi' y pa kiwi' konojel ri winaqi' ri ek'o chupan re ruwach'ulew re'? Re' kan man utz ta ri xaben wik'in yin.

2 Rey 10:28

Keri' xuben ri Jehú toq xrelesaj-el ri Baal chiri' pan Israel.

2 Rey 10:31

Jak'a ri Jehú man xutaqej ta rik'in ronojel ránima ri rupixa' ri Jehová Dios, y kan man xuch'er ta kan ri' chire ri mak ri xuben ri Jeroboam toq xuben chike ri aj-Israel richin xemakun.

Ez 23:8

Man rik'in ri', kan man ruya'on ta kan ri itzel taq rubanobal kik'in ri aj-Egipto. Man xuya' ta kan ri itzel ruk'aslen y ri itzel banobel. Kan k'a pa ruq'opojil k'a toq janila e k'iy xek'oje' rik'in.

2 Rey 3:3

Man rik'in ri', xa kan xmakun achi'el xuben ri Jeroboam ruk'ajol ri Nabat, y xuben chire ri tinamit Israel chi xmakun, y kan man xuya' ta kan ri mak ri'.