2 Rey 10:19 - Kaqchiquel Bible

¹⁹ Wakami k'a, ke'iwoyoj-pe konojel ri achi'a' ri yesamajin richin ri Baal, y chuqa' ri e ru-sacerdote; y man jun k'a chike rije' ri man ta xtipe, roma k'o jun nimalej kamelabel ri xtinbensuju' chire ri Baal. Achike k'a ri man xtipe ta, kan xtikamisex k'a, xcha'. Ri Jehú xa rik'in k'a q'oloj xubij ronojel re', xaxe roma nrajo' chi yeruk'is konojel ri nikiya' ruq'ij ri Baal.

2 Rey 10:19 ပူးပေါင်းရင်းမြစ်များ

1 Rey 22:6

Y k'ari' ri Acab xerumol konojel ri e q'alajirisey ruch'abel ri ki-dios, y xkimol k'a ki' e 400 achi'a', y xuk'utuj chike: ¿Utz kami chi yibe richin ninbenbana' oyowal pa ruwi' ri Ramot ri k'o pa Galaad, o xa ninmalij-qa?, xcha'. Y rije' xkibij chire chi utz nibe roma ri kajaw kan xtujech pa ruq'a'.

1 Rey 18:19

Tataqa' k'a rubixik chike ri winaqi' aj-Israel chi tikimolo-ki' wik'in yin ri chiri' pa ruwi' ri juyu' Carmelo, y chuqa' chi tikimolo-ki' ri e 450 achi'a' ri yesamajin kichin ri Baal, y ri e 400 achi'a' ri yesamajin kichin ri Asera, ri yetzuq roma ri Jezabel, xcha' ri Elías.

1 Tesalonicenses 2:3

Y ri ruch'abel ri Dios ri xqabila' chiwe, kan pa rubeyal-wi. Y man xixqaq'ol ta. Y man xqabila' ta chuqa' ri ruch'abel ri Dios chiwe xaxe roma k'o ta jun ri niqajo' chiwe.

2 Corintios 11:3

Jak'a yin nuxibin-wi', roma man xa tibanatej iwik'in achi'el xbanatej rik'in ri Eva ojer kan, ri xq'olotej roma ri kumetz rik'in ri jebelej taq ruch'abel. Y rik'in juba' xa keri' xtiben rix, chi xa rik'in jun niya'on ina'oj, nijalatej ri ich'obonik. Y ri' nuben chiwe chi niya' kan ri Cristo.

2 Corintios 4:2

Roj man niqaben ta ri banobel ri man pa saqil ta yeban-wi y xa e richin k'ix. Man yeqaq'ol ta ri winaqi'; man niqajel ta chuqa' rubanik ri ruch'abel ri Dios ri niqabij. Roj kan ja wi k'a ri qitzij ri niqaq'alajirisaj y ri' kan nuben k'a chi xabakuchi yojk'ul-wi. Ri Dios kan nutz'et k'a pe chi keri'.

Wuj Richin Etamabel-Tzij 29:5

Ri wineq ri kan janila nunimirisaj ruq'ij jun rachibil; xa pikbel ri nuya' pa rubey, richin chi nibetzaq.

Wuj Richin ri Achin Job 13:7

¿Nich'ob rix chi ri ch'abel ri xa man pa ruchojmilal ta ri ibin-qa, kan ja chuqa' ri' nubij ri Dios? ¿O nibij rix chi nito' ri Dios rik'in ri tz'ukun taq tzij ri ibin-qa?

2 Rey 10:18

K'ari' ri Jehú xerumol chijun ri tinamit y xubij chike: Ri Acab xusamajij juba' ri dios Baal, jak'a yin kan más xtinsamajij.

2 Rey 3:13

K'ari' ri Eliseo xubij chire ri rey richin Israel: ¿Achike roma wik'in yin xape-wi? Ke'abek'ulubej ri e q'alajirisey ruch'abel ri ki-dios kan ri ate-atata', xcha' Y ri Joram xubij chire: Ni; roj oj peteneq awik'in rat q'alajirisey ruch'abel ri Jehová, roma ja rija' ri xoyon qichin re oj oxi' rey richin yojrujech pa ruq'a' ri tinamit Moab, xcha'.