2 Rey 10:15 - Kaqchiquel Bible

¹⁵ Y toq ri Jehú xel-el chiri', xuk'ul-ri' rik'in ri Jonadab ruk'ajol ri Recab. Y toq xuq'ejela' yan, ri Jehú xubij chire: ¿Kan choj ri awánima wik'in, achi'el ri wánima yin awik'in?, xcha'. Y ri Jonadab xubij chi kan keri'. K'ari' ri Jehú xubij chi tuya' ri ruq'a' chire. Y ri Jonadab kan xuya' k'a ri ruq'a' chire ri Jehú richin xbe rik'in pa ru-carruaje.

2 Rey 10:15 ပူးပေါင်းရင်းမြစ်များ

Ez 17:18

Rija' xujikiba' rutzij, jak'a xa man xuya' ta rejqalen y man xutaqej ta y roma ri' man xtitikir ta k'a xtanimej-el.

1 Crón 2:55

y ri e aj pa kachoch ri e aj-tz'ib ri ek'o pa tinamit Jabés: Ri winaqi' tirateo, ri simateo y ri sucateo. Jere' ri e quenita ri e eleneq pa rijatzul kan ri Hamat, ri tata'aj pa kiwi' ri jay richin ri Recab.

Gálatas 4:12

Yin xinel yan pe chuxe' rutzij ri pixa'. Roma ri' wach'alal, nink'utuj utzil chiwe chi tibana' achi'el xinben yin. Toq xik'oje' iwik'in, rix yalan utz xiben wik'in, jak'a re wakami kan xiniya' pa q'axo'n.

Gálatas 2:9

Roma ri' toq ri Santiago ri chuqa' nibix Jacobo chire, ri Pedro y ri Juan, ri k'o kiq'ij chikikojol ri qach'alal, xq'ax chikiwech chi ja ri Dios chilabeyon-pe ri samaj ri' chuwe. Y richin niq'alajin chi junan qawech chi qachibil-qi', xkichop qaq'a', yin y ri Bernabé. Xaxe k'a roj yojbesamej chikikojol ri man e qawinaq ta, y rije' yebesamej chikikojol ri qawinaq judío.

Hechos 8:31

Jak'a ri achin ri' xubij: ¿Achi'el ta k'a toq xtiq'ax chinuwech? Roma xa man jun niq'alajirisan chinuwech, xcha'. Y ri achin ri' xubij k'a chire ri Felipe chi tijote-el, y titz'uye-el rik'in.

2 Rey 10:13

Y chiri' xuk'ul-ri' kik'in jun tzobaj achi'a', y xuk'utuj chike e achike k'a rije'. Y rije' xkibij: Roj oj rach'alal ri Ocozías rey richin Judá, y wakami oj peteneq richin ye'oqaq'ejela' kan ri e ralk'ual ri rey Joram, y ri e ral ri Jezabel, xecha'.

2 Rey 9:21

K'ari' ri Joram xubij chi tichojmirisex ri ru-carruaje rija'. Y toq banon chik rutzil ri carruaje, jari' toq xe'el-pe ri Joram rey richin Israel y ri Ocozías rey richin Judá, chikijujunal pa ki-carruaje. Xbekik'ulu' k'a ri Jehú, y xbekila' chiri' pa rulew kan ri Nabot ri k'o chunaqaj ri Jezreel.

Wuj Richin ri Rutikeribel 47:10

K'ari' ri Jacob xuya' k'a urtisanik pa ruwi' ri rey y xel-pe ri chiri'.

Wuj Richin ri Rutikeribel 47:7

Chuqa' ri José xuk'uaj ri rutata' k'a chuwech ri rey y ri Jacob kan xuya' urtisanik pa ruwi' ri rey,

Wuj Richin ri Rutikeribel 31:55

Ri Labán nimaq'a' yan xyakatej y xerutz'ubaj kan ri rumam y ri rumi'al y xuya' kan urtisanik pa kiwi' y k'ari' xtzolin-pe akuchi k'o-wi ri rachoch.

2 Rey 10:14

K'ari' ri Jehú xubij chike ri rusamajela': Ke'ichapa' konojel kela' chi e k'es, xcha'. Y toq e kichapon chik, xekik'uaj chunaqaj ri pozo richin ri Bet-equed, y chiri' xekikamisaj-wi. Ri kajlabal ri achi'a' ri' e kawineq ka'i' konojel, y kan man jun k'a chike rije' ri xkiya' kan ruk'aslen.

Wuj Richin ri Jeremías 35:2

Kabiyin kik'in ri aj-Recab y ke'ak'uaj chupan jun chike ri jay richin ri wachoch ri ek'o wawe'. K'ari' taya' juba' vino chike, xcha' chuwe.

1 Rey 20:33

Y ri achi'a' ri' toq xkak'axaj ri ch'abel ri xubij ri Acab, kan jun utzilej retal xkak'axaj rije' y roma ri' xkibij chire: Ja', jari' ri Ben-hadad ri awach'alal y k'a k'es na, xecha'. Y ri Acab xubij chike chi tibekik'ama' ri Ben-hadad. Y toq xapon rik'in ri Acab, kan xujotoba-q'anej rik'in chupan ri ru-carruaje.

Wuj Richin ri Nehemías 3:14

Chikinaqaj rije' xsamej jun chik achin rubini'an Malquías ruk'ajol ri Recab, rija' aj-raqen pa ruwi' ri ruwach'ulew Bet-haquérem. Xuchojmirisaj k'a q'anej ri ruchi' ri tz'aq ri napon-qa pa toribel q'ayis y xuya' kan ch'ich' y che' chirij richin xkich'ayuj kan jebel.

Wuj Richin Bix Chire ri Dios 94:16

¿Achike k'a xkito'on yin chikiwech ri e banoy etzelal? ¿Achike k'a xtito'on wichin chikiwech ri itzel taq winaqi'?