2 Rey 10:11 - Kaqchiquel Bible

¹¹ Keri' ri Jehú xerukamisaj k'a konojel ri k'a ek'o kan chire ri rijatzul kan ri Acab ri ek'o pa tinamit Jezreel, y chuqa' konojel ri tata'al, konojel ri e kachibil, keri' chuqa' ri e sacerdote ri xesamajin richin; kan man jun k'a xk'oje' kan chike.

2 Rey 10:11 ပူးပေါင်းရင်းမြစ်များ

Wuj Richin ri Achin Job 18:19

Kan ni xa ta jun rijatzul ri xtik'oje' kan chikikojol ri winaqi' ri pa rutinamit, ni xa ta jun ri xtik'ase' kan y nik'oje' ta kan ri pa rachoch.

Apocalipsis 20:10

Y ri Itzel-Wineq ri xq'olon kichin konojel ri winaqi' ri', xk'aq chupan ri achi'el choy ri k'o q'aq' xolon rik'in chuwilej-abej chupan, ri akuchi xk'aq-wi ri keq rij chikop ri xq'aton-tzij rachibilan ri jun achin ri xbin chi q'alajirisey ri ruch'abel ri Dios y xa man qitzij ta. Y chiri' chupan ri q'aq' xtikitej poqon chi paq'ij chi chaq'a' y kan richin tibe-q'ij tibe-seq.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

Os 1:4

K'ari' ri Jehová xubij chik k'a chuwe: Ri awalk'ual Jezreel k'a ri rubi' ri xtaya', roma yin xa kan xtinbenya' yan k'a rutojbalil-mak pa kiwi' ri e rijatzul kan ri Jehú, roma ronojel ri kamik ri xkiben chupan ri taq'aj Jezreel y xtik'is ri ajawaren richin ri tinamit Israel.

Wuj Richin Etamabel-Tzij 13:20

Ri wineq kan nok k'a aj-na'oj, toq kan ja ri aj-na'oj yerachibilaj; y wi xa yerachibilaj ri xa maneq ok kina'oj, nuq'axaj k'a ruk'ayewal.

Wuj Richin Bix Chire ri Dios 125:5

Jak'a ri xa nikich'er kan ki' richin nikiben ri etzelal, ri Jehová kan xkeruya' k'a kik'in ri ch'aqa' chik e banoy etzelal. ¡Ri uxlanibel-k'u'x xtik'oje' ta pa ruwi' ri tinamit Israel!

Wuj Richin Bix Chire ri Dios 109:13

Xkek'is ta k'a ri rijatzul, y chirij ri ruka'n sol ruwinaq kan ta k'a xtiyojtej jumul ri rubi'.

2 Rey 23:20

Chuqa' xerukamisaj konojel ri itzel taq sacerdote ri xesamej chiri', y xuporoj kibaqil pa kiwi' ri porobel. Y chirij re' xtzolin pa Jerusalem.

1 Rey 22:6

Y k'ari' ri Acab xerumol konojel ri e q'alajirisey ruch'abel ri ki-dios, y xkimol k'a ki' e 400 achi'a', y xuk'utuj chike: ¿Utz kami chi yibe richin ninbenbana' oyowal pa ruwi' ri Ramot ri k'o pa Galaad, o xa ninmalij-qa?, xcha'. Y rije' xkibij chire chi utz nibe roma ri kajaw kan xtujech pa ruq'a'.

1 Rey 21:22

Xtinben k'a chawe achi'el xinben chike ri aj pa rachoch ri Jeroboam ruk'ajol ri Nabat y ri Baasá ruk'ajol ri Ahías, roma rat kan xaben chuwe richin xyakatej woyowal, y roma chuqa' ja rat xabanon chire ri tinamit Israel richin xmakun chinuwech. Kere' rubin-pe ri Jehová Dios, xcha' ri Elías.

1 Rey 18:40

K'ari' ri Elías xubij chike: Ke'ichapa' ri achi'a' ri yesamajin kichin ri Baal, y man jun chike rije' tanimej chiwech. Y ri winaqi' xekichop k'a ri achi'a' ri', y xkitzeqelibej ri Elías k'a chuchi' ri ch'uti'n raqen-ya' Quisón, y chiri' xuqupij ri kiqul y xeken.

1 Rey 18:19

Tataqa' k'a rubixik chike ri winaqi' aj-Israel chi tikimolo-ki' wik'in yin ri chiri' pa ruwi' ri juyu' Carmelo, y chuqa' chi tikimolo-ki' ri e 450 achi'a' ri yesamajin kichin ri Baal, y ri e 400 achi'a' ri yesamajin kichin ri Asera, ri yetzuq roma ri Jezabel, xcha' ri Elías.

1 Rey 16:11

Y ri Zimrí kan xaxe toq xok kan rey y xapon pa rutz'uyubal richin nuq'et-tzij, jari' toq xerukamisaj ri aj pa rachoch ri Baasá; kan man jun chik achin xuk'asba' ta kan, ni ta ri e rach'alal, ni ta ri e rachibil.

1 Rey 15:29

Y ri Baasá kan xaxe toq xok kan chupan ri q'atoy-tzij xerukamisaj konojel ri aj pa rachoch ri Jeroboam, y kan man jun chik ri xuk'asba' ta kan. Xuben wi k'a achi'el rubin ri Jehová chire ri rusamajel Ahías ri aj-Siló,

1 Rey 14:10

Roma k'a ronojel re' xtinya-pe ruk'ayewal pan iwi' rix ri ix aj pa rachoch ri Jeroboam; xkenk'is k'a konojel achi'a' ri e aj pan awachoch, y kan man jun k'a xtitotej kan, stape' yuqul o man yuqul ta pa samaj. Y keri' xkixinmes-el jumul chi'iwonojel, achi'el toq nimes-el q'ayis kichin ri chikopi'.

Wuj Richin ri Josúe 11:8

Ri Jehová xerujech k'a ri winaqi' ri' pa kiq'a' ri Josué y ri achi'a'; xekich'ek y xekitzeqelibej k'a pa nimalej tinamit Sidón y k'a pa Misrefot-maim y k'a pa taq'aj richin Mispá ri k'o pa relebel-q'ij. Y xekikamisaj kan y man jun k'a xk'ase' kan.

Wuj Richin ri Josúe 10:30

Y ri Jehová chuqa' xujech pa kiq'a' ri Josué y ri achi'a', re tinamit re' y ri ru-rey; xekikamisaj k'a konojel chi espada y kan man jun xkiya' kan rik'in ruk'aslen. Chuqa' kan keri' xkiben rik'in ri rey achi'el xkiben rik'in ri rey richin Jericó.

Wuj Richin ri Josúe 15:56

Jezreel, Jocdeam, Zanóah,

2 Rey 10:12

Chirij ri' ri Jehú xbe pa Samaria. Jak'a toq beneq pa bey xapon pa Bet-equed ri akuchi ri yuq'unela' nikisokaj-wi ri kisumal ri kikarne'l.

2 Crón 22:8

Rokik ri Jehú najin chubanik ri k'o chi nuben pa kiwi' ri e aj pa rachoch kan ri Acab, jari' toq xerutz'et ri e tata'al richin ri Judá y ri e ruch'utik'ajol ri Ocozías, ri ye'ilin richin rija'. Konojel ri' xerukamisaj ri Jehú.

1 Rey 21:29

¿Atz'eton chi ri Acab janila xuqasaj-ri' chinuwech yin? Y roma k'a janila xuqasaj-ri' chinuwech, man xtinya' ta ri ruk'ayewal pa ruwi' re q'ij re'; k'a toq xtiq'aton na kan tzij ri ruk'ajol, k'ari' xtinya-pe ri ruk'ayewal pa ruwi' ri rachoch, xcha' ri Jehová.

2 Rey 9:7

Rat kan xke'ak'is k'a ri e rijatzul kan ri Acab, richin chi niqaqa pa kiwi' rije' ri xkiben chike ri nusamajela' ri e q'alajirisey ri nuch'abel, toq ri Jezabel xuben chi xbiyin kikik'el.

2 Rey 9:9

Xtinbenbana' rik'in ri aj pa rachoch ri Acab achi'el xinben kik'in ri e rijatzul kan ri Jeroboam ruk'ajol kan ri Nabat, y kik'in ri e rijatzul kan ri Baasá ruk'ajol kan ri Ahías.

2 Crón 22:7

Ri Dios xuben chire ri Ocozías chi nibeken toq xtiberuq'ejela-el ri Joram. Toq ri Ocozías xapon rik'in ri Joram, kan jari' k'a xe'el-el richin nibekibana' oyowal rik'in ri Jehú, ruk'ajol ri Nimsí. Jak'a ri Jehová kan rucha'on ri Jehú richin yeruk'is konojel ri e ralk'ual y ri rixjayil ri Acab.