2 Rey 1:4 - Kaqchiquel Bible

⁴ Roma ri', ri Jehová nubij chi ri rey Ocozías man xtiyakatej ta chik chuwech ri warabel; xa kan xtibeken k'a, xcha' ri ángel chire ri Elías. K'ari' ri Elías xel-pe richin xeberuk'ulu' ri samajela' y xubij chike ri xubij ri Dios chire.

2 Rey 1:4 ပူးပေါင်းရင်းမြစ်များ

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

Wuj Richin ri Rutikeribel 3:4

K'ari' ri kumetz ri' xubij chire: Ni, man yixken ta.

Wuj Richin ri Rutikeribel 2:17

Xaxe ri che' ri niya'on etamabel richin ri utz y ri itzel man tatej, roma ri q'ij toq xtatej, kan xkaken, xcha'.

Wuj Richin Etamabel-Tzij 11:19

Ri wineq ri nuk'uaj jun chojmilej k'aslen, jari' ri nuk'uan richin chupan ri k'aslen; jak'a ri nuk'uaj jun itzelej k'aslen, xa jari' ri nuk'uan chupan ri kamik.

2 Rey 1:16

Toq xapon rik'in, xubij chire: Kere' rubin-pe ri Jehová: Rat kan xaben chi achi'el xa ta maneq Dios wawe' pan Israel roma xa xak'ulubej chik jun. Roma xe'ateq-el achi'a' rik'in ri Baal-zebub dios kichin ri aj-Ecrón; roma ri' man xkayakatej ta chik chuwech ri warabel y xa xkabeken, kere' nubij ri Dios, xcha' ri Elías.

1 Sam 28:19

Chuqa' ri Jehová xkarujech rat y chuqa' ri aj-labal pa kiq'a' ri aj-Filistea. Roma ri' chua'q, rat y ri e ak'ajol xkixbek'oje' qik'in chiqakojol ri oj kaminaqi' chik, xcha' ri Samuel chire.

Wuj Richin Etamabel-Tzij 14:32

Toq kan noqaqa k'a ri ruk'ayewal, ri wineq itzel xa man xtikowin ta pa ruq'a'; jak'a ri choj ruk'aslen, stape' k'o chik chuwech ri kamik, kan k'o ri akuchi nuto-ri'.

2 Rey 1:6

Y rije' xkibij chire: Xqak'ul jun achin y xubij chiqe: Kixtzolin rik'in ri rey ri xixtaqon-pe, y tibij chire: Kere' rubin-pe ri Jehová: ¿Maneq k'a Dios pan Israel, richin chi yixbe rik'in ri Baal-zebub dios kichin ri aj-Ecrón? Roma ri', ri Jehová kere' nubij: Rey Ocozías, rat kan man xkayakatej ta chik chuwech ri warabel; xa kan xkabeken k'a, xcha-pe chiqe, xecha' ri e taqon-el.

1 Rey 14:12

Y jak'a rat kayakatej y kabiyin pan awachoch. Y toq xkatapon chupan ri tinamit, jari' toq xtiken-qa ri awal ti ala'.

Wuj Richin ri Q'axanri'il 26:65

Roma ri Jehová rubin chik chike chi rije' xkeken kan ri pa tz'iran ruwach'ulew y xaxe xkek'ase' kan ri Caleb ruk'ajol ri Jefuné y ri Josué ri ruk'ajol ri Nun.

2 Rey 1:5

Roma ri' ri samajela' xa xetzolin, y ri Ocozías xuk'utuj chike achike roma xetzolin yan pe.

1 Rey 18:2

K'ari' ri Elías xbe richin niberuk'utu-ri' chuwech ri Acab. Y ri wayjal ri chiri' pa Samaria kan janila k'ayew rubanon.

2 Rey 8:10

K'ari' ri Eliseo xubij chire: Tabij chire ri Ben-hadad chi ri yabil ri chapayon man richin ta kamik, kacha' chire. Jak'a ri Jehová xuq'alajirisaj yan chinuwech chi rija' k'o chi nibeken, xcha'.

2 Rey 20:1

Chupan k'a ri q'ij ri' ri Ezequías xuchop k'a jun nimalej yabil y kan niken yan. Y xapon k'a rik'in rija' ri Isaías ri q'alajirisey ruch'abel ri Dios y xubij chire: Ri Jehová nubij chi tachojmirisaj kan ronojel ri pan awachoch, roma kan xkaken. Xa man xkak'achoj ta chik, xcha'.