2 Rey 1:3 - Kaqchiquel Bible

³ Rokik ri samajela' ri' e beneq, ri ángel richin ri Jehová xch'on rik'in ri Elías ri aj-Tisbé, y xubij chire chi tibiyin y keberuk'ulu' ri e rutaqon-pe ri Ocozías rey richin Samaria, y tubij chike: ¿Maneq k'a Dios pan Israel, richin chi yixbe rik'in ri Baal-zebub dios kichin ri aj-Ecrón?

2 Rey 1:3 ပူးပေါင်းရင်းမြစ်များ

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

Wuj Richin ri Jonás 2:8

Ri yetzeqeliben kichin ch'aqa' chik dios ri man jun kejqalen, xa niketzelaj k'a kan ri awutzil y ri ajoyowanik rat.

Wuj Richin Bix Chire ri Dios 76:1

Ri Dios kan janila etaman ruwech chupan ri ruwach'ulew Judá; ri rubi' rija' kan nimirisan k'a chupan chijun ruwach'ulew Israel.

Hechos 8:26

K'o k'a jun q'ij jun ángel richin ri Dios xch'on rik'in ri Felipe, y xubij k'a chire: Tachojmirisaj k'a el awi', roma k'o chi yabe chupan ri jun bey ri nel-el wawe' pa Jerusalem, ri niq'ax pa tz'iran ruwach'ulew y nibe-qa pa xulan, k'a pa tinamit Gaza, xcha'.

Marcos 3:22

Ri etamanela' chirij ri pixa' e peteneq pa Jerusalem, y ek'o-apo ri akuchi k'o-wi ri Jesús. Y nikitzijola' chikiwech chi ri Jesús k'o pa ruq'a' ri Beelzebú, ri kajaw ri itzel taq espíritu. Roma ri' ruya'on uchuq'a' chire, richin nitikir yerelesaj ri itzel taq espíritu.

2 Rey 5:15

Chirij ri' ri Naamán y konojel ri e beneq rik'in xetzolin chik rik'in ri Eliseo. Y ri Naamán xbepa'e' chuwech, y xubij chire: Wakami xq'ax chinuwech chi kan xaxe ri a-Dios rat ri k'o wawe' pan Israel, ri Dios richin chijun ri ruwach'ulew. Wakami k'a nink'utuj utzil chawe chi tak'ulu' kan re jun sipanik ri nuk'amon-pe chawe, xcha' chire.

2 Rey 1:8

Y rije' xkibij chire chi ri achin ri' rukusan jun sale'y richin chikop, y rukusan jun tz'um ximibel rupan. K'ari' ri rey xubij: ¡Ri', ja ri Elías ri aj-Tisbé!, xcha'.

2 Rey 1:6

Y rije' xkibij chire: Xqak'ul jun achin y xubij chiqe: Kixtzolin rik'in ri rey ri xixtaqon-pe, y tibij chire: Kere' rubin-pe ri Jehová: ¿Maneq k'a Dios pan Israel, richin chi yixbe rik'in ri Baal-zebub dios kichin ri aj-Ecrón? Roma ri', ri Jehová kere' nubij: Rey Ocozías, rat kan man xkayakatej ta chik chuwech ri warabel; xa kan xkabeken k'a, xcha-pe chiqe, xecha' ri e taqon-el.

2 Rey 1:2

Y ri Ocozías, rey richin ri ruwach'ulew Israel, xbetzaq-pe pa ventana ri k'o-q'anej pa ruka'n wiq y janila xkajtej. Y roma ri' xeroyoj ri rusamajela', y xubij-el chike chi tibekik'ulubej ri Baal-zebub, ri dios kichin ri winaqi' aj-Ecrón, y tikik'utuj chire wi nik'achoj-q'anej chire ri kajtajik.

1 Rey 21:17

K'ari' ri Jehová xch'on rik'in ri Elías ri aj-Tisbé y xubij chire:

1 Rey 19:7

Y ri ángel richin ri Jehová xpe chik rik'in pa ruka'n mul, xuyikiya' y xubij chire: Kayakatej y kawa', roma k'a janila k'iy bey k'o chawij, xcha'.

1 Rey 19:5

Y xkotz'e-qa chuxe' ri che' y xbe-qa chi waran. Y xok'ulun-qa jun ángel rik'in, xuyikiya' y xubij chire chi tiyakatej richin nutej ruway.

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

1 Rey 18:1

Toq q'axineq chik k'a ri q'ij, chupan ri rox juna', ri Jehová xch'on chik rik'in ri Elías y xubij chire: Kabiyin y tabek'utu-awi' chuwech ri Acab, y yin kan xtinben chi xtipe job chuwech re ruwach'ulew, xcha'.

1 Sam 17:46

Y chupan re q'ij re' rija' xkarujech pa nuq'a'. Xtintzak'ij la ajolon. Chuqa' chupan re q'ij re' ri kich'akul konojel ri awinaq xtinya' chikiwech k'ucha', y chikiwech k'uxunela' taq chikopi', richin keri' konojel k'a ri ruwach'ulew tiketamaj chi k'o jun k'aslik Dios chiqakojol roj.

2 Rey 5:8

Toq ri Eliseo, ri rusamajel ri Dios, xrak'axaj chi ri rey richin Israel xuretz rutziaq roma xuxibij-ri', xuteq rubixik chire: ¿Achike roma xaretz ri atziaq chawij? Tipe k'a wik'in yin ri achin ri' richin nretamaj chi wawe' pan Israel k'o jun q'alajirisey ruch'abel ri Dios, xcha'.

1 Rey 11:33

Y kere' xtuben ri Jehová rik'in ri rey Salomón roma xa xumalij kan y xa xuya' ruq'ij ri dios ixoq Astarté, y chuqa' kiq'ij ri Quemós ri ki-dios ri aj-Moab y ri Milcom ri ki-dios ri aj-Amón. Y xubij chuqa' ri Jehová chi ri Salomón man xutzeqelibej ta ri utzilej bey, ni man xuben ta ri choj chuwech rija', ni man xutaqej ta ri jalajoj ruwech pixa' ri ya'on chire, achi'el xuben ri David ri rutata'.

Wuj Richin ri Isaías 8:19

Rik'in juba' ek'o xkebin chiwe chi tik'utuj chike ri yech'on kik'in ri kaminaqi' y chike ri nikibananej chi ketaman ri peteneq chiqawech-apo, roma ruk'amon chi rik'in ta ri Dios xik'utuj-wi ronojel re'. Jak'a yin ninbij chi man ruk'amon ta chi ye'ik'ulubej ri kaminaqi' richin nikibij chiwe achike nik'uluwachij kik'in ri k'a ek'o na kan.