2 Rey 1:2 - Kaqchiquel Bible

² Y ri Ocozías, rey richin ri ruwach'ulew Israel, xbetzaq-pe pa ventana ri k'o-q'anej pa ruka'n wiq y janila xkajtej. Y roma ri' xeroyoj ri rusamajela', y xubij-el chike chi tibekik'ulubej ri Baal-zebub, ri dios kichin ri winaqi' aj-Ecrón, y tikik'utuj chire wi nik'achoj-q'anej chire ri kajtajik.

2 Rey 1:2 ပူးပေါင်းရင်းမြစ်များ

2 Rey 1:16

Toq xapon rik'in, xubij chire: Kere' rubin-pe ri Jehová: Rat kan xaben chi achi'el xa ta maneq Dios wawe' pan Israel roma xa xak'ulubej chik jun. Roma xe'ateq-el achi'a' rik'in ri Baal-zebub dios kichin ri aj-Ecrón; roma ri' man xkayakatej ta chik chuwech ri warabel y xa xkabeken, kere' nubij ri Dios, xcha' ri Elías.

Marcos 3:22

Ri etamanela' chirij ri pixa' e peteneq pa Jerusalem, y ek'o-apo ri akuchi k'o-wi ri Jesús. Y nikitzijola' chikiwech chi ri Jesús k'o pa ruq'a' ri Beelzebú, ri kajaw ri itzel taq espíritu. Roma ri' ruya'on uchuq'a' chire, richin nitikir yerelesaj ri itzel taq espíritu.

San Mateo 10:25

Tiwak'axaj k'a: Ri tijoxel kan achi'el ri rutijonel y ri samajel kan achi'el ri rajaw. Roma chuwe yin ri in tata'aj xkibij Beelzebú chuwe, k'a ta la' chik chiwe rix ri ix aj pa wachoch chi man ta xtibix janila chi ch'abel chiwij.

Wuj Richin ri Isaías 37:19

Y kan xkiya' ri ki-dios richin xekibox pa q'aq', y kan xekik'is konojel, roma re' man e qitzij dios ta. Xa ja ri achi'a' e banayon, e kibanon rik'in che' y abej.

San Lucas 11:15

Jak'a ek'o chike ri winaqi' ri nikibij: Ri Jesús yerelesaj ri itzel taq espíritu rik'in ri ruchuq'a' ri Beelzebú, ri kajawal ri itzel taq espíritu, yecha'.

Wuj Richin ri Isaías 37:12

¿Xeto'on kami ri ch'aqa' chik dios, toq ri wati't-numama' xk'is ri kiruwach'ulew? ¿Akuchi k'o-wi ri ki-dios ri tinamit Gozán, ri Harán, ri Résef y ri aj-Bet-edén ri xek'oje' pa tinamit Telasar?

2 Rey 1:6

Y rije' xkibij chire: Xqak'ul jun achin y xubij chiqe: Kixtzolin rik'in ri rey ri xixtaqon-pe, y tibij chire: Kere' rubin-pe ri Jehová: ¿Maneq k'a Dios pan Israel, richin chi yixbe rik'in ri Baal-zebub dios kichin ri aj-Ecrón? Roma ri', ri Jehová kere' nubij: Rey Ocozías, rat kan man xkayakatej ta chik chuwech ri warabel; xa kan xkabeken k'a, xcha-pe chiqe, xecha' ri e taqon-el.

2 Rey 1:3

Rokik ri samajela' ri' e beneq, ri ángel richin ri Jehová xch'on rik'in ri Elías ri aj-Tisbé, y xubij chire chi tibiyin y keberuk'ulu' ri e rutaqon-pe ri Ocozías rey richin Samaria, y tubij chike: ¿Maneq k'a Dios pan Israel, richin chi yixbe rik'in ri Baal-zebub dios kichin ri aj-Ecrón?

1 Rey 11:33

Y kere' xtuben ri Jehová rik'in ri rey Salomón roma xa xumalij kan y xa xuya' ruq'ij ri dios ixoq Astarté, y chuqa' kiq'ij ri Quemós ri ki-dios ri aj-Moab y ri Milcom ri ki-dios ri aj-Amón. Y xubij chuqa' ri Jehová chi ri Salomón man xutzeqelibej ta ri utzilej bey, ni man xuben ta ri choj chuwech rija', ni man xutaqej ta ri jalajoj ruwech pixa' ri ya'on chire, achi'el xuben ri David ri rutata'.

Hechos 20:9

Jak'a k'o jun ala' rubini'an Eutico, ri tz'uyul pa ventana richin ri jay. Y roma ri Pablo kan k'a nich'on na ri nej chik aq'a', janila k'a ruwaran xpe ri ala' ri'. Jak'a toq xwer-qa, ri ala' xtzaq-el, y k'a pan ulew xapon-wi-qa. Toq xebe chuyakik, xa xkitz'et chi kamineq chik.

Wuj Richin ri Nimalej Bix 2:9

Ri wajowanel peteneq achi'el nuben jun masat ri k'o janila ruchuq'a', achi'el jun achij masat. Jare' xoqaqa yan chirij ri wachoch. Kan nitzu'un chik pe pa nu-ventana. Nachan chik pe chirij ri ch'ich' ri e ya'on chire ri ventana.

Wuj Richin ri Achin Job 31:3

Roma ri wineq ri kan maneq Dios chuwech, kan k'o-wi k'a tijoj-poqonal nuq'axaj, kan nipe-wi ri wululen chirij roma kan itzel-wi ri ruk'aslen.

1 Rey 22:34

Y k'o k'a jun chike ri aj-labal aj-Siria ri xuk'eq jun ch'ab choj keri', y xumej ri Acab rey richin Israel. Ri ch'ab kan choj xok ri akuchi rutunun-wi-ri' ri rutobal, y k'ari' ri Acab xubij chire ri uk'uayon ri carruaje: Tapiskolij-awi' chi'anin richin yinawelesaj-el wawe' roma xa xisokotej yan, xcha'.

1 Rey 14:3

Tak'uaj-el chire lajuj kaxlan-wey, y jun chik kaxlan-wey ri más nim, y chuqa' tak'uaj-el jun xára kab ri nikiya' ri taq chikopi'. Kabiyin k'a chila' rik'in ri Ahías, y rija' xtubij-pe chawe achike xtiberuk'uluwachij ri ti qalk'ual, xcha'.

1 Sam 5:10

Y k'ari' xbekiya' chik kan ri káxa pa tinamit Ecrón. Jak'a toq xapon chiri', ri aj-Ecrón xesik'in roma xibinri'il y xkibij chi ri káxa ri' xapon kik'in xaxe richin yeruk'is.

Wuj Kichin ri To'onela' 11:24

Wi ta ri a-dios Quemós k'o ta nujech chawe, ¿kan man nok ta kami awichin rat? Keri' ronojel k'a ri xuya' kan ri Jehová ri qa-Dios chiqe jari' ri xok qichin roj.

Wuj Kichin ri To'onela' 5:28

Ri rute' ri Sísara nitzu'un-pe pa ventana, chukojol ri k'arak'ik ch'ich' nitzu'un-wi-pe y nubij: ¿Achike roma man nok'ulun ta ri ru-carruaje ri wal? ¿Achike roma xepa'e-qa ri ru-rueda ri ru-carruaje y man nibiyin ta pe?, xcha'.

Wuj Richin ri Isaías 2:6

Kan qitzij na wi, rat Jehová xa xojawetzelaj kan roj ri oj atinamit, roj ri oj rijatzul kan ri Jacob. Roma ri qawinaq kan xkinimaj ri kibanobal ri winaqi' ri e peteneq pa relebel-q'ij, banobel ri man jun rejqalen. Nikik'utuj chike ri winaqi' ri ketaman ri peteneq chiqawech-apo, achi'el nikiben ri aj-Filistea. Chuqa' kan nikiya' k'a kitzij kik'in ri man e aj chiri' ta.

Wuj Richin ri Josúe 15:11

Nel k'a pe pa ruk'ulba't ri tinamit Ecrón, niq'ax-el chuchi' ri xaman; y nuchojmij-el-ri' pa xaman y napon k'a pa tinamit Sicrón, y niq'ax k'a el chuchi' ri juyu' Baalá y nel-el pa tinamit Jabneel. Y ri ruk'ulba't nik'is k'a chupan ri palou.

1 Rey 22:40

Toq xmuq yan ri Acab, ri xk'oje' kan pa ruk'exel ja ri ruk'ajol ri rubini'an Ocozías.

2 Rey 17:16

Xa xkiya' k'a kan ri pixa' richin ri Jehová ri ki-Dios, y xa xkiben k'a ruwachibel ka'i' nima-alaji' achija' taq wákix ya'erisan pa q'aq'. Chuqa' xkiben ruwachibel ri Asera, y xkiya' kiq'ij ri ch'umila', ri ik', ri q'ij y ronojel ri ek'o chuwech ri kaj, y xkisamajij k'a ri Baal.

Wuj Richin ri Isaías 19:3

Konojel k'a ri winaqi' aj-Egipto xa xtisach kik'u'x, roma ri Dios kan xtuben chike richin man jun chik xketikir xtikiben. K'ari' xkekik'ulubej kiwachibel ri ki-dios; xkebe kik'in aj-itza'; xkekik'ulubej itzel taq espíritu y kik'in ri nikibananej chi ketaman ri peteneq chikiwech.