2 Rey 1:18 - Kaqchiquel Bible

¹⁸ Ri ch'aqa' chik rucholajen ri ruk'aslen ri Ocozías, tz'ibatel kan chupan ri Wuj Ri Cholan Nich'on ronojel ri xkiben ri e rey richin Israel.

2 Rey 1:18 ပူးပေါင်းရင်းမြစ်များ

1 Rey 22:39

Y ronojel ri ch'aqa' chik ri xebanatej chupan ri q'atbel-tzij richin ri Acab e tz'ibatel kan ronojel chupan ri Wuj Ri Cholan Nich'on pa kiwi' ri rey richin ri Israel. Chiri' chuqa' e tz'ibatel-wi kan ronojel ri samaj richin ri jay ri xuben, ri xuya' ruwiqobal ri e banon rik'in rey tix, y chuqa' ri tz'aq ri xeruben richin xerusutij-kij ri tinamit.

1 Rey 14:19

Ri ch'aqa' chik rubanobal ri Jeroboam, achi'el ri oyowal ri xeruben y ri rubanik ri ruq'atbal-tzij; ronojel re' e tz'ibatel kan chupan ri Wuj Ri Cholan Nich'on pa kiwi' ri rey.

2 Rey 1:17

Keri' xken ri Ocozías achi'el xbix chire ri Elías roma ri Jehová. Y ri Ocozías kan man jun k'a ralk'ual xk'oje', y roma ri' ja ri Joram ri rach'alal ri xk'oje' kan pa ruk'exel richin xq'aton kan tzij pa ruwi' ri ruwach'ulew Israel. Ronojel re' xbanatej chupan ri ruka'n juna' toq ri jun chik Joram, ri ruk'ajol ri Josafat niq'aton-tzij pa Jerusalem pa ruwi' ri ruwach'ulew Judá.

2 Rey 2:1

Chirij k'a ronojel re', ri Elías rachibilan ri Eliseo e peteneq chupan ri bey ri nipe pa tinamit Guilgal. Y kan xnaqajub yan k'a pe ri q'ij toq ri Jehová xtuk'uaj-el ri Elías chila' chikaj, pa jun surkum.*f1*

2 Rey 10:34

Ri ch'aqa' chik rubanobal ri Jehú y ronojel ri xuben, tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 13:8

Ri ch'aqa' chik rubanobal ri Joacaz y ri nimalej ruchuq'a' ri xk'oje', tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 13:12

Ri ch'aqa' chik rubanobal ri Joás, ri nimalej ruchuq'a' y achike rubanik xuben oyowal rik'in ri Amasías rey richin Judá, ronojel re' kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 14:15

Ronojel ri xuben ri Joás, chuqa' ri nimalej taq banobel ri xuben chupan ri labal ri xuben rik'in ri Amasías rey richin Judá, tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 14:28

Y ri Jeroboam xuben k'iy labal y kan xuch'ek. Chuqa' xeruk'en chik kan ri ruwach'ulew Damasco y ri Hamat. Y ronojel ri xuben tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 15:11

Ronojel ri xuben ri Zacarías kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 15:21

Ri ch'aqa' chik rucholajen chire ri ruk'aslen ri Menahem y ronojel ri xeruben, tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 15:24

Jak'a ri rubanobal janila itzel xuben chuwech ri Jehová, roma rija' chuqa' kan xuben ri mak achi'el xuben ri Jeroboam ri ruk'ajol kan ri Nabat toq xuben chike ri aj-Israel richin xemakun.

2 Rey 15:26

Ri ch'aqa' chik rucholajen ri ruk'aslen ri Pecahías y ronojel ri xuben, kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 15:28

Chuqa' rija' kan xuben ri man utz ta chuwech ri Jehová, roma kan man xuch'er ta ri' chire ri mak ri xuben ri Jeroboam ruk'ajol ri Nabat, toq xuben chike ri aj-Israel richin xemakun.

2 Rey 15:31

Ronojel k'a ri rubanobal ri Pécah tz'ibatel k'a kan chupan ri wuj ri akuchi xtz'ibex-wi ronojel ri kibanobal ri rey richin Israel.