2 Rey 1:14 - Kaqchiquel Bible

¹⁴ Roma ri ka'i' tzobaj ri xepe nabey y ri e ka'i' aj-raqen kan xqaqa-pe q'aq' chila' chikaj chikij, y kan xeruk'is konojel. Wakami k'a, tabana' utzil tajoyowaj qawech y man tawelesaj ri qak'aslen roj, xcha'.

2 Rey 1:14 ပူးပေါင်းရင်းမြစ်များ

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Wuj Richin Etamabel-Tzij 6:26

Ri ixoq, ri itzel ruk'aslen, yerukanoj ri achi'a' richin nuch'ek ruway chikij, jak'a ri k'ulan ixoq, yerukanoj achi'a' roma kan ja ri kik'aslen ri nrajo'.

Wuj Richin Bix Chire ri Dios 116:15

Ri Jehová kan nupoqonaj k'a kiwech ri e ralk'ual rija' toq ye'apon chuwech ri kamik.

Wuj Richin Bix Chire ri Dios 72:14

Xtukol k'a ri kik'aslen pa kiq'a' ri q'olonela' y ri kamisanela', roma ri kikik'el rije', kan janila k'a nupoqonaj rija'.

Wuj Richin Bix Chire ri Dios 49:8

Roma ri rajel ri ruk'aslen kan janila k'a nim. Kan man jun bey k'a xtitojtej,

1 Sam 26:24

Y achi'el ta yin ri kan janila rejqalen ri ak'aslen chinuwech re q'ij re', kan keri' ta k'a chuqa' ri nuk'aslen yin chuwech ri Jehová. Rija' kan xkirukol ta chuwech ronojel tijoj-poqonal, xcha' ri David.

1 Sam 26:21

K'ari' ri Saúl xubij: In makuwineq chawech rat David ri at achi'el nuk'ajol. Katzolej k'a pe, roma xa man jun chik k'a xtinben chawe, re chiqawech-apo, roma rat kan janila apoqonan ri nuk'aslen. Yin kan man utz ta nubanon awik'in roma kan nubanon achi'el ta jun achin nakanik y kan man utz ta nubanon, xcha' ri Saúl.

2 Rey 1:13

Y ri Ocozías xuteq chik k'a el ri rox aj-raqen rik'in chik e kawineq lajuj aj-labal. Y re aj-raqen re' xjote' k'a el y xxuke-qa chuwech ri Elías, y xubij k'a chire: Táta, ri at q'alajirisey ruch'abel ri Dios, nink'utuj utzil chawe chi kan k'o ta rejqalen chawech rat ri nuk'aslen, y ri kik'aslen ri e kawineq lajuj achi'a' ri ek'o wik'in.

2 Rey 1:15

K'ari' ri ángel richin ri Jehová xubij chire ri Elías chi tibe rik'in y man tuxibij-ri'. Y ri Elías xyakatej k'a pe y xbe rik'in ri rey.