2 Rey 1:10 - Kaqchiquel Bible

¹⁰ Y ri Elías xubij chire ri aj-raqen: Wi yin kan in jun achin richin ri Dios, tiqaqa-pe q'aq' chila' chikaj, y karuk'isa' rat y ri e kawineq lajuj aj-labal, xcha'. Y xqaqa k'a pe q'aq' chila' chikaj, y xeruk'is ri e kawineq lajuj aj-labal y ri aj-raqen.

2 Rey 1:10 ပူးပေါင်းရင်းမြစ်များ

San Lucas 9:54

Toq ri Jacobo y ri Juan xkinabej chi man nik'ul ta koma ri winaqi', xkibij chire ri Jesús: Qajaw, ¿nawajo' chi niqaben achi'el xuben ri Elías, y niqak'utuj chi tiqaqa-pe q'aq' chila' chikaj, richin yeruk'is re winaqi' re'?, xecha'.

Dn 3:25

Y ri rey xubij: Wakami yin nintz'et chi e kaji' ri yebiyaj pa ruxaq q'aq', y man jun kik'uluwachin; jak'a ri rubanikil ri rukaj kan achi'el xa ta jun kalk'ual ri dios, xcha'.

Hebreos 12:29

Roma ri qa-Dios kan achi'el q'aq' ri kan nuk'is ronojel.

Dn 3:22

Xkiya' k'a janila ruchuq'a' ri q'aq' achi'el k'a ri rubixikil ri xubij ri rey. Y ri ruxaq ri q'aq' ri' xeberuq'i' ri achi'a' ri xeya'on-qa kichin ri Sadrac, ri Mesac y ri Abed-negó, y kan xerukamisaj.

Apocalipsis 11:5

Y wi k'o jun wineq ri k'o jun etzelal ri nrajo' nuben chike, rije' nel q'aq' pa kichi' richin nikik'is ri etzelanel kichin.

Wuj Richin Bix Chire ri Dios 106:18

Xpe k'a ri ruxaq q'aq' chila' chikaj pa kiwi' ri winaqi' ri'. Ri q'aq' ri' kan xeruporoj k'a konojel ri itzel taq winaqi' ri'.

Wuj Richin ri Achin Job 1:16

Kan k'a man jani k'a titane-qa chi ch'owen ri samajel ri' toq kan jari' xoqaqa chik jun samajel y xberubij chire ri Job: Toq roj ojk'o chiri' e qachajin ri karne'l, k'o k'a jun koyopa' ri xbeqaqa-pe chikaj, xeruk'is konojel ri karne'l y ri yuq'unela'. Xaxe chik k'a yin ri xikolotej kan, y roma ri' nonya' rutzijol chawe, xcha'.

Hechos 12:19

Ri rey Agripa xuteq k'a rukanoxik ri Pedro, jak'a ri achi'a' ri xebe kanoy richin, man xbekila' ta pe. K'ari' ri rey, xeroyola' ri achi'a' ri ek'o kan chajinel, y toq e pa'el chik apo chuwech, xuk'utula' k'a chike chi achike xuben ri Pedro. Chirij ri' xubij chi kekamisex. Jak'a ri Agripa xel-el ri pa Judea, y xbek'oje' pa tinamit Cesarea.

San Mateo 21:41

Ri winaqi' xkibij k'a: Ri rajaw ri ulew man k'a xtujoyowaj ta kiwech ri itzel taq qajoy-ulew y xkeruk'is; y k'ari' ri rulew xtuya' chik kan pa qajik chike ch'aqa' chik qajoy taq ulew, ri kan xtikiya-wi ri uva qajibel richin, toq napon ri ruq'ijul, xecha'.

Dn 6:24

Chirij ri' ri rey kan xubij k'a chi kebek'amer-pe ri achi'a' ri nich'upun kik'u'x chirij ri Daniel, y kek'aq chupan ri jul ri akuchi ek'o-wi ri koj. Kan keri' k'a xban chike ri achi'a' ri', e kachibilan ri kixjayilal y ri kalk'ual. Y kan k'a man jani k'a ke'apon-qa kik'in ri koj, kan ja yan ri' xkik'eq-pe-ki' ri koj chikij, y kan xekiwech'.

Wuj Richin Bix Chire ri Dios 105:15

Y xubij chike chi man jun tikiben chike ri qati't-qamama' ri e rucha'on rija', chi man jun tikiben chike ri e q'alajirisey ruch'abel.

2 Crón 36:16

Jak'a rije' xa xetze'en chikij ri e rutaqon ri Dios, xa xketzelaj ri ruch'abel y xeyojoben chikij ri e q'alajirisey ruch'abel. Y roma ri' ri Jehová xpe royowal chirij ri rutinamit, y rije' kan man jun chik xetikir xkiben.

1 Rey 22:28

Y ri Micaías xubij chire: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe ri', xcha'. Y ri Micaías chuqa' xubij chike ri winaqi': Rix kan xiwak'axaj k'a ri xinbij chire ri Acab, xcha'.

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Wuj Richin ri Q'axanri'il 11:1

K'o k'a jun q'ij, roma ri ruk'ayewal ri nikiq'axaj ri winaqi', rije' xeyakatej k'a y xexebeloj chirij ri Jehová. Y rija' kan xerak'axaj-pe y roma ri' xyakatej janila royowal y xuteq-pe q'aq' pa kiwi'; y ri q'aq' ri' kan xuk'is k'a ri q'ayis ri k'o chikichi' ri akuchi ek'o-wi-qa.

2 Rey 1:11

K'ari' ri rey xuteq chik k'a el jun chik aj-raqen y e kawineq lajuj aj-labal. Y toq xe'apon rik'in, ri aj-raqen xubij chire ri Elías: Rat ri at achin richin ri Dios, ri rey xuteq-pe rubixik chi kaqaqa-el chi'anin, xcha'.

Wuj Richin ri Chojmirisabelri'il 10:2

Y roma ri keri', xrepero-pe jun q'aq' rik'in ri Jehová richin xuk'is ri kik'aslen. Rije' kan chuwech k'a apo ri Jehová xeken-wi.