2 Pedro 3:9 - Kaqchiquel Bible

⁹ Ri ajaw man jani nipe. Jak'a man roma ta man nuben ta ri rubin. Rija' xa k'a nim na ri ránima qik'in, y man nrajo' ta k'a chi k'o ta jun ri nisach richin jantape'. Y roma ri' kan k'a ruya'on na q'ij chike ri aj-maki' richin nitzolin-pe kik'u'x rik'in.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Keriꞌ nibꞌij chiwa, porque ri Ajaw kꞌajani tuqaqa, ma roma ta chi ndilayaj, achel ndikibꞌij jujun wineq chi ma jumbꞌey ndibꞌanatej ri rubꞌiꞌin kan. Rijaꞌ kꞌajani tuqaqa roma ma qꞌaxneq ta rukꞌuꞌx chi rix royobꞌen, porque ma ndirajoꞌ ta chi kꞌo jun man ta ndikolotej, xa kin ndirajoꞌ chi konojel ndikijel kinoꞌoj y ndikiyaꞌ kánima rikꞌin.

Kaqchikel Santa Maria de Jesus

⁹ Ri Ajaf xa ya nipa incheꞌl ranun prometer. Jajaꞌ man rumastan ta incheꞌl niquiꞌej nicꞌaj vinak, chi ya xakꞌax qꞌuiy tiempo y man nipa ta. Jajaꞌ majaꞌ tipa, ruma cꞌo ru-paciencia kiqꞌuin y man nrajoꞌ ta chi cꞌo ta jun vinak nicon chupan ri ru-pecado. Jajaꞌ nrajoꞌ chi quinojiel ta nitzalaj-pa cánima riqꞌuin y niquiꞌan ri nrajoꞌ.

Kaqchikel Central Guatemala

⁹ Ri Ajaf xa can nipe yan. Y man rumestan ta, achi'el ri niquich'ob ri ch'aka', chi janíla q'uiy yan tiempo tibe y man jun rutzijol richin nipe. Man que ta ri'. Rija' xa can c'a nim na ri ránima kiq'uin, y man nrajo' ta c'a chi c'o ta jun ri niquen (nicom) chupan ri rumac. Y romari' can c'a ruyo'on na k'ij chike richin nitzolin-pe kac'u'x riq'uin ri Dios.

Re C'ac'a Testamento pa Kach'abal

⁹ Re Ajaf xa nipa-yan. Y man rumistan-ta, ancha'l niquinojij re nic'aj chic vinak, che camas q'uiy tiempo tibo-va y manak rutzijol che nipa, man quire-ta. Reja' camas nicoch'on ránma kaq'uin, y man nrajo-ta che c'o-ta jun nicom chupan re rumac. Y mare' can c'a ruyi'on k'ij chaka chin nitzolaj-pa kánma riq'uin re Dios.

Kaqchikel Western Solola

⁹ Ri Ajaf xa can nipe na wi. Y ma rumestan ta, man achi'el ta niquich'ob ri nic'aj chic, chi sibilaj q'uiy tiempo tik'ax y majun rutzijol chi nipe. Ma que ta ri'. Xa ruma chi can sibilaj yoj rucoch'on, y ma nrajo' ta chi c'o ta jun ri nicom chupan ri rumac. Rumari' can c'a ruya'on na k'ij chique ri winek riche (rixin) chi nitzolin pe quic'u'x riq'ui.

2 Pedro 3:9 ပူးပေါင်းရင်းမြစ်များ

Wuj Richin Bix Chire ri Dios 77:8

¿Kan xk'is kami ri rajowabal ri man k'isel ta? ¿Kan xk'is kami chiri' jumul ri rusujun chuwe?

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

Ex 18:23

Wi rat kere' xtaben y jare' ri niqa' chuwech ri Dios, rat kan xkatikir k'a xtaben chi utzil ri samaj y ri winaqi' kan rik'in k'a uxlanibel-k'u'x xketzolin pa taq kachoch, xcha' ri Jetro.

Ex 32:32

Ajaw, jak'a re wakami nink'utuj utzil chawe richin xtayoj ta jumul ri kimak. Roma wi rat man naben ta keri', xa kan más k'a utz tayojo' ri nubi' chupan ri wuj ri akuchi tz'ibatel wi ri kibi' ri kan e awichin rat, xcha' ri Moisés.

Ex 33:11

Ri Jehová y ri Moisés kan nikitzu' k'a ki' toq yetzijon, kan achi'el toq jun wineq nitzijon rik'in jun rachibil. Y toq ri Moisés tzijowineq chik kan rik'in ri Jehová, nitzolin k'a ri akuchi ek'o-wi-qa. Jak'a ri Josué, ri to'onel richin ri Moisés, kan jantape' k'o chiri' chupan ri rachoch ri Dios.

Ex 34:6

Y jari' toq ri Jehová xq'ax k'a el chuwech ri Moisés y xubij: ¡Ja yin Jehová! ¡Jehová jari' ri nubi'! Ri kan in joyowanel y koch'onel y man chi'anin ta k'a nipe woyowal y kan janila nim ri nujoyowanik y kan ninben ri ninbij.

Wuj Richin ri Molojri'il 8:11

Roma janila niyaloj richin chi niq'at-tzij pa ruwi' ri banoy etzelal, roma ri' ek'o ch'aqa' chik winaqi' ri xa nipe pa kich'obonik chi nikichop rubanik etzelal.

Wuj Richin ri Isaías 30:18

Jak'a ri Jehová kan nrajo' nujoyowaj iwech; rija' kan janila nrajo' nuk'ut ri rajowabal chiwech, roma rija' kan jun Dios richin chojmilal. Jebel ruwa-kiq'ij ri kikuquban kik'u'x rik'in ri Jehová.

Wuj Richin ri Isaías 46:13

Kan xtinben chi ninaqajub yan pe ri nuq'atbel-tzij. Kan xkixinto' yan k'a. Xtinkol yan ri nutinamit Sión, y ri nuruwaq'ijaj xtik'oje' pan Israel.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Dn 4:29

Y toq q'axineq chik jun juna' chirij ri achik' ri' rokik yibiyajilan pa ruwi' ri wachoch richin q'atbel-tzij,

Wuj Richin ri Habacuc 2:3

Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.

Romanos 13:11

Y ronojel re xinbij-qa, kan richin chi qojk'astej, roma qetaman chi noqaqa yan ri q'ij toq xqojkolotej-el. K'o yan k'a q'ij ri qakuquban-pe qak'u'x, y roma ri' yojtikir niqabij chi wakami más naqaj chik ojk'o-wi chire ri q'ij richin ri qakolotajik.

Romanos 13:12

Ri q'equ'm niq'ax yan, y niq'alajin yan pe ri saqil. Roma ri', wi k'a k'o qamak ri niqaben pa taq q'equ'm, tiqaya' kan. Nik'atzin chi ja ri saqil ri nok qatobal, achi'el jun aj-labal toq nukusaj ri rutobal.

Romanos 2:4

Rix iwetaman chi ri Dios yalan utz iwik'in y nikoch'on. Chuqa' iwetaman chi rija' keri' rubanon-pe iwik'in rix roma nrajo' chi niya' kan ri itzel taq banobel, man rik'in ri' xa man niwajo' ta nitzolej pe ik'u'x.

Romanos 9:22

Keri' ri Dios xrajo' xuk'ut ri ruchuq'a' y ri royowal pa kiwi' ri winaqi' ri xkeberuk'isa'. Jak'a pa nabey janila xukoch' ri itzel taq kibanobal.

1 Timoteo 1:16

Jak'a ri Jesucristo xujoyowaj nuwech richin nuk'ut chikiwech ri winaqi' chi janila rukoch'onik, richin nuk'ut chikiwech ri xtikikuquba' kik'u'x rik'in, chi xabachike ta rubanik ri kimak, xkerukuy richin nikil ri k'aslen ri man k'isel ta.

1 Timoteo 2:4

Rija' nrajo' chi kan ta qonojel niqetamaj ta ri qitzij y yojkolotej.

Hebreos 10:37

Roma chupan ri ruch'abel ri Dios nubij:*f25* Ri jun ri xtipe, chi'anin xtoqaqa. Naqaj chik ri rupetebal.

1 Pedro 3:20

Ja winaqi' ri' ri ojer kan man xkinimaj ta rutzij ri Dios pa ruq'ijul ri Noé, toq xuben ri nima-barco. Ri Dios janila k'iy juna' ri xuya' chike richin xeroyobej. Jak'a man jun ri xtzolin ta pe ruk'u'x xa kan xaxe e waqxaqi' winaqi' ri xe'ok chupan ri nima-barco ri' y xekolotej rik'in ya'.

2 Pedro 1:4

Y keri' xusuj chiqe sipanik ri janila e jebel y k'o kejqalen. Y rik'in ri sipanik ri' yojkolotej chuwech ri etzelal ri k'o wawe' chuwech re ruwach'ulew roma ri itzel taq rayinik. Chuqa' rija' nujel ri qak'aslen y yojok k'a achi'el rija'.

2 Pedro 3:15

Y toqaqa k'a chi'ik'u'x chi ri Jesucristo man jani tipe, roma rija' k'a nim na ránima qik'in. Y roma ri' k'a ruya'on na q'ij chiqe qonojel winaqi' chi yojkolotej. Y ri qach'alal Pablo ri janila niqajo', kan kere' chuqa' ri rutz'iban-el chiwe, kan achi'el ri ruq'alajirisan ri Dios chire rija'.

Apocalipsis 2:21

Yin kan nuya'on k'iy q'ij chire chi tuya' kan rubanik ri mak ri' y titzolej-pe ruk'u'x wik'in. Jak'a rija' man xrajo', ta xa beneq ránima rik'in ri mak ri nuben.