2 Pedro 3:5 - Kaqchiquel Bible

⁵ Rije' kan xtikiben k'a achi'el xa man ketaman ta ri xuben ri Dios ojer kan. Pa nabey ri Dios kan xubij-wi chi tik'oje' ri kaj. Rik'in ri ruch'abel xucher ri ruwach'ulew chire ri ojer taq ya' y keri' xrelesaj-pe ri ruwach'ulew chupan ri ya'.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Ri wineq riꞌ keriꞌ ndikibꞌilaꞌ, porque kiyon ndikibꞌen qa chi ma ketaman ta chi xe ojer xel pa ruchiꞌ ri Dios ri tzij ri xbꞌanun chi xkꞌojeꞌ ri kaj, chi xel pe ri rochꞌulew pa yaꞌ, y chuqaꞌ chi pa yaꞌ tikil wi.

Kaqchikel Santa Maria de Jesus

⁵ Ri vinak reꞌ niquiꞌan incheꞌl man cataꞌn ta ri xuꞌon ri Dios ojier can. Ri naꞌay, ri Dios xuꞌej chi ticꞌujieꞌ ri rocaj, y chi tiel-pa jeꞌ ri roch-ulief pa yaꞌ. Y reꞌ nucꞌut chakavach chi ri roch-ulief pa yaꞌ cꞌo-ve.

Kaqchikel Central Guatemala

⁵ Re vinek re' can niquiben c'a achi'el xa man quetaman ta ri xuben ri Dios ojer can. Pa nabey ri Dios can xubij-vi chi tic'oje' ri caj, y xubij chuka' chi tec'ulun-pe ri ruvach'ulef ri pa ya'. Y re' can nuc'ut-vi c'a chikavech chi re ruvach'ulef pa ya' tiquil-vi.

Re C'ac'a Testamento pa Kach'abal

⁵ Re vinak re' can niquiban ancha'l xa man quitaman-ta re xuban re Dios ajuer can. Nabey re Dios can xubij-va che tic'ue' re rocaj, y xubij chuka' che tik'alajim-pa re ruch'ulef pa ya'. Y re' can nuc'ut-va chakavach che re ruch'ulef pa ya' c'o-va.

Kaqchikel Western Solola

⁵ Ri winek ri' can niquiben chi achi'el ma quetaman ta ri xuben ri Dios ojer ca tek ri Dios xubij chi tic'oje' ri caj, y xubij chuka' chi tel pe ri ruwach'ulef pa ya'. Y re' can nuc'ut wi c'a chkawech chi re ruwach'ulef pa ya' c'o wi.

2 Pedro 3:5 ပူးပေါင်းရင်းမြစ်များ

Hebreos 11:3

Y roj chuqa' roma ri kuqubabel-k'u'x, niq'ax chiqawech chi kan ja wi ri Dios ri xbanon ronojel ri k'o, xaxe rik'in ri ruch'abel. Keri' ronojel ri niqatz'et wakami xban rik'in ri xa man tz'etel ta.

Wuj Richin ri Rutikeribel 1:9

Y ri Dios xubij chuqa': Xa jun tubana' ri ya' ri k'o chuxe' ri kaj y tiq'alajin-pe ri ruwach'ulew chaqi'j. Y kan keri' k'a xbanatej.

Wuj Richin Bix Chire ri Dios 24:2

Pa ruwi' ri palou xuben-wi ri ruwach'ulew. Xuya' kixe' ri ruwach'ulew chupan ri ya' ri nej e qajineq-wi.*f23*

Wuj Richin ri Rutikeribel 1:6

K'ari' xubij ri Dios: Tik'oje' rukojol ri ya' richin nuch'er-ri' pa ka'i'.

Wuj Richin Bix Chire ri Dios 136:6

Xurik' ri ruwach'ulew pa ruwi' ri ya':*f119* Roma ri rujoyowanik rija' kan richin jantape'.

Wuj Richin Bix Chire ri Dios 33:6

Rik'in ri ruch'abel ri Jehová xbanatej ri kaj. Xeruben k'a konojel ri xmotza' xaxe rik'in ri ruxla'.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

Colosenses 1:17

Kan pa rutikeribel chire ronojel rija' k'o chik pe, y roma rija' ronojel pa ruchojmilal rubanon.

Wuj Richin Etamabel-Tzij 17:16

¿Kan k'o kami nik'atzin-wi ri méro ri napon pa ruq'a' jun wineq ri xa maneq runa'oj? ¿Kan nukusaj kami ri méro ri' richin nuloq' retamabal, stape' maneq runa'oj?