2 Pedro 3:18 - Kaqchiquel Bible

¹⁸ Pa ruk'exel ri', xa kan tiwetamaj k'a más chirij ri qajaw y qakolonel Jesucristo, y yixk'iy k'a rik'in ri ik'aslen. Y rija' xtuk'ul ta k'a ruq'ij-ruk'ojlen re wakami y keri' tibe-q'ij tibe-seq. Kan keri' ta k'a.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Pa rukꞌexel ri keriꞌ ndibꞌen, titijaꞌ iqꞌij chin ngixkꞌiy chupan ru-favor ri Qajaw y Qakolonel Jesucristo y tiwetamaj más runoꞌoj. ¡Kin ta xtiyoꞌox nimalej ruqꞌij rijaꞌ wokami y chin jumul! Amén.

Kaqchikel Santa Maria de Jesus

¹⁸ Pa rucꞌaxiel reꞌ, xa tivatamaj más chirij ri Kajaf Jesucristo ri nicalo kichin, y quixqꞌuiy cꞌa riqꞌuin ri favor ri ruyoꞌn chika. Y jajaꞌ tiyoꞌx rukꞌij vacame y richin nojiel tiempo. Amén.

Kaqchikel Central Guatemala

¹⁸ Pa ruq'uexel ri', xa can tivetamaj c'a más chirij ri Kajaf y Kacolonel Jesucristo, y kojq'uiy c'a riq'uin ri kac'aslen ri yo'on chike roma ri rutzil rija'. Y rija' xtuc'ul ta c'a ruk'ij-ruc'ojlen re vacami y re janipe' tiempo re benek. Que ta c'a ri'.

Re C'ac'a Testamento pa Kach'abal

¹⁸ Pa ruq'uixel che xque'tiquir-ta chivij, xa can titamaj más chij re Kajaf Jesucristo re nicola kachin chach re kamac. Y can-ta xtiq'uiy más pa tak kánma re utzil re kac'ulun riq'uin reja'. Y reja' xtuc'ul-ta ruk'ij vocame y nojel tiempo. Amén.

Kaqchikel Western Solola

¹⁸ Pa ruq'uexel chi yixtzak, xa can tiwetamaj más chrij ri Kajaf y Kacolonel Jesucristo, y quixq'uiy c'a riq'ui ri utzil ri ruya'on chake. Y Riya' xtiya'ox (xtya') ta c'a ruk'ij ruc'ojlen re wacami y riche (rixin) xtibe k'ij xtibe sek. Amén.

2 Pedro 3:18 ပူးပေါင်းရင်းမြစ်များ

Colosenses 1:10

Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

Efesios 4:15

Pa ruk'exel ri', xa nik'atzin niqatzijoj ri qitzij rik'in ajowabel. Y wi keri', yojk'iy y nibeqila' jun k'aslen ri kan tz'aqet-wi achi'el ri Cristo. Y ja rija' ri k'o pa qawi' qonojel ri qakuquban qak'u'x rik'in.

1 Pedro 2:2

y tirayij k'a ri ruch'abel ri Dios richin yixk'iy y niwil kolotajik, achi'el ri taq ak'uala' ri k'a kalaxik, ri nikirayij ri tz'umaj richin yek'iy.

Filipenses 3:8

Ronojel ri xinkuquba' nuk'u'x rik'in, xinya' kan roma man jun chik kejqalen chinuwech yin. Xinya' kan richin xinwetamaj ruwech ri wajaw Jesucristo. Xentorij kan, achi'el niban chire ri q'ayis roma xinwajo' chi ri Cristo xok wajaw,

Efesios 1:17

Nink'utuj chire ri Dios chi ri Espíritu kan ta pa ruk'iyal ri na'oj ri xtuya' chiwe, y chi k'iy ta xtuq'alajirisaj chiwech richin niwetamaj más ruwech ri Dios.

Colosenses 3:10

Wakami jun k'ak'a' k'aslen ik'uan. Y ri Dios nuben k'a chiwe richin chi yixok más achi'el rija', richin niwetamaj más ruwech.

2 Pedro 1:3

Y ronojel ri nik'atzin richin niqak'uaj jun utzilej k'aslen, ja ri ruchuq'a' ri Dios ri yoyon-pe chiqe. Y ri uchuq'a' ri' kan qichin roj roma qetaman chik ruwech ri Jesucristo, ri xojroyoj richin qik'in roj niq'alajin ri ruq'ij-ruk'ojlen y ri ruchojmilal.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

2 Timoteo 4:18

Y yin wetaman chi ri Dios xtikolon wichin chupan ronojel etzelal. Chuqa' wetaman chi xkiruchajij richin keri' xkinok chupan ri ruq'atbel-tzij chila' chikaj. Rija' kan xtuk'ul ta ruq'ij-ruk'ojlen richin tibe-q'ij tibe-seq. Kan keri' ta k'a.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

Wuj Richin Bix Chire ri Dios 92:12

Ri winaqi' ri choj kik'aslen, kan utz k'a xtel chikiwech ronojel ri nikiben, xkek'iy k'a achi'el ri palma, y achi'el ri tiox-che' ri k'o pa Líbano.

2 Tesalonicenses 1:3

Qach'alal, roj kan beneq-ruwech k'o chi yojmatioxin chire ri Dios iwoma rix. Y kan ruk'amon chi keri' niqaben, roma rix q'ij-q'ij ikuquban-pe más ik'u'x rik'in ri Dios, y kan más niwajowala-iwi'.

Romanos 11:36

Roma ja rija' ri xbanon ronojel. Kan rik'in wi k'a rija' e peteneq-wi, y ronojel re xeruben, richin chi nikiya' ruq'ij-ruk'ojlen. Kan tinimirisex k'a ruq'ij ri Dios richin jantape'. Keri' ta k'a.

Apocalipsis 1:6

Y xuben chiqe qonojel roj ri qakuquban qak'u'x rik'in, chi xojok jun ajawaren kichin sacerdote richin niqasuj sipanik chire ri Dios ri rutata'. Roma ri' ri Jesucristo xtuk'ul ta ruq'ij-ruk'ojlen y ri q'atbel-tzij richin jantape'. Keri' ta k'a.

Judas 1:25

Chire rija' ronojel k'ojlemal, uchuq'a' y q'atbel-tzij roma ri qakolonel Jesucristo, ri rubanon-pe, re wakami y keri' tibe-q'ij tibe-seq. Kan keri' ta k'a.

2 Pedro 1:11

Wi keri' niben, kan xkixk'ul k'a chila' chikaj, ri akuchi ri kan ja ri qajaw y qakolonel Jesucristo ri q'atoy-tzij, y ri rajawaren rija' kan man k'isel ta.

2 Pedro 2:20

Stape' rije' kan e kolotajineq chik k'a pe chupan ri etzelal richin ri ruwach'ulew, toq xkikuquba' kik'u'x rik'in ri ajaw Jesucristo, jak'a wi ta nikisuq' chik ki' jun bey chupan ri achike k'aslen ri e eleneq-wi-pe, roma ri' ri kik'aslen más k'ayew nuben ke chuwech ri xkiben toq k'a man jani tikinimaj ri Jesucristo.

2 Pedro 1:8

Wi ronojel re' k'o iwik'in, rix niwetamaj más ruwech ri qajaw Jesucristo y ri ik'aslen xtiwachin y k'o rejqalen.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

Os 14:5

Yin kan xkinok k'a chire ri tinamit Israel achi'el ri raxq'ab. Rija' kan xtisijan chik k'a achi'el nisijan ri lirio. Ri ruxe' kan kow k'a xtik'oje' achi'el ri ruxe' ri juyu' Líbano.

San Juan 5:23

Richin keri', yin xtink'ul k'a chuqa' nuq'ij achi'el ri nuk'ul ri nata'. Roma achike wineq ri man xtiya'on ta nuq'ij yin ri k'ajolaxel, man nuya' ta k'a chuqa' ruq'ij ri nata', ri taqayon-pe wichin.

2 Pedro 1:2

Kan k'iy ta k'a utzil y k'iy ta chuqa' uxlanen xtik'ul, roma jebel iwetaman ruwech ri Dios y ri qajaw Jesús.