2 Pedro 3:15 - Kaqchiquel Bible

¹⁵ Y toqaqa k'a chi'ik'u'x chi ri Jesucristo man jani tipe, roma rija' k'a nim na ránima qik'in. Y roma ri' k'a ruya'on na q'ij chiqe qonojel winaqi' chi yojkolotej. Y ri qach'alal Pablo ri janila niqajo', kan kere' chuqa' ri rutz'iban-el chiwe, kan achi'el ri ruq'alajirisan ri Dios chire rija'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Tiwetamaj chi ri Ajaw kꞌajani tuqaqa, porque ndirajoꞌ chi konojel wineq ngekolotej. Y ri qa-hermano Pablo ri tzꞌan ndiqajoꞌ, kꞌo chuqaꞌ rutzꞌibꞌan chiwa pa ruwiꞌ reꞌ, rikꞌin ri nojibꞌel ruyoꞌon ri Dios chare.

Kaqchikel Santa Maria de Jesus

¹⁵ Y talka pan iveꞌ chi ri Ajaf majaꞌ tipa, ruma jajaꞌ cꞌo ru-paciencia kiqꞌuin, y rumareꞌ cꞌa royoꞌien chi quireꞌ quinojiel ta ncaꞌcolotaj. Y ri hermano Pablo ri altíra nakajoꞌ, quireꞌ jeꞌ ri rutzꞌibꞌan-el chiva, can riqꞌuin ri noꞌj ri ruyoꞌn ri Dios cha.

Kaqchikel Central Guatemala

¹⁵ Y toka' c'a chi'ic'u'x chi ri Ajaf man jani tipe, roma rija' c'a nim na ránima kiq'uin y romari' c'a ruyo'on na k'ij chique conojel chi yecolotej. Y ri kach'alal Pablo ri janíla nikajo', can que c'a chuka' re' ri rutz'iban-el chive, can achi'el ri ruk'alajirisan ri Dios chire rija'.

Re C'ac'a Testamento pa Kach'abal

¹⁵ Y te'ka chi'c'o'x che re Kajaf c'amaje-na tipa, roma reja' camas nicoch'on ránma kaq'uin y mare' ruyi'on k'ij chique conojel che ye'colotaj-ta chach re quimac. Y can quire' chuka' rutz'iban-a re hermano Pablo chiva, can ancha'l re na'oj xuya' re Dios cha reja' y yoj camas nakajo' re Pablo.

Kaqchikel Western Solola

¹⁵ Can tik'ax c'a chiwech chi ri Ajaf ma jane tipe, ruma chi can sibilaj yoj rucoch'on, y rumari' tek c'a ruya'on na k'ij chique ri winek chi yecolotej. Y ri kach'alal Pablo ri sibilaj nikajo', can quere' chuka' ri rutz'iban el chiwe, can achi'el ri na'oj ri ruk'alajsan ri Dios chare riya'.

2 Pedro 3:15 ပူးပေါင်းရင်းမြစ်များ

Romanos 2:4

Rix iwetaman chi ri Dios yalan utz iwik'in y nikoch'on. Chuqa' iwetaman chi rija' keri' rubanon-pe iwik'in rix roma nrajo' chi niya' kan ri itzel taq banobel, man rik'in ri' xa man niwajo' ta nitzolej pe ik'u'x.

2 Pedro 3:9

Ri ajaw man jani nipe. Jak'a man roma ta man nuben ta ri rubin. Rija' xa k'a nim na ri ránima qik'in, y man nrajo' ta k'a chi k'o ta jun ri nisach richin jantape'. Y roma ri' kan k'a ruya'on na q'ij chike ri aj-maki' richin nitzolin-pe kik'u'x rik'in.

1 Timoteo 1:16

Jak'a ri Jesucristo xujoyowaj nuwech richin nuk'ut chikiwech ri winaqi' chi janila rukoch'onik, richin nuk'ut chikiwech ri xtikikuquba' kik'u'x rik'in, chi xabachike ta rubanik ri kimak, xkerukuy richin nikil ri k'aslen ri man k'isel ta.

1 Pedro 3:20

Ja winaqi' ri' ri ojer kan man xkinimaj ta rutzij ri Dios pa ruq'ijul ri Noé, toq xuben ri nima-barco. Ri Dios janila k'iy juna' ri xuya' chike richin xeroyobej. Jak'a man jun ri xtzolin ta pe ruk'u'x xa kan xaxe e waqxaqi' winaqi' ri xe'ok chupan ri nima-barco ri' y xekolotej rik'in ya'.

Santiago 3:17

Jak'a wi ja ri etamabel ri peteneq chila' chikaj rik'in ri Dios ri k'o iwik'in, re' nuben k'a chiwe chi nik'uaj jun k'aslen ch'ajch'oj, chi man niben ta oyowal, utz niben kik'in konojel, niwak'axaj jebel ri achike nikajo' ri winaqi' chiwe, y chi kan nijoyowaj kiwech konojel. Kan niben ronojel ri utz; man niben ta rukojol, ni man ka'i' ta ipalej chuqa'.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

Hechos 15:25

Roma ri' toq roj xqach'ob k'a chi utz yeqacha-el e ka'i' qach'alal richin chi yeqateq-el chi'itz'etik. Y re e ka'i' re' yekachibilaj el ri Bernabé y ri Pablo ri kan janila yeqajo'.

1 Corintios 2:13

Roma ri' toq niqabij ronojel re' chike ri qach'alal ri kan e uk'uan-wi roma ri Loq'olej Espíritu, man yeqakusaj ta ch'abel ri e peteneq rik'in na'oj richin jun wineq. Xa kan yeqakusaj ch'abel ri e peteneq rik'in ri Loq'olej Espíritu, richin chi yeqabij ri yeruk'ut rija' chiqawech.

Wuj Richin ri Molojri'il 2:26

Roma ri Dios k'o nuya' chire ri wineq ri niqa' chuwech rija': Nuya' na'oj, ronojel ruwech etamabel y kikoten, jak'a chire ri wineq aj-mak nuya' q'ij chi janila k'iy numol richin chi nuya' kan chire ri qajineq chuwech ri Dios; chuqa' re' xa kan q'axel y xa man yatikir ta nawil ronojel.

Wuj Richin ri Esdras 7:25

Y rat, Esdras, rik'in ri na'oj ri ruya'on ri a-Dios chawe, ke'akanoj k'a ri yechojmirisan ri yebanatej, y ye'akanoj chuqa' aj-raqen ri nikiq'et-tzij pa kiwi' konojel ri awinaq ri ek'o pa ruwach'ulew ri k'o pa qajbel-q'ij chire ri raqen-ya' Éufrates. Y wi man ketaman ta ri pixa' richin ri a-Dios, tak'utu' chikiwech.

1 Rey 4:29

Y ri Dios kan xuya' xusipaj k'a runa'oj ri rey Salomón, chuqa' xuya' nima'q taq etamabel chire, y kan janila nim ri ránima xubanala' kik'in ri winaqi', y man ajlatel ta achi'el ri sanayi' ri k'o chuchi' ri palou.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

1 Rey 3:12

Y roma ri' ninya' chawe ri xak'utuj chuwe. Xtinojisaj k'a ri awánima rik'in na'oj y re' kan man jun achoq chire nuya'on-wi y man jun achoq chire xtinya-wi ri chawech-apo.

Efesios 3:3

Ojer kan, pa kiq'ijul ri qati't-qamama' man jani q'alajirisan ta jebel ri ruch'obonik ri Dios pan iwi'. Jak'a re wakami ri Dios ruq'alajirisan chik chuwe yin, y jari' ri xinbij yan el juba' chiwe.

1 Corintios 12:8

Chike ch'aqa' qach'alal nuya' etamabel richin nikich'abalij ri ruch'abel ri Dios. Y chike ch'aqa' chik nuya' na'oj, richin nikisol rij ri nubij ri ruch'abel ri Dios.

1 Corintios 3:10

Rija' xuben k'a utzil chuwe chi xiruya' chupan ri rusamaj. Roma ri' xinok achi'el jun utzilej banoy-jay. Y toq xintzijoj ri ruch'abel ri Dios chiwe, jari' toq xinben ri ruxe' ri jay. Jak'a xa ek'o ch'aqa' chik ri xkepaban-el ri jay. Y konojel ri xkepaban richin ri jay, kan tikitzu' k'a chi jebel rupabaxik tikibana' chire.

Hechos 7:10

y xukol chuwech ronojel tijoj-poqonal. Xuben k'a chire chi ri rey richin ri Egipto utz xutz'et y xutz'et chuqa' chi k'o etamabel rik'in. Roma ri' ri rey xuben chi ri José xok chuqa' q'atoy-tzij pa ruwi' ri Egipto, y pa ruq'a' chuqa' rija' xujech-wi ri rupan ri rachoch richin nuchajij.

Ex 35:35

Chi e ka'i' k'a achi'a' re' kan e nojisan rik'in na'oj richin nikich'ob ronojel ruwech samaj ri kan e jebejoj ok y chuqa' ri tz'ison rik'in betz' raxroj, q'eqq'oj-keq y keq y ri samaj rik'in ri betz' lino y xabachike ruwech kem ri k'o retz'aba'l ruwech.

Ex 35:31

Y re Besalel re', kan rubanon k'a chire chi kan nojineq rik'in ri ru-Espíritu richin chi k'o na'oj rik'in: Richin k'o etamabel, nojibel y uchuq'a' richin nuben xabachike ruwech samaj.

Ex 31:6

Chuqa' nucha'on chik chikikojol ri winaqi' ri e richin ri tzobaj richin ri Dan, ri achin rubini'an Oholiab, ri ruk'ajol ri Ahisamac richin chi nok jun to'onel chupan ri samaj. Yin kan nubanon k'a chuqa' chike konojel achi'a' ri yetikir nikiben jun ruwech samaj, chi kan k'o kina'oj, richin chi ja rije' ri xkebebanon ri nubin chik chawe chi k'o chi yeban.

Ex 31:3

Y re Besalel re' kan nunojisan k'a rik'in ri nu-Espíritu richin chi k'o na'oj rik'in, etamabel, nojibel y uchuq'a' richin nuben xabachike ruwech samaj.

Wuj Richin ri Isaías 30:18

Jak'a ri Jehová kan nrajo' nujoyowaj iwech; rija' kan janila nrajo' nuk'ut ri rajowabal chiwech, roma rija' kan jun Dios richin chojmilal. Jebel ruwa-kiq'ij ri kikuquban kik'u'x rik'in ri Jehová.

Hechos 9:17

K'ari' ri Ananías kan xberukanoj na wi ri Saulo k'a chupan ri jay ri bin-wi-el chire. Jak'a toq k'o chik ri chiri' pa jay rik'in ri Saulo, xuya' k'a ruq'a' pa ruwi' y xubij k'a chire: Wach'alal Saulo, ri ajaw Jesús ri xuk'ut-ri' chawech toq achapon-pe bey pa Damasco, xiruteq k'a pe awik'in richin chi yatzu'un chik jun bey, y richin chi niqaqa chuqa' ri Loq'olej Espíritu pan awi' richin nunojisaj ri awánima, xcha' ri Ananías chire.

2 Pedro 3:2

Man k'a timestaj ri kibin kan ri loq'olej taq q'alajirisey ruch'abel ri Dios pa ruwi' ri xtibebanatej, chuqa' ri xuk'ut kan ri qajaw y qakolonel ri xqaq'alajirisaj chiwech, roj ri oj taqon roma rija'.