2 Pedro 3:11 - Kaqchiquel Bible

¹¹ Roma k'a ronojel ri' rix yalan nik'atzin chi kan nik'uaj jun loq'olej k'aslen ri kan niqa' chuwech ri Dios,

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Y roma iwetaman chi nojel reꞌ kin xtikꞌis ruqꞌij, ndikꞌatzin chi ndikꞌuaj jun loqꞌolej kꞌaslen ri ndiqaꞌ chuwech ri Dios.

Kaqchikel Santa Maria de Jesus

¹¹ Y ruma nojiel reꞌ xcaꞌqꞌuis, ixreꞌ nicꞌatzin chi ntivucꞌuaj jun sak cꞌaslien, jun cꞌaslien ri nika choch ri Dios;

Kaqchikel Central Guatemala

¹¹ Can xtiporox c'a ronojel ri', y romari' rix yalan nic'atzin chi can nic'uaj jun lok'olej c'aslen, jun c'aslen ri nika' chuvech ri Dios.

Re C'ac'a Testamento pa Kach'abal

¹¹ Can xtiparox ronojel re', y mare' yex camas nic'atzin che nic'uaj jun c'aslen ch'ajch'oj, jun c'aslen re nika chach re Dios.

Kaqchikel Western Solola

¹¹ Y ruma chi can xtiporox c'a ronojel ri', rumari' riyix sibilaj rajawaxic chi can nic'uaj jun lok'olaj c'aslen, jun c'aslen ri nika chuwech ri Dios.

2 Pedro 3:11 ပူးပေါင်းရင်းမြစ်များ

1 Pedro 1:15

Pa ruk'exel ri', rix kixok loq'olej rik'in ronojel ri niben, roma rija' ri xoyon iwichin kan loq'olej-wi.

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

1 Pedro 2:12

Roma ri' kan tik'uaj jun k'aslen utz, y choj chikikojol ri winaqi' ri man ketaman ta ruwech ri Dios. Richin chi stape' nikimol-pe tzij chiwij chi man utz ta ri ik'aslen, toq xtapon ri q'ij chi ri Dios nuq'et-tzij ri winaqi' ri' xtikiya' ruq'ij-ruk'ojlen ri Dios roma ri utzilej ibanobal rix.

2 Pedro 3:12

rokik niwoyobej ri q'ij toq xtipe rija'. Titija' iq'ij richin niben richin chi'anin napon ri q'ij ri', toq ri kaj xtujin q'aq' y xtik'is. Ronojel kan xkeya'er pa ruq'a' ri ruq'aq'al ri q'aq'.

1 Timoteo 6:11

Jak'a rat, Timoteo, ri at rusamajel ri Dios, katanimej chuwech ronojel re'; kan tatija' aq'ij nak'uaj jun k'aslen choj, jantape' tabana' ri niqa' chuwech ri Dios, kan takuquba' ak'u'x rik'in ri Cristo, katajowan, kakoch'on y tak'uaj jun k'aslen ch'uch'uj.

Santiago 3:13

Wach'alal, wi ek'o chi'ikojol ri kan k'o kina'oj y k'o etamabel kik'in, kan ruk'amon chi nikik'ut chupan ri kik'aslen y rik'in ri utzilej taq kibanobal. Y re' k'o chi nuben rik'in qasanri'il.

Filipenses 3:20

Jak'a roj kan oj richin chik ri chila' chikaj, ri akuchi k'o-wi ri kolonel y ajaw Jesucristo, y qoyoben chik ri q'ij toq xtipe.

Wuj Richin ri Isaías 34:4

Ronojel k'a ri ek'o chuwech ri kaj xa xkechup-qa, y ri kaj kan xtubot-ri' achi'el nubot-ri' jun wuj. Keri' konojel ri ch'umila' man xkech'ich'an ta chik. Kan xketzaq k'a achi'el yetzaq-el ri ruxaq ri juwi-uva, ó ri ruxaq ri wíkix.

Wuj Richin ri Isaías 14:31

Rix aj-Filistea kan kixbe'oq' pa taq okibel richin ri itinamit, y kixbaybot roma xibinri'il. Roma kere' pa xaman xkepe aj-labal, y kan xkepe achi'el jun q'equ'm laj sutz', y konojel rije' ek'o chupan ri kicholaj.

2 Pedro 1:3

Y ronojel ri nik'atzin richin niqak'uaj jun utzilej k'aslen, ja ri ruchuq'a' ri Dios ri yoyon-pe chiqe. Y ri uchuq'a' ri' kan qichin roj roma qetaman chik ruwech ri Jesucristo, ri xojroyoj richin qik'in roj niq'alajin ri ruq'ij-ruk'ojlen y ri ruchojmilal.

1 Timoteo 6:3

Y wi k'o jun, ri nuya' tijonik ri man junan ta rik'in ri utzilej tijonik ri ruk'amon-pe ri qajaw Jesucristo, y man junan ta rik'in ri tijonik ri nuk'en-pe ri k'aslen utz chuwech ri Dios,

1 Timoteo 4:12

Man taya' q'ij chi k'o yebitej-pe chawij roma k'a at k'ajol ala' na. Xa kan tak'utu' ri achike niqa' chuwech ri Dios rik'in ri abanobal, ri ach'abel, ri awajowabal, ri ak'aslen ri uk'uan roma ri Dios y akuquban ak'u'x rik'in, y rik'in ch'ajch'ojilej ak'aslen.

San Mateo 8:27

Ri e beneq rik'in kan janila xkimey-qa ri xuben ri Jesús y nikibila' k'a: ¿Achike k'a chi achin re'? Roma ri kaq'iq' y ri ya' kan nikinimaj rutzij, yecha'.

Wuj Richin Bix Chire ri Dios 75:3

Toq nisilon ri ruwach'ulew y konojel ri ek'o chuwech, ja yin ri yichapo ri temeyon richin.

Wuj Richin Bix Chire ri Dios 50:23

Ri sipanik ri niqa' chinuwech, ja ri matioxinik ri nipe pan iwánima. Y wi rix choj xkixbiyin chinuwech yin, kan xkixinkol k'a.

Santiago 1:24

Y toq xa k'a juba' tutzu' kan ri' ri pan espejo, man chik noqaqa ta chuk'u'x ri achike titzu'un.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

1 Tesalonicenses 1:5

Roma toq xqatzijoj ri utzilej ch'abel richin kolotajik chiwe, man xqatzijoj ta xaxe rik'in ch'abel, jak'a chuqa' rik'in ri uchuq'a' ri nuya' ri Loq'olej Espíritu, y rik'in chuqa' ri kuqubabel-qak'u'x niqatzijoj. Rix iwetaman ri k'aslen ri qak'uan roj, roma niqajo' ri utz chiwe rix.

1 Timoteo 6:6

Y qitzij wi, chi ri ak'uan jun k'aslen utz chuwech ri Dios, kan beyomel: Xaxe wi k'o kikoten pan awánima rik'in ri janipe' k'o awik'in.

Wuj Richin ri Isaías 24:19

Ri ruwach'ulew kan xtiwuluwu'. Kan xtich'aratej, y ronojel xtisilon.

2 Pedro 1:6

Tiq'ila-iwi' chubanik ri mak; tik'oje' koch'onik pa taq iwánima; y tik'uaj ri ik'aslen achi'el ri nrajo' ri Dios.

Hebreos 13:5

Man tibe iwánima chirij ri méro, xa kan kixkikot rik'in ri k'o iwik'in. Roma ri Dios rubin: Kan beneq-ruwech ink'o iwik'in y man jun bey xkixinmalij kan, nicha'.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

Wuj Richin Bix Chire ri Dios 37:14

Ri e banoy etzelal kan nikelesaj k'a ri ki-espada y nikichojmirisaj ri rute-ch'ab richin yek'aqon, richin chi yekitzeq ri ek'o pa meba'il y ri man jun k'o kik'in, y richin yekikamisaj ri choj kik'aslen.

Romanos 13:11

Y ronojel re xinbij-qa, kan richin chi qojk'astej, roma qetaman chi noqaqa yan ri q'ij toq xqojkolotej-el. K'o yan k'a q'ij ri qakuquban-pe qak'u'x, y roma ri' yojtikir niqabij chi wakami más naqaj chik ojk'o-wi chire ri q'ij richin ri qakolotajik.

Romanos 13:12

Ri q'equ'm niq'ax yan, y niq'alajin yan pe ri saqil. Roma ri', wi k'a k'o qamak ri niqaben pa taq q'equ'm, tiqaya' kan. Nik'atzin chi ja ri saqil ri nok qatobal, achi'el jun aj-labal toq nukusaj ri rutobal.

2 Pedro 3:10

Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.