2 Pedro 3:10 - Kaqchiquel Bible

¹⁰ Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Pero achel jun eleqꞌon pa jumel ruwech ndok pa jun achoch, keriꞌ pa jumel ruwech nduqaqa ri tiempo atoq ndibꞌanatej nojel ri rubꞌiꞌin kan ri Ajaw. Chupan teq ri qꞌij riꞌ, ri kaj santienta ndiqꞌajan ndikꞌis, nojel ri ebꞌanun roma ri Dios ngekꞌis pa qꞌaqꞌ, y ri rochꞌulew y nojel ri achike ekꞌo chuwech, maneq apeꞌ ndikewaj kiꞌ, xa ndikꞌis ruqꞌij nojel.

Kaqchikel Santa Maria de Jesus

¹⁰ Pero ri kꞌij antok xtipa ri Ajaf, can xtuꞌon incheꞌl nuꞌon jun alakꞌuon antok ntuoc chupan jun jay, ruma man jun taꞌmayuon jampeꞌ xtalka. Can quireꞌ xtibꞌanataj antok xtalka ri kꞌij richin ri Ajaf. Ri rocaj can altíra xtikꞌajan, y nojiel ri i-cusan chi i-bꞌanun nojiel ri cꞌo, xcaꞌcꞌat pa kꞌakꞌ y xcaꞌqꞌuis. Ri roch-ulief y nojiel ri icꞌo choch, xcaꞌcꞌat jeꞌ.

Kaqchikel Central Guatemala

¹⁰ Y can xtipe na vi ri k'ij ri rubin can ri Ajaf. Y achi'el ri nuben jun elek'on tok noc pa jun jay, man jun etamayon jampe'. Can que c'a chuka' ri' tok xtipe ri k'ij richin ri Ajaf. Y ri caj can xtijinin c'a tok xtiq'uis. Ri ucusan c'a richin e banalon ronojel, xquerujin c'a k'ak' y xqueq'uis. Re ruvach'ulef re' y ronojel ri c'o pa ruvi', xquec'at c'a chuka'.

Re C'ac'a Testamento pa Kach'abal

¹⁰ Y re Ajaf can xtipo-va chupan re k'ij re rubin can. Y ancha'l nuban jun elek'om tak ndoc pa jun jay, man jun atamayon jampa' ne'ka. Can quire' chuka' tak xtipa re k'ij chin re Ajaf. Y re rocaj can xtijulu y can xtipok'olaj tak xtiq'uis. Re je'cusan chin je'banalon ronojel cosas can xque'jeno pa k'ak' y xque'q'uis. Re ruch'ulef re' y ronojel re jec'o chach, xque'c'at chuka'.

Kaqchikel Western Solola

¹⁰ Y can xtipe na wi ri k'ij ri rubin ca ri Ajaf. Y can achi'el tek jun alek'om nuben alek' chak'a', y majun etamayon ta, can queri' chuka' tek xtipe ri k'ij riche (rixin) ri Ajaf. Y ri caj can xtibiril. Ri ye ucusan chi ye banon ronojel cosas, xquejino c'a pa k'ak' y xqueq'uis. Re ruwach'ulef re' y ronojel ri c'o pa ruwi', xquec'at c'a chuka'.

2 Pedro 3:10 ပူးပေါင်းရင်းမြစ်များ

Apocalipsis 21:1

Chirij ri' chupan ri achi'el achik', xintz'et k'a ri k'ak'a' kaj y ri k'ak'a' ruwach'ulew, roma ri kaj y ri ruwach'ulew ri xek'oje' pa nabey, xa e maneq chik. Y ri palou xa kan maneq chik chuqa'.

San Mateo 24:35

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

2 Pedro 3:7

Y chuqa' xubij chi re ruwach'ulew y ri kaj re yeqatz'et wakami, e yakon-apo roma rija', richin ri q'ij toq xtuya-pe q'aq' pa kiwi'. Y re' e yakon-apo, k'a toq ri Dios xtuq'et-tzij y xkeruk'is konojel ri man utz ta kik'aslen chuwech rija'.

Apocalipsis 16:15

Y ri oxi' itzel taq espíritu ri' kan xekimol k'a ri winaqi' ri chiri' ri nibix Harmagedón chire pa ch'abel hebreo. Y jari' toq k'o jun xch'on y xubij: Yin xkipe, achi'el jun eleq'om, kan jebel k'a ruwa-kiq'ij ri kichajin ri kik'aslen y e ch'ajch'oj, keri' man xkek'ixbitej ta chikiwech ri winaqi', xcha'.

Wuj Richin ri Isaías 51:6

Rix israelita, kan kixtzu'un-el chikaj, chuqa' kan kixtzu'un-qa chuwech re ruwach'ulew. Roma ri kaj xa kan xtik'is achi'el ri sib; y ri ruwach'ulew xa kan xtitziaqir, achi'el nitziaqir jun tzieq. Y ri winaqi' ri ek'o chuwech, xa kan xkeken achi'el ri taq us. Jak'a ri nukolotajik kan xtik'oje' richin q'asen, y ri ruchojmilal kan man xtik'is ta.

1 Tesalonicenses 5:2

Roma rix jebel iwetaman chi man jun etamayon janipe' xtipe. Roma rija' toq xtipe, xtuben achi'el nuben jun eleq'om toq napon pa jun jay ri chi'aq'a'.

Marcos 13:31

Re ruwach'ulew y ri kaj kan richin wi yek'is. Jak'a ri nuch'abel man xtik'is ta choj keri'.

2 Pedro 3:12

rokik niwoyobej ri q'ij toq xtipe rija'. Titija' iq'ij richin niben richin chi'anin napon ri q'ij ri', toq ri kaj xtujin q'aq' y xtik'is. Ronojel kan xkeya'er pa ruq'a' ri ruq'aq'al ri q'aq'.

Wuj Richin ri Isaías 34:4

Ronojel k'a ri ek'o chuwech ri kaj xa xkechup-qa, y ri kaj kan xtubot-ri' achi'el nubot-ri' jun wuj. Keri' konojel ri ch'umila' man xkech'ich'an ta chik. Kan xketzaq k'a achi'el yetzaq-el ri ruxaq ri juwi-uva, ó ri ruxaq ri wíkix.

Apocalipsis 3:3

Toqaqa chi'ik'u'x ri tijonik ri ik'ulun, titzeqelibej y titzolej-pe ik'u'x. Roma wi xa man xkixk'ase' ta; xkipe pan iwi' achi'el jun eleq'om y man xtinabej ta k'a achike ramaj toq xkinoqaqa.

San Lucas 12:39

Rix iwetaman, chi wi ta jun rajaw-jay retaman jampe' napon jun eleq'om pa rachoch, ri rajaw-jay ri' nik'ase' richin nuchajij ri rachoch, y man nuya' ta q'ij chi ri eleq'om neleq'-el.

Wuj Richin Bix Chire ri Dios 102:26

Ronojel re' xa xkek'is, jak'a rat kan beneq k'a ruwech atk'o. Ronojel xa xkerijix, achi'el nuben jun tzieq. Rat kan naben k'a chire ronojel chi achi'el jun tzieq ri xa nijal kan y kan yejalatej k'a el.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Wuj Richin ri Nahum 1:5

Ri juyu' yebaybot chuwech rija', y ri ch'uti'n taq juyu' xa yek'is-qa. Ri ruwach'ulew kan nisilon chuwech rija', keri' chuqa' ronojel ri ek'o chuwech.

Joel 2:31

Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Am 9:5

Ri Jehová ri Dios ri k'o ronojel uchuq'a' pa ruq'a', nuchop-qa juba' ri ruwach'ulew y ri ulew kan niya'er-qa. Kan jari' toq konojel ri winaqi' nikichop oq'ej. Chupan ri q'ij ri' ri ruwach'ulew kan nijote' y niqaqa achi'el nuben ri raqen-ya' Nilo.

1 Corintios 5:5

K'ari' pa rubi' k'a ri ajaw Jesús, ri achin ri xbanon keri', xtijach-el pa ruq'a' ri Satanás richin chi kan xtutej poqon y ri ru-espíritu xtikolotej toq xtipe ri ajaw Jesús.

Wuj Richin ri Miqueas 1:4

Ri akuchi niq'ax-wi ri Jehová kan yebelel-qa ri nima'q taq juyu', achi'el niya'er-qa ri cera chuwech ri q'aq'. Ri taq'aj kojol taq juyu' kan xkesoboso-qa, achi'el nuben jun raqen-ya' chuwech jun ruwa-xulan.

Wuj Richin ri Isaías 24:19

Ri ruwach'ulew kan xtiwuluwu'. Kan xtich'aratej, y ronojel xtisilon.

Wuj Richin Bix Chire ri Dios 97:5

Ri nima'q taq juyu' kan yek'is-qa chuwech ri Jehová, achi'el nuben ri cera toq niya'er-qa. Kan yek'is-qa chuwech ri rajaw chijun ri ruwach'ulew.

Am 9:13

Xtapon k'a ri q'ij toq xtiwachin janila trigo; kan k'a man jani tik'ol ronojel tiko'n, kan ja yan ri' nijosq'ix chik jun bey ri ulew. Chuqa' xtapon k'a ri q'ij toq xtiwachin janila uva; kan k'a man jani tik'is ri ruyitz'ik ri uva, kan ja yan ri' nitik chik qa ch'aqa'. Y kan pa ruk'iyal k'a vino ri xtik'oje', kan xtuben k'a achi'el jun raqen ya' ri nibiyin pa juyu'.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Joel 1:15

Toq'ex qawech roma peteneq q'ij richin ruk'ayewal, roma ri q'ij richin ri Jehová xa naqaj chik k'o-wi-pe. Ri Jehová ri k'o nimalej uchuq'a' pa ruq'a' kan xtuk'is k'a ronojel.

Wuj Richin ri Isaías 2:12

Roma ri q'ij richin ri Jehová ri k'iytisanel richin ronojel, xtoqaqa pa kiwi' konojel winaqi' ri kinimirisan-ki'; pa kiwi' konojel winaqi' ri kan janila nikina-ki', y kan xtiqasex k'a kiq'ij.

Romanos 8:20

Roma re ruwach'ulew y ri ch'aqa' chik ri xeruben ri Dios xeyojtej; y kere' xkik'uluwachij pa ruq'a' ri Dios, jak'a man roma ta k'a kimak rije'. Xa kan koyoben

Wuj Richin ri Malaquías 4:5

Jak'a nabey chire ri nimalej q'ij ri' ri ruk'amon-pe xibinri'il, xtinteq-pe ri Eliás ri q'alajirisey nuch'abel.

Joel 3:14

Ri chiri' janila chi winaqi' ek'o richin ninq'et-tzij pa kiwi' roma xa naqaj chik k'o-wi-pe ri q'ij wichin yin.

Wuj Richin Bix Chire ri Dios 46:6

Ri nima'q taq tinamit kixibin-ki' y man nikil ta achike nikiben ri q'atoy taq tzij. Roma toq ri Dios nich'on kan nik'is-qa ri ruwach'ulew.

Judas 1:6

Keri' chuqa' xuben ri Dios kik'in ri ángel ri man xqa' ta chikiwech ri akuchi e ruya'on-wi y xa xkiya' kan ri samaj ri ruya'on pa kiq'a', y xe'el-pe pa kachoch chila' chikaj. Jak'a re wakami ri Dios rubanon chike chi e ximil ri akuchi ruyon q'equ'm k'o. Chiri' e yakel-wi, koyoben ri q'ij toq xtiq'at-tzij pa kiwi'.

1 Corintios 1:8

Y rija' kan xkixruto-apo k'a toq xtapon ri ruk'isibel taq q'ij richin chi man jun mak nilitej pa taq ik'aslen toq xtapon ri q'ij chi xtitzolej chik pe ri qajaw Jesucristo.

1 Tesalonicenses 5:4

Jak'a rix qach'alal man ixk'o ta chik pa q'equ'm, roma kan iwoyoben ri q'ij toq xtipe chik ri Jesucristo. Y roma ri', toq xtoqaqa rija' iwik'in, man xtoqaqa ta achi'el noqaqa jun eleq'om.

2 Pedro 3:11

Roma k'a ronojel ri' rix yalan nik'atzin chi kan nik'uaj jun loq'olej k'aslen ri kan niqa' chuwech ri Dios,

Apocalipsis 6:14

Y ri kaj xuk'ol-el ri achi'el nibot-el jun wuj. Y ronojel juyu' y ri ruwach'ulew ri ek'o pa taq ya' xe'elesex-el pa taq kik'ojelibal.