2 Pedro 2:6 - Kaqchiquel Bible

⁶ Y chuqa' ri Dios kan man xukoch' ta ri kimak ri aj-Sodoma y Gomorra. Xa xubij chi k'o chi yek'is. Y kan keri' wi xbanatej. Rija' xeruk'is ri tinamit ri' rik'in q'aq', richin keri' tiketamaj ri winaqi' ri yek'oje' kan, chi wi man chojmilej k'aslen ta xtikik'uaj chuwech ri Dios, xtiqaqa chuqa' jun nimalej ruk'ayewal pa kiwi' rije'.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Ri Dios chuqaꞌ xubꞌij chi tikꞌis kiqꞌij ri kaꞌiꞌ tinamit xkibꞌiniꞌaj Sodoma y Gomorra, romariꞌ xerukꞌatisaj hasta xechajir na. Keriꞌ xubꞌen, chin xukꞌut chikiwech ri wineq chi ri Dios kin ngerubꞌen castigar konojel ri kꞌo pa kánima chi ndikikꞌuaj jun kꞌaslen ri ndukꞌut chi maneq Dios pa kiwech.

Kaqchikel Santa Maria de Jesus

⁶ Y ri Dios man xuꞌon ta perdonar jeꞌ ri qui-pecados ri caꞌyeꞌ tanamet Sodoma y Gomorra, xa xuꞌej chi caꞌqꞌuis, y can quire-ve xbꞌanataj. Jajaꞌ, kꞌakꞌ xuyaꞌ pa quiveꞌ ri tanamet reꞌ chi xaꞌruqꞌuis, y xuꞌon chaj chica. Quireꞌ xuꞌon chica, chi quireꞌ tiquitamaj ri vinak ri xcaꞌcꞌujieꞌ después, chi xa man xtiquicꞌuaj ta jun choj cꞌaslien incheꞌl nika choch ri Dios, xtika jun nem castigo pa quiveꞌ.

Kaqchikel Central Guatemala

⁶ Y ri Dios can man xucoch' ta chic chuka' ri quimac ri e aj pa tinamit Sodoma y Gomorra. Xa xubij chi c'o chi yeq'uis. Y can que vi ri' xbanatej. Rija' xeruq'uis ri tinamit ri' riq'uin k'ak'. Y xa can xe chic quichajil ri xc'oje' can. Richin queri' tiquetamaj ri vinek ri yec'oje' can, chi vi man chojmilej c'aslen ta xtiquic'uaj chuvech ri Dios, xtika' chuka' jun nimalej ruc'ayeval pa quivi' rije'.

Re C'ac'a Testamento pa Kach'abal

⁶ Y re Dios can man xucuy-ta chic chuka' quimac re jec'o pa tenemit Sodoma y Gomorra. Xa xubij che que'q'uis, y can quire-va xbanataj. Reja' xe'ruq'uis re tenemit re' riq'uin k'ak', y can xe chic quichajil xc'ue' can. Chin quire' tiquitamaj re vinak re ye'c'ue' can, che vo xa man choj-ta quic'aslen xtiquic'uaj chach re Dios, xtika chuka' jun namalaj castigo pa quive' reje'.

Kaqchikel Western Solola

⁶ Y ri Dios can xuk'et chuka' tzij pa quiwi' ri ye aj pa tinamit Sodoma y Gomorra. Xa xubij chi c'o chi yeq'uis. Y can queri' wi xbanatej. Riya' xeruq'uis ri ca'i' tinamit ri' riq'ui k'ak'; chaj xuben chique. Ri xbanatej quiq'ui ri winek ri' can jun c'ambel na'oj chiquiwech ri winek ri xquec'oje' chiquij ca riye'; wi ma utz ta c'aslen xtiquic'uaj chuwech ri Dios, xtika chuka' jun nimalaj ruc'ayewal pa quiwi' riye'.

2 Pedro 2:6 ပူးပေါင်းရင်းမြစ်များ

Judas 1:7

Y keri' chuqa' xuben chike ri ojer taq winaqi' ri xek'oje' pa taq tinamit Sodoma y Gomorra y ri ek'o-apo chikinaqaj. Re winaqi' re' xemakun chi achi'a' chi ixoqi', kan xkikanola-ki' richin xemakun. Ri achi'a' man xekajo' ta ixoqi', xa kik'in chik achi'a' xek'oje-wi-qa. Roma ri' konojel ri winaqi' ri', ri Dios xeruya' pa q'aq' ri nik'at richin jantape'. Y re' richin nuk'ut chiqawech ri xtikik'uluwachij ri winaqi' ri nikik'uaj itzel k'aslen.

Deut 29:23

Y xtikitz'et k'a chi ri chiri' kan xtok kan tz'iran ruwach'ulew, xa kan xaxe chik ri chuwilej-abej, atz'an y k'atineq ulew k'o y man niwachin ta chik y ni ta q'ayis man nik'ase' ta chik chuwech, roma kan xtibanatej rik'in achi'el ri xbanatej kik'in ri tinamit Sodoma, Gomorra, Admá y Zeboím, roma ri Jehová xyakatej janila royowal chikij y xeruk'is.

Wuj Richin ri Q'axanri'il 26:10

y ri ruwach'ulew xjaqatej y xerubeq' kan, junan rik'in ri Coré. Y re' xbanatej toq xeken chuqa' ri tzobaj ri xeruk'is q'aq' toq xeken e 250 achi'a'. Re jun banobel re' xbanatej richin chi tiketamaj ri ch'aqa' chik chi man tikiben keri'.

1 Corintios 10:11

Ronojel k'a ri xkik'uluwachij rije', kan k'o-wi k'a nuk'ut chiqawech roj, y roma ri' e tz'ibatel kan richin chi roj re ojk'o chupan re ruk'isibel taq q'ij richin re ruwach'ulew niqak'en qana'oj chirij.

Wuj Richin ri Sofonías 2:9

Roma ri' yin Jehová, ri in k'iytisanel richin ronojel, ninya' nutzij chi ri ruwach'ulew Moab xtiberuk'uluwachij achi'el ri Sodoma, y ri Amón achi'el ri Gomorra. Xtibe'ok kan juyu' richin k'ix y ulew richin atz'an. Kan xtitole' k'a kan richin q'asen. Jak'a ri xkekolotej kan chike ri nutinamit yin, xtikichinaj kan ronojel ri k'o rejqalen, y xtok kan kichin rije' richin q'asen.

Wuj Richin ri Jeremías 50:40

Kan xenk'is k'a ri tinamit Sodoma y Gomorra y ri tinamit ri ek'o chikinaqaj. Y kan keri' chuqa' xtinben rik'in ri Babilonia. Y man jun chik k'a ri xtibek'oje' chik chiri'. Yin Jehová ri yibin.

Wuj Richin ri Isaías 13:19

Ri tinamit Babilonia janila rejqalen chikiwech ri ch'aqa' chik ruwach'ulew, achi'el jun jebelej abej ri janila rejqalen. Y ri tinamit ri' kan janila ruwa-ruq'ij chikiwech ri aj chiri'. Jak'a xa xtiwulex roma ri Dios, achi'el xuben ojer kan kik'in ri tinamit Sodoma y Gomorra.

Am 4:11

Xinya' jun ruk'ayewal pan iwi' achi'el xinben kik'in ri aj-Sodoma y ri aj-Gomorra. Rix kan ix achi'el jun si' k'atineq rutza'n ri elesan-el pa q'aq'. Man rik'in ri' man xtzolej ta pe ik'u'x wik'in. Yin Jehová ri yibin.

Os 11:8

Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech.

Wuj Richin ri Rutikeribel 19:28

Jari' toq xerutz'et-qa ri Sodoma y ri Gomorra y xutz'et chi chijun ri pa taq'aj-qa, nibuqulin sib achi'el nibuqulin jun nimalej horno.

Judas 1:15

richin xtuq'et-tzij pa kiwi' konojel, y richin xtuya' ruk'ayewal pa kiwi' ri winaqi' ri man kik'uan ta ri k'aslen ri niqa' chuwech rija', xa ja ri itzel k'aslen kik'uan, y yekibila' poqon taq ch'abel chirij, xcha'.

Wuj Richin ri Q'axanri'il 16:38

Ronojel re porobel-pom re', kan xe'ok k'a kan richin pa nusamaj yin, roma xe'ukusex yan richin xsuj pom chuwe yin. Y chike ri porobel-pom ri' k'o chi xkebajix y niban nima'q ruwech pueq chire. Y rik'in ri' nipis-rij ri porobel-pom ri k'o pa wachoch. Y re' kan xtok k'a jun natabel chike ri awinaq roma ri xbanatej, xcha'.

Wuj Richin ri Isaías 1:9

Wi ta yin Jehová k'iytisanel richin ronojel man ta xixinya' kan juba' chiwe rix, kan ix achi'el ta chik ri tinamit Sodoma y Gomorra.

San Mateo 10:15

Roma kan qitzij wi ri ninbij chiwe chi chupan ri q'ij toq xtibanatej ri q'atoj-tzij, ri ruk'ayewal xtiqaqa pa kiwi' ri winaqi' ri man xkixkik'ul ta. Kan xtik'o k'a ruwi' más ke chuwech ri xqaqa pa kiwi' ri winaqi' aj-Sodoma y ri aj-Gomorra.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

Romanos 9:29

Ri Isaías kan rubin kan chuqa':*f27* Wi ta yin Jehová k'iytisanel richin ronojel man ta xixinya' kan juba' chiwe rix, kan ix achi'el ta chik ri tinamit Sodoma y Gomorra, xcha'.

Hebreos 4:11

Kan tiqatija' k'a qaq'ij richin yojok chupan re uxlanen re' y man tiqaben achi'el xkiben ri winaqi' ojer kan, ri man xkikuquba' ta kik'u'x rik'in ri ruch'abel ri Dios.