2 Pedro 2:21 - Kaqchiquel Bible

²¹ Roma xa más ta utz chi man ta jun bey xketamaj rubanik jun k'aslen choj chuwech ri Dios ke chuwech xketamaj y xa xkimalij chik kan.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Xa más ta utz, man ta xketamaj rubꞌeyal ri chojmilej kꞌaslen, ke chuwech xketamaj y ngetzolij chikij y ndikiyaꞌ kan ri loqꞌolej mandamiento xyoꞌox chake.

Kaqchikel Santa Maria de Jesus

²¹ Ruma xa más ta otz chi man ta xquitamaj chica manera nucꞌuax jun choj cꞌaslien choch ri Dios, que choch chi xquitamaj y xa niquiyaꞌ can ri Santo mandamiento ri xaꞌruyaꞌ ri Dios chica.

Kaqchikel Central Guatemala

²¹ Roma xa más ta utz chi man ta jun bey xretamaj rubanic jun c'aslen choj chuvech ri Dios. Roma xa yeruya' chic can ri lok'olej tak tzij ri xeruya' ri Dios chire.

Re C'ac'a Testamento pa Kach'abal

²¹ Roma más-ta otz che man-ta jun bey xutamaj re andex rubanic jun c'aslen choj chach re Dios. Roma xa ye'ruya' chic can re lok'olaj tak mandamientos re xe'ruya' re Dios cha.

Kaqchikel Western Solola

²¹ Ruma xa más ta utz chi man ta xquetamaj achique rubanic riche (rixin) chi niquic'uaj jun c'aslen choj chuwech ri Dios que chuwech chi xa quetaman chic y xa xquiya' ca ri lok'olaj tak pixa' ri xeruya' ri Dios chique.

2 Pedro 2:21 ပူးပေါင်းရင်းမြစ်များ

Ez 18:24

Jak'a wi ri choj ruk'aslen nuya' kan ri ruchojmilal y xa nuchop rubanik ri xa man niqa' ta chinuwech yin y xa nuben achi'el ri nikiben ri banoy taq etzelal, ¿nich'ob rix chi nik'ase' k'iy q'ij ri nibanon kere'? Yin kan xtinmestaj k'a ronojel ri utz rubanobal ri rubanon wik'in. Y roma xa man xuben ta chik pa ruchojmilal y xmakun, re wineq k'a re' kan xtiken.

Santiago 4:17

Roma wi iwetaman achike ri utz, y xa man niben ta, yixmakun chuwech ri Dios.

Ez 3:20

Y chuqa' toq k'o jun awinaq ri choj ruk'aslen ri rubanon-pe y k'ate' nuya' kan re jun utzilej k'aslen re' y nuchop rubanik etzelal, rat xtabij chire. Jak'a wi rat man jun xtabij chire y yin xtinya-pe ruk'ayewal pa ruwi' richin niken, yin man xtinya' ta ri rejqalen ri utz ri xeruben y chawe k'a rat ri xtink'utuj-wi ri ruk'aslen roma man xabij ta chire ri ruk'amon richin ta xuben.

San Lucas 12:47

Ri samajel ri retaman ri achike niqa' chuwech ri rajaw, jak'a xa man nuchojmirisaj ta ri' richin nuben ri samaj, ni man nuben ta ri nrajo' ri rajaw, re samajel k'a re' xtiqaqa janila ruk'ayewal pa ruwi'.

San Juan 15:22

Wi man ta xipe yin chuwech re ruwach'ulew chuq'alajirisaxik ri nuch'abel, man ta niq'alajin chi e aj-maki'. Jak'a re wakami, roma yin kan xipe yan chuwech re ruwach'ulew, roma ri' rije' kan man xketikir ta xtikibij chi man jun kimak.

1 Tesalonicenses 4:2

Rix jebel iwetaman achike ri xqabij chiwe, ri k'o chi niben. Y roj xqabij keri' chiwe, roma kan keri' bin kan roma ri ajaw Jesucristo.

San Juan 9:41

Roma ri' ri Jesús xubij chike: Wi ta ix moyi', jebel ta, roma man jun ta mak niwejqalej. Xa roma k'a rix nibij chi man ix moyi' ta, xa roma ri' toq ri imak kan k'o-wi, xcha'.

Wuj Richin ri Sofonías 1:6

Kan xkenk'is k'a el konojel ri nikich'er kan ki' wik'in yin Jehová, y chuqa' konojel ri man yinkikanoj ta y ri man yinkik'ulubej ta.

San Mateo 21:32

Roma ri Juan toq xpe, jun chojmilej bey k'a ri xuk'ut chiwech, jak'a rix man xinimaj ta. Xaxe k'a ri winaqi' ri e moloy ri k'o chi nitoj chire ri q'atbel-tzij y ri ixoqi' ri man utz ta kik'aslen, xaxe rije' ri xeniman. Jak'a rix, man rik'in chi xitz'et ri keri', kan man xtzolej ta pe ik'u'x rik'in ri Dios y chuqa' kan man xinimaj ta ri xubij ri Juan.

Wuj Richin Etamabel-Tzij 16:31

Ri corona ri más rejqalen, ja ri nisaqir-pe ri rusumal-ruwi' jun wineq toq nukochij k'iy rujuna'; jare' k'a ri nuch'ek roma ri chojmilej k'aslen ri xuk'uaj.

Romanos 7:12

Ri pixa' kan loq'olej, kan utz y choj ri nubij.

Ez 23:13

Y xintz'et k'a chi chuqa' rija' xok man ch'ajch'oj ta, achi'el ri runimal.

Wuj Richin Etamabel-Tzij 12:28

Chupan k'a ri rubey ri wineq ri choj, kan nilitej-wi k'aslen; jak'a chupan ri rubey ri wineq ri nuben xaxe ri nrajo' rija', nilitej kamik.

Wuj Richin Bix Chire ri Dios 125:5

Jak'a ri xa nikich'er kan ki' richin nikiben ri etzelal, ri Jehová kan xkeruya' k'a kik'in ri ch'aqa' chik e banoy etzelal. ¡Ri uxlanibel-k'u'x xtik'oje' ta pa ruwi' ri tinamit Israel!

Wuj Richin Bix Chire ri Dios 85:8

Yin kan xtinwak'axaj k'a ri xtubij ri Jehová Dios, roma kan nusuj uxlanen chiqe roj ri oj rutinamit y chike ri kan kich'aron-ki' chire rija', richin chi man yetzolej ta chik kan chupan ri etzelal.

Ez 33:13

Wi ta yin ninjikiba' chi xtik'ase' jun wineq ri choj ruk'aslen, jak'a wi ri wineq ri' nuchop itzel banobel, man nitikir ta nukuquba' ruk'u'x rik'in ri utz rubanobal richin nik'ase'. Kan man xtiya'ox ta rejqalen ronojel ri utz rubanon-pe y xa xtiken k'a roma ri itzel rubanobal.

Gálatas 6:2

Kan titola' k'a iwi' chiwech rix. Y rik'in ri', kan niben-wi k'a ri nubij ri pixa' richin ri Cristo.

1 Timoteo 6:14

chi tataqej ronojel ri xinbij chawe, y man tamalij kan. Ri ak'aslen kan ta ch'ajch'oj k'a toq xtipe chik jun bey ri qajaw Jesucristo.

Hebreos 10:26

Roma ri ketaman chik ri achike rubanik ri qitzij, y man rik'in ri' k'a nikiben chi yemakun stape' ketaman chi man utz ta, wi keri' kan man jun chik k'a xtiken richin yerukol-pe chupan ri kimak.

2 Pedro 3:2

Man k'a timestaj ri kibin kan ri loq'olej taq q'alajirisey ruch'abel ri Dios pa ruwi' ri xtibebanatej, chuqa' ri xuk'ut kan ri qajaw y qakolonel ri xqaq'alajirisaj chiwech, roj ri oj taqon roma rija'.

Judas 1:3

Wach'alal ri yalan yixinwajo', yin kan janila k'a wajowan chi nutz'iban ta el jun wuj chiwe, pa ruwi' ri qakolotajik. Jak'a wakami ninna' chi k'atzinel ninbij chiwe chi rik'in ronojel iwánima tiwojqaj ri utz taq tijonik ri xeqak'ul toq xqanimaj ri Jesucristo, tijonik ri man nijalatej ta, ri xjach chike ri e ralk'ual ri Dios.