2 Pedro 2:18 - Kaqchiquel Bible

¹⁸ Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Atoq ngechꞌaꞌa, ngekibꞌilaꞌ tzij chin ndikinimrisalaꞌ kiꞌ, pero ri ndikibꞌilaꞌ, xa nixta jun rubꞌeyal. Rejeꞌ ngekibꞌochilaꞌ ri kꞌa jubꞌaꞌ qꞌij kekolotej pe chikikajal ri wineq ri sachineq rubꞌey ri Dios chikiwech, y ndikibꞌilaꞌ chake chi ma tikijekꞌ kiꞌ chuwech ri ndiqaꞌ chikiwech y tikibꞌanalaꞌ xa achike na ri ndurayij ri ki-cuerpo.

Kaqchikel Santa Maria de Jesus

¹⁸ Y niquiꞌan incheꞌl cꞌo qꞌuiy cataꞌn, pero xa tzij ri man jun quikalien ri ncaꞌquiꞌej. Y chi ncaꞌquiꞌan engañar ri cꞌa jubꞌaꞌ oc tiempo caꞌcolotaj-pa chiquicajol ri vinak ri quicꞌuan itziel quicꞌaslien, niquiꞌej chica chi otz ncaꞌquiꞌan nojiel itziel tak kax ri ncaꞌquirayij.

Kaqchikel Central Guatemala

¹⁸ Y niquibananej chi c'o q'uiy etamabel quiq'uin, pero xa ch'abel ri man jun quejkalen ri yequibila'. Y richin c'a yequik'ol ri xa c'a juba' quecolotej-pe chiquicojol ri e uc'uayon itzel c'aslen, niquibila' c'a chique chi utz yequibanala' ri achique quirayibel rije'.

Re C'ac'a Testamento pa Kach'abal

¹⁸ Y can niquibananej che c'o q'uiy na'oj quiq'uin, pero rion tzij re man jun quijkalen ye'quibila'. Y chin ye'quik'ol re xa c'a ba' que'colotaj-pa chiquicojol re je'ac'ayon itzel tak c'aslen, niquibila' chique che otz ye'quibanala' re itzel tak rayibal.

Kaqchikel Western Solola

¹⁸ Y niquibanala' chi c'o quina'oj pero xa ch'abel ri majun quejkalen ri yequibila'. Y riche (rixin) chi yequik'ol ri xa c'a juba' quecolotej pe chiquicojol ri ye uc'uayon jun itzel c'aslen, niquibila' c'a chique chi c'o modo yequibanala' xabachique ri niquirayij riye'.

2 Pedro 2:18 ပူးပေါင်းရင်းမြစ်များ

1 Rey 13:19

K'ari' ri achin aj-Judá xbe pa rachoch ri ti achin richin xwa-xuk'ya'.

Ez 35:13

Rik'in k'a ri ich'abel kan xinimirisaj k'a iwi' y kan janila k'a itzel xixch'on chuwij. Y yin kan xinwak'axaj ronojel.

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

Hechos 2:40

Ri Pedro k'o k'a ch'aqa' chik ch'abel ri xeruq'alajirisala' chike. Rija' xuya' k'a rubeyal chikiwech ri winaqi' kik'in ch'abel achi'el re': Kixel-pe chikikojol ri winaqi' ri' ri xaxe itzel ri yekibanala', richin keri' yixkolotej pe, nicha' k'a chike.

Hechos 8:9

Jak'a chupan chuqa' ri tinamit ri', toq k'a man jani tapon ri Felipe, k'o jun achin aj-itz rubini'an Simón. Kan jebel k'a e ruq'olon ri winaqi' rik'in ri yerubanala'. Rija' kan nubila' k'a chuqa' chike chi rija' jun wineq ri janila ruq'ij.

Romanos 13:13

Roj ojk'o chik chupan ri saqil y roma ri' k'o chi niqak'uaj jun k'aslen utz. Man ruk'amon ta chi yojq'aber, ni yojbe pa taq nima-wa'in akuchi ri winaqi' man nikiq'et ta ki'. Man ruk'amon ta chi ri achi'a' y ri ixoqi' nikikanola-ki' richin yemakun; man jun k'a ruwech etzelal re kere' tiqaben. Man tik'oje' oyowal ni ri ch'upun-k'u'x chiqakojol.

Efesios 4:17

Pa rubi' k'a ri ajaw ninchilabej chiwe chi man tik'uaj jun k'aslen achi'el ri kik'aslen ri winaqi' ri xa maneq Dios chikiwech, ri xa ruyon ch'obonik ri man jun utz nuk'en-pe chike ri nikich'ob.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

Santiago 5:5

Rix beyoma' jebel ik'aslen y beneq iwánima rik'in ri kikoten richin re ruwach'ulew. Jebel iti'ojirisan-iwi' richin ri q'ij richin ri ikamik, achi'el ri wákix.

2 Pedro 1:4

Y keri' xusuj chiqe sipanik ri janila e jebel y k'o kejqalen. Y rik'in ri sipanik ri' yojkolotej chuwech ri etzelal ri k'o wawe' chuwech re ruwach'ulew roma ri itzel taq rayinik. Chuqa' rija' nujel ri qak'aslen y yojok k'a achi'el rija'.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.

2 Pedro 2:2

Man rik'in ri' kan e k'iy winaqi' ri xketzeqeliben kichin roma ri itzel rubanik k'aslen ri kik'uan. Roma ri' xtiyoq'otej ri qitzij bey.

2 Pedro 2:20

Stape' rije' kan e kolotajineq chik k'a pe chupan ri etzelal richin ri ruwach'ulew, toq xkikuquba' kik'u'x rik'in ri ajaw Jesucristo, jak'a wi ta nikisuq' chik ki' jun bey chupan ri achike k'aslen ri e eleneq-wi-pe, roma ri' ri kik'aslen más k'ayew nuben ke chuwech ri xkiben toq k'a man jani tikinimaj ri Jesucristo.

2 Pedro 2:7

Chuqa' xukol-pe ri Lot, ri kan choj ruk'aslen. Rija' kan xq'axon ránima roma xerutz'et ri ch'aqa' chik winaqi' chi xkik'uaj jun itzel k'aslen.

2 Pedro 3:17

Roma ri' rix wach'alal ri yalan yixinwajo', kan tichajij k'a ri ik'aslen roma iwetaman chik ronojel re'. Man kixq'olotej k'a pa kiq'a' ri winaqi' ri' ri kik'uan jun itzel k'aslen, richin man ye'itzeqelibej rije', y man ta yixtzaq.

Judas 1:13

Chuqa' ri winaqi' ri' xa e achi'el jun palou ri janila nisilon. Kan nibolqo't, y ri itzel taq kibanobal xa achi'el ri woqoq. E achi'el chuqa' ch'umila' ri e eleneq chik el chupan ri kibey ri akuchi k'o chi yesaqirisan-wi. Y roma ri' xa kan e oyoben chik roma ri q'equ'm, ri akuchi xkebek'oje-wi pa ruk'ayewal richin q'asen.

Apocalipsis 13:11

K'ari' yin xintz'et chi k'o chik k'a jun itzel chikop ri chaq k'ate' xbek'ulun-pe ri pan ulew. Y re jun chik chikop re' k'o ka'i' ruk'a' achi'el ruk'a' jun karne'l. Jak'a ri ruch'abel kan achi'el ri ruch'abel ri itzel keq rij chikop.