2 Pedro 2:17 - Kaqchiquel Bible

¹⁷ Y ri man e qitzij ta tijonela' xa maneq kejqalen; xa e achi'el alaxbel-ya' ri xa chaqi'j chik, e achi'el sutz' ri uk'uan roma jun nimalej kaq'iq'. Ri Dios kan ruchojmirisan chik jun nimalej q'equ'm richin tijoj-poqonal chike rije'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Ri itzel teq tijonelaꞌ riꞌ, xa eꞌachel alaxbꞌel teq yaꞌ ri xechaqiꞌj yan, y eꞌachel teq nubes ri maneq jabꞌ kikꞌuan, eꞌukꞌuan roma ruchuqꞌaꞌ ri kaqiqꞌ. Chake rejeꞌ bꞌanun chik rukꞌojlen jun lugar ri kin qꞌequ-qꞌequꞌ rupan.

Kaqchikel Santa Maria de Jesus

¹⁷ Y ri falsos maestros can i-incheꞌl jun nacimiento richin yaꞌ ri xa chakeꞌj rupan. Can i-incheꞌl jeꞌ mukul ri i-ucꞌuan ruma jun nem cakꞌiekꞌ. Ri vinak reꞌ, can i-yoꞌien ruma ri lugar ri kꞌakuꞌn-kꞌakuꞌn. Y richin nojiel tiempo xtiquiꞌan sufrir chireꞌ.

Kaqchikel Central Guatemala

¹⁷ Y ri vinek ri e sachinek, can e achi'el alaxibel-ya' ri xa e chaki'j chic. Chuka' can e achi'el sutz' ri e ruc'amon-pe cak'ik'. Re vinek c'a re', can e oyoben-vi roma ri lugar k'eku'n-k'eku'n richin tijoj-pokonal. Y richin jantape' xquebe chiri'.

Re C'ac'a Testamento pa Kach'abal

¹⁷ Y re vinak re je'satzanak, can je ancha'l alaxbal-ya' re je chake'j chic. Chuka' can je ancha'l nube re je'ruc'amom-pa cak'ik'. Re vinak re' can je'yaben-va roma re lugar can xak y camas k'oko'm chin tijoj-pokonal. Y chin nojel tiempo xque'ba chire'.

Kaqchikel Western Solola

¹⁷ Y ri winek ri ye sachnek, can ye achi'el jun ralaxbel (rutz'ucbel) ya' ri xa chaki'j chic. Chuka' can ye achi'el sutz' ri ye ruc'amom pe cak'ik'. Ri winek c'a ri', can ye oyoben wi ruma ri lugar ri sibilaj k'eku'm k'eku'm rupan riche (rixin) tijoj pokonal. Y xquebe chiri' riche (rixin) xtibe k'ij xtibe sek.

2 Pedro 2:17 ပူးပေါင်းရင်းမြစ်များ

Wuj Richin ri Jeremías 14:3

Ri beyoma' yekiteq-el ri kisamajela' chukanoxik ya'. Rije' yebe akuchi ek'o-wi yakbel taq ya', jak'a xa man nikil ta pe y yetzolin k'a pe rik'in ri kikuku' ri man jun ya' chupan. Sachineq-pe kik'u'x y e k'ixbitajineq-pe y nikikuch-pe ri kijolon.

Efesios 4:14

Keri', man niqaya' ta q'ij chi yojuk'uex koma tijonik ri man e qitzij ta, achi'el nibanatej kik'in ri ak'uala' ri xabachike niq'olon kichin. Roma ri tijonela' ri' xa e q'olonela', y rik'in ri q'oloj ri' nikisech kik'u'x ri qach'alal.

Judas 1:6

Keri' chuqa' xuben ri Dios kik'in ri ángel ri man xqa' ta chikiwech ri akuchi e ruya'on-wi y xa xkiya' kan ri samaj ri ruya'on pa kiq'a', y xe'el-pe pa kachoch chila' chikaj. Jak'a re wakami ri Dios rubanon chike chi e ximil ri akuchi ruyon q'equ'm k'o. Chiri' e yakel-wi, koyoben ri q'ij toq xtiq'at-tzij pa kiwi'.

2 Pedro 2:4

Roma ri Dios, ni ri ángel man xerukoch' ta toq xemakun. Xa xeruk'eq k'a akuchi k'o-wi ri tijoj-poqonal y ri q'equ'm. Y wakami chiri' e yakel-wi, koyoben ri q'ij toq xtiq'at-tzij pa kiwi'.

San Mateo 25:30

Y rat samajel ri man jun yak'atzin-wi, xkak'aq k'a el chupan ri q'equ'm, ri akuchi ruyon oq'ej y qach'ach'en eyaj k'o, xcha'.

San Mateo 22:13

Roma ri' ri rey xubij chike ri rusamajela': Tixima-el ruq'a-raqen re jun achin re' y tibek'aqa' kan k'a kela' pa q'equ'm ri akuchi xaxe oq'ej y qach'ach'en eyaj k'o, xcha'.

San Mateo 8:12

Jak'a ri winaqi' ri kan e richin ta ri ajawaren, xa xke'elesex kan y xkek'aq chupan ri q'equ'm ri akuchi k'o-wi oq'ej y qach'ach'en eyaj, xcha'.

Os 6:4

Ri Jehová nubij: ¿Achike ta k'a xtinben chawe rat Israel? ¿Achike ta k'a xtinben chawe rat Judá? Roma ri ajowabel ri k'o awik'in chuwe yin, xa achi'el ok ri sutz' ri niqaqa ri nimaq'a', achi'el ok raxq'ab ri niqaqa pa taq nimaq'a' ri xa chi'anin nik'is-qa.

Hebreos 12:18

Roj ri qaniman chik ri Jesucristo, man chuxe' ta k'a ri juyu' Sinaí oj apowineq-apo, ni man niqachop ta, achi'el xkiben ri qati't-qamama' ojer kan. Rije' xek'oje' chuxe' ri juyu' ri' nijino pa q'aq', kan q'equmatajineq y k'o jun nimalej kaq'iq' rachibilan koqolajay.