2 Pedro 2:1 - Kaqchiquel Bible

¹ Ri ojer kan, chikikojol ri nuwinaq judío xek'oje' q'alajirisanela' ri xa man e qitzij ta. Y keri' k'a chuqa' chi'ikojol rix xkebek'ulun-pe winaqi', xtikiben chi ja ri ruch'abel ri Dios ri nikik'ut, jak'a xa man qitzij ta. Y re' xaxe richin nuyoj kich'obonik ri winaqi'. Re tijonela' re' man xtikinimaj ta chi ri ajaw xken richin xutoj ri kimak. Keri' xa pa kiwi' rije' nikoyoj-wi ri tijoj-poqonal.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Chikikajal ri israelitas ojer kan, xebꞌeqꞌalajin pe ri xkiqꞌabꞌaj kiꞌ chi eru-profetas ri Dios. Keriꞌ chuqaꞌ chiꞌikajal rix, ngebꞌeqꞌalajin pe ri ndikiqꞌabꞌaj kiꞌ chi etijonelaꞌ etaqon roma ri Dios, y ma ndinabꞌex ta atoq ndikijulaꞌ apu jalajaj teq tijonik ma eqetzij ta ri ndukꞌis kiqꞌij ri hermanos, hasta ndikibꞌij chi ri Jesucristo ri xloqꞌon kichin, ma ja ta rijaꞌ ri Ajaw pa ruwiꞌ nojel. Pero ri keriꞌ ndikibꞌen, ndikoyoj castigo chikij ri pa jumel ruwech nduyaꞌ ri Dios pa kiwiꞌ.

Kaqchikel Santa Maria de Jesus

¹ Ojier can, chiquicajol ri nuvanakil israelitas xaꞌcꞌujieꞌ falsos profetas. Y quireꞌ jeꞌ chicajol ixreꞌ vacame, icꞌo falsos maestros xcaꞌlka. Ijejeꞌ xa noꞌj quichin vinak ri niquicꞌut chivach, y xtiquicanuj manera xtiquiꞌan cha, chi quireꞌ ixreꞌ man ntinaꞌiej ta ri itziel tak kax ri niquicꞌut chivach. Y ri vinak reꞌ man xtiquinimaj ta chi ri Ajaf Jesús xcon chi xutoj ri qui-pecados. Y rumareꞌ quiyuon ijejeꞌ nicayuoj-ka jun nem castigo pa quiveꞌ; y antok xtiquinaꞌ, xa pa kꞌakꞌ yan chic icꞌo-ve.

Kaqchikel Central Guatemala

¹ Ri ojer can, chiquicojol ri nuvinak israelitas xec'oje' achi'a' ri xebin chi can e takon-pe roma ri Dios richin niquik'alajirisaj ri ruch'abel. Pero xa man que ta ri'. Y que c'a chuka' ri' chi'icojol rix vacami. Ec'o c'a vinek ri xquebec'ulun-pe, y xtiquibij chi ja ri ruch'abel ri Dios ri niquic'ut, y xa man kitzij ta. Roma xa quina'oj c'a rije' ri yequijula-apo y man jun ninaben tok yequiyala-apo chi'icojol. Y re vinek re' hasta man xtiquinimaj ta chi ri Ajaf xquen (xcom) richin xutoj ri quimac. Xa jac'a rije' ri ye'oyon tijoj-pokonal pa quivi'. Man niquinabej ta c'a tok noka'. Tok c'a niquina' xa pa k'ak' chic ec'o-vi. Y c'a chiri' chuka' xquebeka-vi ri yetzekelben quichin.

Re C'ac'a Testamento pa Kach'abal

¹ Re ajuer can, jec'o achi'a' xe'c'ue' chiquicojol re nuvinak israelitas re nibex profetas chique, xquibij che je'takom-pa roma re Dios chin niquitzijoj re ruch'abal re Dios, pero man quire-ta. Y quire' chuka' chi'icojol yex vocame. Jec'o vinak xque'bec'ulum-pa, y xtiquibij che ja re ruch'abal re Dios niquic'ut, y xa man katzij-ta. Roma xa quina'oj reje' re ye'quibila' y man jun nenaben tak ye'quibila-apo chi'icojol. Y re vinak re' hasta man xtiquinimaj-ta che re Ajaf xcom chin xutoj quimac. Xa ja reje' mismo re ye'yi'o tijoj-pokonal pa quive'. Man xtiquinabej-ta tak xtipa pa quive'. C'aja tak xtiquina' xa pa k'ak' chic jec'o-va. Y chuka' re ye'tzekelben quichin c'a chire' xque'beka-va.

Kaqchikel Western Solola

¹ Ri ojer ca, chiquicojol ri nuwinak israelitas xec'oje' achi'a' ri xquibij chi can ye takon pe ruma ri Dios riche (rixin) chi niquik'alajsaj ri ruch'abel. Pero xa ma que ta ri'. Y queri' chuka' chicojol riyix wacami. Yec'o c'a winek ri xquebec'ulun pe, y xtiquibij chi ya ri ruch'abel ri Dios ri niquic'ut, y xa ma kitzij ta. Ruma xa na'oj quiche (quixin) winek ri niquic'ut chiwech y majun ninaben ta tek yequiyala' apo chicojol. Y ri winek ri' xa can ma xtiquinimaj ta chic chi ri Ajaf xcom riche (rixin) chi xutoj ri quimac. Xa quiyon c'a riye' niquisiq'uij (nicoyoj) ruc'ayewal pa quiwi'. Ma niquinabej ta c'a tek noka. Tek c'a xtiquina' xa pa k'ak' chic yec'o wi.

2 Pedro 2:1 ပူးပေါင်းရင်းမြစ်များ

San Mateo 7:15

Kan nik'atzin k'a chi nichajij-iwi' chikiwech ri man e qitzij ta q'alajirisanela'. Roma toq k'ari' ye'apon iwik'in, ri k'aslen ri nikik'ut, kan janila jebel, achi'el kibanik ri taq karne'l. Jak'a toq nikik'ut-pe ri etzelal ri k'o pa taq kánima, xa kan e achi'el chik ri itzel taq utiwa'.

Judas 1:4

Yin nintz'ibaj k'a el re wuj re', roma rik'in q'oloj xe'ok-apo chi'ikojol winaqi' ri nikiya' jun chik ruwech tijonik chiwe, y re' kan man jun xnaben. Ri winaqi' ri' kan k'iy chik k'a q'ij tibix-pe pa kiwi' roma ri Dios, chi xtipe ri nimalej ruk'ayewal pa kiwi'. Y roma ketaman chi ri Dios nukuy qamak, rije' kan rik'in chik ri' xkikuquba-wi kik'u'x richin yekibanala' ronojel ruwech etzelal. Y chuqa' rije' kan man nikinimaj ta chi xaxe ri Jesucristo ri ajaw ri k'o pa qawi'.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

2 Timoteo 4:3

Roma kan xtoqaqa ri q'ij toq ri winaqi' xa man chik xtikikoch' ta xtikak'axaj ri utzilej taq tijonik. Xa xtikiben ri kirayibel rije', y xkekikanola' k'a achike ri yetijon kichin chire ri tijonik ri yekirayij rije'.

San Mateo 24:11

Y xkebek'ulun-pe chuqa' janila e k'iy ri xkebin chi rije' e q'alajirisey ruch'abel ri Dios. Y roma kan keri' ri nikibij, kan e k'iy wi k'a winaqi' ri xkeq'olotej pa kiq'a'.

Gálatas 2:4

Man rik'in ri', chikikojol ri qach'alal ek'o ri xa man e qitzij ta qach'alal. Y rije' kan xkajo' chi xban ta ri etal ri'. Rije' kiju'un-apo-ki' xaxe richin nikinachaj ri solberi'il richin ri k'aslen rik'in ri Cristo Jesús, roma rije' kan nikajo' chi k'a yojxime' na chuxe' ronojel ri nubij ri pixa'.

1 Corintios 11:19

Jak'a chiwech rix kan nik'atzin chi keri' nibanatej, roma xaxe keri' yeq'alajin ri kan qitzij chi kiniman ri Cristo y man kiniman ta.

1 Juan 4:1

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta.

Colosenses 2:8

Kan tichajij k'a iwi' richin chi man yixq'olotej pa kiq'a' winaqi' ri xa jun wi chik tijonik kik'uan, stape' jebel ok yeq'alajin. Xa kik'in winaqi' peteneq-wi; xa richin re ruwach'ulew y man rik'in ta ri Cristo peteneq-wi.

Tito 3:10

Y wi k'o jun ri chaq jupalik nrajo' nuben oyowal, tapixabaj k'a ri nibanon keri'. Y wi abin chik chire jun bey y man yarunimaj ta, tabij chik jun bey chire. Y wi kan man niniman ta, man chik tak'en ruwech.

Tito 1:11

Y jari' k'a ri ruk'amon chi nitz'apex kichi' roma e k'iy ri yeq'olotej pa kiq'a' rik'in ri itzel taq tijonik ri yekiya'. Y keri' nikiben xaxe richin nikich'ek kiméro.

Filipenses 3:19

Ri pa ruk'isibel, rije' pa q'aq' k'a xkebeqaqa-wi, roma xa kan xaxe ri itzel taq rayinik ri nikiben. Rije' janila kinimirisan-ki' chubanik ri etzelal ri', ri xa ruk'amon ta richin yek'ix. Kan beneq k'a ri kánima chirij ri ek'o chuwech re ruwach'ulew.

1 Corintios 6:20

Rix kan xixloq' yan k'a roma ri Dios. Roma ri' kan tiya' ruq'ij-ruk'ojlen rik'in ri ich'akul y rik'in ri i-espíritu ri kan e richin chik rija'.

Marcos 13:22

Roma kan ek'o k'a ri xkebek'ulun-pe y xtikibila' chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Apocalipsis 2:9

Yin wetaman ronojel ri itijoj-poqonal y ri meba'il ri nik'owisaj stape' chinuwech yin kan ix beyoma'. Chuqa' wetaman ri itzel ri nikibila' chiwij ri yebin chi e judío y xa man e judío ta, ri winaqi' ri' xa e jun tzobaj ri e richin ri Satanás.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

Colosenses 2:18

Ek'o winaqi' nikibananej chi janila kiqasan-ki' y nikiya' kiq'ij ri ángel. Man tiya' q'ij chi rije' yixkiq'ol, y nikelesaj ri sipanik ri k'o chi nik'ul chila' chikaj. Re winaqi' re' nikibij chi k'iy kitz'eton ri xa man e tz'etel ta, y xa yesipoj rik'in ri itzel taq kich'obonik roma kik'uan ri ch'obonik richin re ruwach'ulew.

Efesios 4:14

Keri', man niqaya' ta q'ij chi yojuk'uex koma tijonik ri man e qitzij ta, achi'el nibanatej kik'in ri ak'uala' ri xabachike niq'olon kichin. Roma ri tijonela' ri' xa e q'olonela', y rik'in ri q'oloj ri' nikisech kik'u'x ri qach'alal.

San Mateo 24:24

Roma kan ek'o k'a ri xkebek'ulun-pe y xtikibila' k'a chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

San Mateo 10:33

Jak'a ri wineq ri xa nrewaj chi rija' wichin chik yin, yin chuqa' kan man xtinq'alajirisaj ta apo ri rubi' chuwech ri nata' ri k'o chila' chikaj.

Apocalipsis 13:14

Y roma kan ya'on q'ij chire chi nuben meyel taq banobel, konojel winaqi' ri ek'o chuwech ri ruwach'ulew kan xeq'olotej pa ruq'a'. Y xuben k'a chike ri winaqi' chi tikibana' jun ruwachibel ri nabey chikop ri xk'achoj chire ri rusokotajik ri xban rik'in espada.

Apocalipsis 2:13

Yin wetaman chi ri akuchi ixk'o-wi, chiri' k'o-wi ri rutz'uyubal ri Satanás. Y man rik'in ri', kan ikuquban ik'u'x wik'in y man in imalin ta kan, stape' xitz'et chi ri Antipas ri xutzijoj ri nuch'abel xkamisex chiri' akuchi k'o-wi rachoch ri Satanás.

Judas 1:18

Rije' xkibij chi chupan ri ruk'isibel taq q'ij xkepe winaqi' ri yeyojoben, y kan xaxe ri itzel taq rayinik ri k'o kik'in.

1 Juan 2:26

Yin xintz'ibaj k'a el ronojel re' chiwe, roma ek'o winaqi' nikajo' yixkiq'ol.

1 Pedro 1:8

Y stape' man jun bey itz'eton ri Jesucristo, kan janila niwajo'; stape' man nitz'et ta re wakami, ikuquban ik'u'x rik'in. Y roma ri' man niwil ta achike rubixik niben chire ri nimalej kikoten ri k'o pa taq iwánima.

Efesios 1:7

Ri ruk'ajol xken qoma roj y xbiyin rukik'el richin xojrukol roj chuwech ri mak. Y roma ri' xukuy ri qamak. ¡Jebel k'a niq'alajin ri nimalej rutzil ri Dios

Gálatas 5:20

nikiyala' kiq'ij dios ri xa man e qitzij ta; nikiben itz; ye'etzelan-ki'; yebanon oyowal; itzel nikina' chike ri ch'aqa' chik roma utz ek'o; chi'anin ye'oyower; nikajo' chi xaxe ta rije' k'o utz nikik'en kan chire ronojel; nikijachala-ki' roma ri kich'obonik; niqa' chikiwech ri tijonik ri xa man e qitzij ta;

Gálatas 4:17

Y ek'o k'a ka'i-oxi' winaqi' chi'ikojol ri k'iy utzil nikiben chiwe. Jak'a rije' keri' nikiben roma nikajo' chi ye'itzeqelibej, y yinimalij ta kan yin.

Romanos 16:18

Roma rije' man ja ta ri rusamaj ri qajaw Jesucristo ri nikiben, xa ja ri nikajo' rije' ri nikiben. Rije' jebel taq ch'abel k'a ri yekibila' y roma ri' yalan utz nikak'axaj ri qach'alal ri man nikich'ob ta rij jebel, y chi'anin yeq'olotej-el pa kiq'a'.

San Lucas 21:8

Y ri Jesús xubij chike: Kan jebel k'a tichajij-iwi' richin man jun xkixq'olo. Roma xa kan e k'iy-wi k'a ri xkebek'ulun-pe pa nubi' y xtikibila' chi ja rije' ri Cristo. Janila e k'iy ri xkeq'olotej pa kiq'a'. Jak'a rix man ke'inimaj, ni man ke'itzeqelibej.

San Lucas 6:26

Toq'ex iwech rix, toq ninimirisex iq'ij koma ri winaqi'. Roma ri iwati't-imama' xa keri' xkiben ri ojer kan kik'in ri xebananen chi e q'alajirisey ruch'abel ri Dios.

San Mateo 24:5

Roma e k'iy ri xkepe y xtikibij: Ja yin ri Cristo, xkecha'. Y janila k'a e k'iy ri xkeq'olotej pa kiq'a'.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Wuj Richin ri Miqueas 3:5

Ri nikibananej chi e q'alajirisey ruch'abel ri Dios xa e q'olonel. Toq k'o jun wineq nusuj kiway, nikoyoj urtisanik pa ruwi'. Jak'a ri wineq ri man nusuj ta kiway, xa nikoyoj etzelanik pa ruwi'. Roma ri' ri Jehová xtuya' ruk'ayewal pa kiwi'.

Wuj Richin ri K'uxla'anik 2:14

Ri achi'a' ri xkibananej chi e q'alajirisey ruch'abel ri Dios, xa tz'ukuj-tzij ri xkiben, y ri xkibij xa man jun rejqalen. Rije' man xkiq'alajirisaj ta ri imak, richin xtzolin ta pe ik'u'x, y man ta xixbe pa ximonri'il. Ri xkiq'alajirisaj chiwech xa xixruk'uaj chik kan pa jun bey.

Gálatas 3:13

Jak'a ri Cristo xojrukol chuwech ri ruk'ayewal ri niqaqa pa qawi' roma man niqataqej ta ri nubij ri pixa'. Kan pa ruwi' rija' xqaqa-wi ri ruk'ayewal ri xa pa qawi' ta roj ruk'amon chi xqaqa-wi, roma ri ruch'abel ri Dios nubij chi kan itzel ruwa-ruq'ij ri wineq ri nitzeqebex chuwech jun che'.*f9*

1 Corintios 7:23

Rix kan xixloq' yan k'a roma ri Jesucristo. Roma ri' man chik k'a tixim-iwi' chuxe' kitzij ri winaqi'.

Wuj Richin ri Miqueas 2:11

Rix xa niwajo' jun q'alajirisanel ri ruk'uan itzel bey, ri xaxe q'oloj ruk'amon-pe, ri nubij ta chiwe chi xtik'oje' iwik'in pa ruk'iyal vino y ya' ri niq'abarisan. Ri xtibin keri' chiwe, jari' k'a ri q'alajirisanel ri iwichin rix.

Os 9:8

Ri Dios kan xuya' k'a ri q'alajirisey ruch'abel richin xok jun chajinel chire ri tinamit Israel. Jak'a ri winaqi' xa xkiyala' pikbel pa rubey re jun q'alajirisanel re', stape' kan pa rachoch ri Dios ek'o-wi, xa kan k'o ch'upun-k'u'x kik'in.

Wuj Richin ri Jeremías 37:19

¿Akuchi kami ek'o-wi ri man e qitzij ta q'alajirisey ruch'abel ri Dios ri xkibij chawe chi ri rey richin Babilonia man xkixkichop ta chi oyowal, ni rix ni re winaqi' richin re ruwach'ulew re'?

1 Rey 22:6

Y k'ari' ri Acab xerumol konojel ri e q'alajirisey ruch'abel ri ki-dios, y xkimol k'a ki' e 400 achi'a', y xuk'utuj chike: ¿Utz kami chi yibe richin ninbenbana' oyowal pa ruwi' ri Ramot ri k'o pa Galaad, o xa ninmalij-qa?, xcha'. Y rije' xkibij chire chi utz nibe roma ri kajaw kan xtujech pa ruq'a'.

Apocalipsis 3:8

Yin wetaman ronojel ri ibanobal, roma ri' kan nujaqon jun ruchi-jay chiwech, ri man jun nitikir nitz'apen. Stape' juba' ok iwuchuq'a' k'o, kan ninimaj ri nubij ri nuch'abel y man jun bey iwewan chi iniman ri nubi'.

San Lucas 12:9

Jak'a ri wineq ri xa nrewaj chi rija' wichin chik yin, yin chuqa' kan man xtinq'alajirisaj ta apo ri rubi' chikiwech ri ru-ángel ri Dios.

Deut 32:6

¿Man ja ta kami rix ri maneq ina'oj y ix ch'ujerineq, richin chi itzel rutojbalil ri niya' chire ri Jehová? ¿Man ja ta kami rija' ri itata'? ¿Man ja ta kami rija' ri tz'ukuy iwichin? ¿Man ja ta kami rija' ri xmolon iwichin y xa jun xuben chiwe?

Ex 15:16

Xtiqaqa nimalej xibinri'il pa kiwi', roma ri ruchuq'a' ri aq'a', Roma ri' xkememur, achi'el jun abej, ri man jun nitikir nubij. k'a toq q'axineq chik na ri atinamit rat Jehová. K'a toq q'axineq chik na re tinamit re xakol-pe.

Wuj Richin ri Jeremías 6:13

Chi ch'uti'q chi nima'q xaxe nikich'ob ri kichin-qa rije'. Ri nikibananej chi e q'alajirisey nuch'abel y ri e sacerdote xaxe q'oloj ri yekiben.

Wuj Richin ri Jeremías 29:21

Yin Jehová k'iytisanel richin ronojel ri yibin. Jare' ri ninbij pa kiwi' ri Acab ruk'ajol ri Colaías*f10* y ri Sedequías ruk'ajol ri Maaseías, roma rije' kan nikiben richin nikiq'alajirisaj pa nubi' yin, ri man qitzij ta. Roma ri' wakami xkenjech-el pa ruq'a' ri Nabucodonosor y rija' kan chiwech k'a rix, xkerukamisaj-wi.

1 Timoteo 5:8

Jak'a nik'atzin chi konojel yekito' ri e kach'alal, y kan más nik'atzin chi yekilij ri kan e aj pa kachoch. Roma ri man nuben ta keri' xa kan achi'el xa ta xumalij kan ri kuqubabel-k'u'x, y xa más itzel ke chikiwech ri winaqi' ri man ketaman ta ruwech ri Dios.

Apocalipsis 6:10

Y rije' kan rik'in uchuq'a' nikibij: Loq'olej y qitzij qajaw, ¿k'a jampe' k'a xtaq'et-tzij pa kiwi' ri winaqi' ri ek'o chuwech ri ruwach'ulew? ¿K'a jampe' k'a xtaya' ruk'exel chike roma ri qakamik?, yecha'.