2 Pedro 1:21 - Kaqchiquel Bible

²¹ roma kan ja ri Loq'olej Espíritu ri xbin chike ri k'o chi xkibij ojer kan, y man kiyon ta xkitz'uk-el.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Porque ri xkiqꞌalajrisaj ri profetas ojer, ma kiyon ta chikiwech xkitzꞌuk qa. Xa kin ja ri Espíritu Santo ukꞌuayon kichin chubꞌixik ri ruyoꞌon ri Dios pa kánima.

Kaqchikel Santa Maria de Jesus

²¹ Ruma ja ri Espíritu Santo ri xꞌeꞌn chica ri santos achiꞌaꞌ ojier can ri chica xquiꞌej, y man quiqꞌuin ta ijejeꞌ xiel-pa ri xquiꞌej.

Kaqchikel Central Guatemala

²¹ Y can jac'a ri Lok'olej Espíritu ri xbin chique ri lok'olej tak achi'a' e richin ri Dios, ri c'o chi xquibij chupan ri ojer can tiempo. Tok xquibij ri c'o chi xquebanatej. Y man quiyon ta rije' xquitz'uc-el ri xquibij.

Re C'ac'a Testamento pa Kach'abal

²¹ Y can jac'a re Espíritu Santo re xbin chique re rusamajela' re Dios re xe'cue' ajuer can, tak xquibij re xque'banataj. Reje' can je'cha'on roma re Dios y man quion-ta reje' xe'tz'ucu-ka re xquibij.

Kaqchikel Western Solola

²¹ Ruma can ya c'a ri Lok'olaj Espíritu ri xucusan quiche (quixin) ri lok'olaj tak achi'a' ri ye riche (rixin) ri Dios, chuk'alajsaxic ri ruch'abel ri Dios ojer ca. Y ma quiyon ta riye' xquitz'uc anej ri xquibij.

2 Pedro 1:21 ပူးပေါင်းရင်းမြစ်များ

2 Sam 23:2

Ri ru-Espíritu ri Jehová nich'on woma yin. Ri ruch'abel kan k'o chuwech ri waq'.

1 Rey 13:1

Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

1 Rey 17:18

Y ri ixoq ri' xubij chire ri Elías: ¿Achike xinmakuj yin chawech, rat ri at rusamajel ri a-Dios? ¿At peteneq wik'in chunataxik ronojel ri itzel nubanobal, y roma ri' xken ri ti wal?, xcha'.

1 Rey 17:24

K'ari' ri ixoq xubij chire ri Elías: Wakami niq'ax chinuwech chi rat kan at jun achin richin ri Dios, y kan ja ri qitzij ruch'abel ri Jehová ri nanataj, xcha'.

2 Rey 4:22

Xuteq k'a royoxik ri rachijil, y xubij chire: Tabana' utzil tataqa-el jun samajel wik'in, y taya-el jun bur chuwe richin chi yin yibe chi'anin rik'in ri achin richin ri Dios, y xa yitzolin yan pe, xcha'.

2 Rey 4:7

Ri ixoq xberutzijoj k'a chire ri Eliseo, y ri Eliseo xubij chire: Kabiyin y tak'ayij ri aceite richin natoj ri k'as. Rat y ri e ka'i' awal xtiq'axaj iwi' rik'in ri aceite ri xkolotej kan, xcha'.

2 Rey 4:9

Y k'o k'a jun q'ij ri ixoq xubij chire ri rachijil: Yin niq'ax chinuwech chi re achin re niq'ax-el qik'in, re' kan jun nimalej rusamajel ri Dios.

2 Rey 6:10

Roma ri' ri rey richin Israel xuteq-el rutzijol chiri' ri akuchi xubij-wi ri Eliseo. Ronojel mul toq keri' nikiben ri aj-Siria, ri Eliseo kan nuteq rubixik chire ri rey richin Israel richin xuchajij-ri'.

2 Rey 6:15

Ri ruka'n q'ij, nimaq'a' yan, xyakatej ri nilin richin ri Eliseo; y jari' toq xerutz'et ri aj-labal aj-Siria kisutin-rij ri tinamit, kik'uan-el achi'a' ri e ch'okol chikij kiej y ri e beneq pa carruaje. K'ari' ri samajel xubij: ¡Wajaw, wakami achike niqaben!, xcha'.

1 Crón 23:14

Jak'a ri Moisés, ri rusamajel ri Dios, y ri e rijatzul xa jun xkiben rik'in ri tzobaj richin ri Leví.

2 Crón 8:14

Ri Salomón chuqa' xuya' pa ruchojmilal ri kisamaj ri e sacerdote. Chuqa' keri' xuben kik'in ri e levita ri yek'oje' pa kiwi' ri nikiya' ruq'ij ri Jehová y yekito' ri e sacerdote rik'in ri nik'atzin chike q'ij-q'ij. Chuqa' keri' xuben kik'in ri yechajin ronojel ri ruchi' ri rachoch ri Jehová; y ronojel re' xuben achi'el rubin kan ri David ri rutata', ri rusamajel ri Dios.

Wuj Richin ri Jeremías 23:26

¿K'a janipe' k'a nikiya' kan rubanik ri nikiq'alajirisaj ri man qitzij ta ri xa kiyon rije' nikitz'uk-q'anej?

Wuj Richin ri Miqueas 1:1

Ri Jehová xuya' k'a jun rutzijol chuwe yin Miqueas aj-Moréset, ri k'o pa ruwach'ulew Judá, toq ri Jotam, ri Acaz y ri Ezequías xeq'aton-tzij pa ruwi' ri Judá. Y chupan ri ruq'ijul ri', xubij k'a chuwe ri xtibebanatej pa tinamit Samaria y ri pa Jerusalem.

Wuj Richin ri Miqueas 3:7

Xa kan xkixk'ixbitej y xa xkixsachilan rik'in ri ich'abel. Roma xa man jun chik xtiq'alajirisex chiwech roma ri Dios, xtimatzej ipalej rik'in k'ix.

Wuj Richin ri Q'axanri'il 16:28

Y xeri' ri Moisés k'a xch'on na chik kik'in ri winaqi' y xubij k'a chike: Xaxe re kere' xtiwetamaj chi kan ja ri Jehová in taqayon-pe, richin ninben ronojel ri nitz'et; y xa man nuna'oj ta yin ninkusaj richin nintz'uk richin ninben-q'anej kere'.

Marcos 12:36

Ja ri Loq'olej Espíritu xbanon chire ri rey David chi tuq'alajirisaj:*f16* Ri Dios xubij chire ri wajaw: Katz'uye-pe re pa wijkiq'a' y xkenya' pan aq'a' ri ye'etzelan awichin, nicha'.

San Lucas 1:70

Ri Dios xuteq rutzijol koma ri loq'olej taq q'alajirisey ruch'abel ri ojer kan, chi xtuya' jun qakolonel.

Hechos 1:16

Wach'alal, ri rey David ri xk'oje' ojer kan, xutz'ibaj k'a kan ri ch'abel ri xeruya' ri Loq'olej Espíritu pa ránima. Chiri' nich'on chirij ri Judas ri xuk'uan kibey ri winaqi' ri xebe chuchapik ri Jesús. Kan k'o-wi k'a chi xbanatej ri'.

Hechos 28:25

Y toq xebe, xa man junan ta k'a kiwech. Jak'a kan k'a xkak'axaj na el ri ruk'isibel taq ch'abel ri xubij ri Pablo, y xubij: Ri ch'abel ri xuya' ri Loq'olej Espíritu chire ri Isaías ri q'alajirisey ruch'abel ri Dios, richin chi xubij chike ri qati't-qamama', kan utz chuqa' nuben chiwe rix:

Hechos 3:18

Jak'a kan xbanatej-wi k'a achi'el xubij ri Dios chike ri e q'alajirisey ruch'abel. Rije' xkitz'ibaj k'a kan chi ri xtipe richin nuq'et-tzij*f10* k'o k'a chi nuk'owisaj na tijoj-poqonal.

Deut 33:1

Toq k'a man jani tijote-el ri Moisés pa ruwi' ri juyu', jari' toq xrurtisaj kan ri tinamit Israel. Y jare' k'a ri urtisanik ri xuya' kan pa kiwi':

Hebreos 10:15

Keri' chuqa' nuq'alajirisaj ri Loq'olej Espíritu chiqe toq nubij:*f24*

Hebreos 3:7

Chupan ri ruch'abel ri Dios ri tz'ibatel kan, ri Loq'olej Espíritu nubij:*f9* Wi niwak'axaj wakami ri nuch'abel yin Jehová;

Hebreos 9:8

Rik'in ri' ri Loq'olej Espíritu nuq'alajirisaj chiqawech chi chupan ri q'ij ri' man jani ye'apon ri winaqi' ri akuchi kan janila loq'olej rokik ri nabey jay k'a k'o na.

Wuj Richin ri Josúe 14:6

Y jujun chike ri e rijatzul kan ri Judá xebe richin xebetzijon rik'in ri Josué pa Guilgal; y chikikojol rije' beneq ri Caleb ruk'ajol ri Jefuné ri rijatzul ri Quenaz, y rija' xubij-apo chire ri Josué: Rat kan jebel awetaman achike xubij ri Jehová chire ri Moisés pa Cadés-barnea pa nuwi' yin y pan awi' rat.

1 Pedro 1:11

Janila k'a xkajo' xketamaj janipe' nibek'uluwachitej, y achike rubanik, roma ri Espíritu richin ri Cristo ri k'o pa taq kánima xch'on pa ruwi' ri tijoj-poqonal ri xtuk'owisaj ri Cristo y ri meyel taq banobel ri xkebebanatej chirij ri'.

Apocalipsis 19:10

Y yin kan jari' k'a xixuke' chuwech ri ángel ri' richin ninya' ruq'ij, jak'a rija' xubij chuwe: Man kaxuke' chinuwech. Roma yin xa in jun rusamajel ri Dios achi'el rat, y achi'el ri ch'aqa' chik ri kan xkik'ul ri ruch'abel ri Jesús y nikitzijoj. Ja ri Dios taya' ruq'ij. Y ri rutzijoxik ri Jesús, ja ri' ri ruk'u'x ri nikitzijoj ri q'alajirisanela', xcha'.