2 Pedro 1:17 - Kaqchiquel Bible

¹⁷ Roma xqatz'et k'a ri ruq'ij-ruk'ojlen ri xya'ox chire roma ri Tata'ixel, toq xbix chire roma ri nimalej Dios ri kan k'o ruq'ij-ruk'ojlen ri xubij: Jare' ri Nuk'ajol ri janila ninwajo' y kan janila yikikot rik'in,*f1* xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Xqatzꞌet atoq xnimrisex rubꞌiꞌ y xyoꞌox ruqꞌij roma ri Tataꞌaj Dios, y xqakꞌaxaj ri loqꞌolej ruchꞌabꞌel ri nimalej ruqꞌij Dios ri kereꞌ xubꞌij pe chikaj: Jareꞌ ri Nukꞌajol, y tzꞌan niwojoꞌ, santienta ngikikot roma rijaꞌ, xchajeꞌ.

Kaqchikel Santa Maria de Jesus

¹⁷ Ojreꞌ ojcꞌo riqꞌuin ri Jesús antok ri Dios ri Rutataꞌ xuꞌej chi ri Jesús cꞌo rukꞌij. Y xkaxaj antok ri Dios ri cꞌo namalaj rukꞌij xuꞌej: Jareꞌ ri Nucꞌajuol; altíra nivajoꞌ y niquicuot vánima riqꞌuin, xchaꞌ.

Kaqchikel Central Guatemala

¹⁷ Y xkatz'et c'a ri ruk'ij-ruc'ojlen ri yo'on roma ri Dios, ri Rutata'. Y xkac'axaj c'a chuka' ri xbix roma ri nimalej Dios ri can c'o ruk'ij-ruc'ojlen. Rija' xubij: Jare' ri Nuc'ajol y janíla ninvajo' y nucukuban chuka' nuc'u'x riq'uin, xcha'.

Re C'ac'a Testamento pa Kach'abal

¹⁷ Y xkatz'at tak xya' ruk'ij roma re Dios, re Rutota'. Y xkac'axaj chuka' re xbex cha roma re namalaj Dios re c'o ruk'ij, re Dios xubij: Jare' re Nuc'ajol, y yen camas ninjo' y yinqui'cot riq'uin, xcha'.

Kaqchikel Western Solola

¹⁷ Ruma tek xya'ox (xya') ruk'ij ruc'ojlen ruma ri Dios Tata'ixel, c'o c'a jun ch'abel ri xbix pe acuchi (achique) c'o wi ri lok'olaj ruk'ij ruc'ojlen ri nimalaj Dios y xubij: Yare' ri Nuc'ajol ri sibilaj nwajo' y nucukuban nuc'u'x riq'ui, xcha'.

2 Pedro 1:17 ပူးပေါင်းရင်းမြစ်များ

Marcos 9:7

Jari' k'a toq k'o jun sutz' ri xkuchu kichin. Y k'a chupan ri sutz' ri' xch'on-pe ri Dios y kere' xubij: Jare' ri nuk'ajol yin ri kan janila ninwajo'. Tiwak'axaj k'a ri nubij, xcha-pe.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Mateo 3:17

Chirij ri' xpe k'a jun ch'abel chila' chikaj y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Lucas 3:22

Ri Loq'olej Espíritu kan tz'etel-wi ri xqaqa-pe pa ruwi' ri Jesús, kan achi'el jun paloma. Xak'axatej k'a chuqa' jun ch'abel ri peteneq chila' chikaj ri nubij: Ja rat ri nuk'ajol yin ri kan janila yatinwajo', y yikikot awik'in, xcha' ri ch'abel ri'.

Marcos 1:11

Chirij ri' xpe k'a jun ch'abel chila' chikaj y xubij: Ja rat ri nuk'ajol yin ri kan janila yatinwajo' y yikikot awik'in, xcha' ri ch'abel ri'.

San Mateo 12:18

Jare' ri nusamajel, ja rija' ri xincha', ri kan janila ninwajo' y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri winaqi' richin ri ruwach'ulew.

San Juan 3:35

Ri tata'ixel kan janila wi k'a nrajo' ri ruk'ajol, y pa ruq'a' rija' xujech-wi ronojel.

San Juan 5:26

Roma ri Dios ruya'on q'ij chuwe richin chi ninya' k'aslen, achi'el nuben rija'.

Wuj Richin ri Isaías 42:1

Ri Jehová nubij: Jare' k'a ri nusamajel, ri kan xtinto' rik'in wuchuq'a'. Ja rija' ri xincha', y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri ruwach'ulew.

2 Juan 1:3

Xtik'oje' chuqa' pa taq iwánima ri utzil, ri joyowanik y ri uxlanen ri peteneq chila' rik'in ri Tata'ixel y rik'in ri qajaw Jesucristo ri Ruk'ajol. Kan xtiqak'ul ta k'a ronojel re', roma ikuquban ik'u'x rik'in ri qitzij y roma niwajo-iwi'.

San Lucas 10:22

K'ari' rija' xubij chike konojel ri ek'o chiri': Ri nata' Dios kan ronojel k'a ruya'on-pe pa nuq'a'. Man jun chik k'a etamayon in achike yin, xaxe ri nata' ri etamayon. Man jun chuqa' etamayon achike ri nata', xaxe yin ri ruk'ajol, y ri wineq achoq chire xtinwajo' xtinq'alajirisaj-wi ri nata', xtretamaj achike k'a rija', xcha'.

2 Corintios 1:3

Tiqaya' ruq'ij ri Dios, ri rutata' ri qajaw Jesucristo. Rija' jun tata'aj joyowanel, y chuqa' kan jun Dios ri nukuquba' kik'u'x ri e richin chik.

2 Corintios 11:31

Kan qitzij wi ri ninbij yin. Y ri Dios, ri rutata' ri qajaw Jesucristo, ri k'o ruq'ij richin jantape', retaman chi yin man nintz'uk ta tzij.

San Juan 17:21

Ninwajo' chi konojel rije' kan junan ta kiwech, achi'el ri qabanon roj, chi xa jun qabanon. Roma rat nata' Dios kan atk'o wik'in yin, y yin, kan ink'o chuqa' awik'in rat. Chuqa' ninwajo' chi rije' junan ta kiwech qik'in roj. Keri' niq'alajin ta chikiwech ri winaqi' ri xa k'a kikuquban na kik'u'x rik'in re ruwach'ulew, chi yin, kan ja rat ri xataqo-pe wichin.

Judas 1:1

Yin Judas, in jun chike ri rusamajela' ri Jesucristo y rach'alal ri Santiago, ninteq k'a el re wuj re' chiwe rix, ri ix ajowan y ix oyon roma ri qatata' Dios, ri chuqa' kan ix chajin roma ri Jesucristo.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

San Juan 6:39

Y ri samaj k'a ri ruchilaben-pe ri nata' Dios ri taqayon-pe wichin, ja ta chi konojel ri e rucha'on rija' man ta k'a xkesach kan, y pa ruk'isibel q'ij xkenk'asoj ta el chikikojol ri e kaminaqi' chik el richin nikil ri k'aslen.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

San Juan 10:36

Wi keri' xubij ri Dios, ¿achike k'a roma rix nibij chi yin xinyoq' rubi' ri Dios, roma xinbij chi ja yin ri in ruk'ajol? Roma yin kan xirucha' k'a ri Dios richin xiruteq-pe chuwech re ruwach'ulew.

Wuj Richin ri Isaías 53:10

Man rik'in ri' ri Jehová kan xuya' pa k'ayew, y xuben chire chi xtz'ilox. Y ri Jehová xuben chire chi xkamisex achi'el jun kamelabel richin nikuyutej ri qamak. Y rija' xkerutz'et k'a ri e rijatzul, y xtik'ase' richin jantape'. Y keri' k'a ri ruch'obonik ri Jehová kan xtibanatej roma rija', xkecha'.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

San Juan 10:15

Kan keri' chuqa' nubanon yin rik'in ri nata'. Rija' retaman nuwech yin, y yin wetaman ruwech rija'. Yin ninya' k'a nuk'aslen richin utz yek'oje' ri nukarne'l.

San Mateo 17:3

Xkitz'et k'a chi xbek'ulun-pe ri Moisés y ri Elías, y yetzijon-apo rik'in.

San Juan 14:11

Kan kininimaj k'a chi yin ink'o rik'in ri nata' y rija' k'o wik'in yin. Y wi man yininimaj ta roma re ninbij chiwe, titzu' k'a ri nusamaj richin ninimaj.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

Romanos 15:6

Y keri', jantape' ta k'a junan iwech niya' ruq'ij-ruk'ojlen ri Dios ri rutata' ri qajaw Jesucristo.

San Mateo 28:19

Roma ri' re wakami kan ninbij-wi chiwe chi kixbiyin k'a ronojel ruwach'ulew y tibana' chi ri winaqi' ye'ok ta tzeqelibey wichin. Tiqasaj ya' pa kiwi' pa rubi' ri Dios Tata'ixel, pa nubi' yin ri K'ajolaxel y pa rubi' ri Loq'olej Espíritu.

San Juan 5:20

Roma ri nata' Dios janila yirajo' yin ri ruk'ajol, roma ri' toq rija' nuk'ut chinuwech ronojel ri rusamaj rija'. Y chiqawech-apo k'o samaj más e nima'q ri xtuk'ut chinuwech. Toq xtinben re samaj re', rix kan xtisach k'a ik'u'x chutz'etik.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.