2 Crón 9:4 - Kaqchiquel Bible

⁴ Xutz'et ri jebelej taq q'utun, ri kachoch ri e aj-samaj ri ek'o rik'in, ri kina'oj y ri kitziaqul ri ye'ilin richin, ri e pajoy y ri e jachoy vino, y ri grada ri nijote-el pa rachoch ri Jehová, toq xutz'et ronojel ri' kan janila xumey,

2 Crón 9:4 ပူးပေါင်းရင်းမြစ်များ

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.

Apocalipsis 1:17

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.

San Lucas 12:37

Kan jebel k'a ruwa-kiq'ij ri samajela' ri koyoben-apo ri kajaw, y rija' yeberutz'eta' chi e k'es. Kan qitzij ninbij chiwe, chi ri kajaw xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo chikiwech ronojel ri nitij.

Dn 10:17

¿Achi'el ta k'a toq xkitikir xkich'on awik'in, yin ri in asamajel, roma xa kan xk'is ri wuchuq'a' jumul, y man yitikir ta chik ninjiq'aj wuxla'?, xicha' chire.

Ez 46:2

Chupan ri q'ij ri', ri q'atoy-tzij k'o chi nok-apo chupan ri okibel ri' y xtipa'e-el rik'in ri jun che' ri chapayon ri okibel. Rokik ri' ri sacerdote xtikiporoj ri chikop ri xtiporox jumul y chuqa' ri kamelabel richin niq'alajin chi junan ruwech wik'in. Ri q'atoy-tzij k'o chi nuya' nuq'ij chiri' pan okibel y xeri' nel-el chiri'. Jak'a man xtitz'ape' ta chijun ri q'ij ri'.

Ez 44:3

Xa kan xaxe ri q'atoy-tzij ri xtok-apo chiri', richin chi niberutija-pe ri xtisuj chuwe. Y toq xtok-apo pa wachoch, rija' k'o chi nok-apo chupan ri okibel ri'. Y chuqa' toq xtel-pe, k'o chi nel-pe ri chiri', xcha'.

Wuj Richin ri Nimalej Bix 5:8

Rix xtani' richin Jerusalem wi nitz'et ri wajowanel ke taq ri', tibana' utzil tibij chire chi yin ninwajo' chi k'o yan ta pe wik'in.

Wuj Richin Etamabel-Tzij 9:5

Kan utzilej ipeten chupan re wa'in re ninsuj chiwe yin, kan kixanpe k'a; kan kixwa-kixuk'ya' wik'in; kan tiqumu' k'a ri vino ri kan iwichin rix nubanon rutzil.

Wuj Richin Bix Chire ri Dios 143:7

Tabana' utzil Jehová, tak'uluba-pe ri nuch'abel chi'anin roma yin xa yiken yan qa. Man tawewaj-awi' chinuwech, man taben chuwe chi in achi'el chik jun kamineq.

Wuj Richin Bix Chire ri Dios 119:81

Ri wánima kan nilawalo' yan qa chi royobexik ri kolotajik ri naya' rat Jehová. Kan jantape' k'a xtinkuquba' nuk'u'x rik'in ri ach'abel.

Wuj Richin ri Nehemías 1:11

Roma ri' nink'utuj k'a chawe Jehová Dios, kan xtaya' ta ri axikin chire ri nuch'owen y ri kik'utunik ri ch'aqa' chik asamajela', roma rije' nikajo' nikiya' ri aq'ij-ak'ojlen rat; tabana' chire ri rey ri k'o pa ruwi' ri ruwach'ulew Persia chi xtiq'ax ta chuwech ri ch'abel ri xtinbij chire y kan utz ta k'a xtel ronojel chinuwech, xicha' chire ri Dios.

2 Crón 23:13

Jari' toq xutz'et-apo chi ri rey pa'el rik'in ri pilar ri k'o-pe chuwech ri jay, y pa kinik'ajal ri e tata'al y ri yeq'ojoman. Y ri winaqi' janila yekikot y nikixupuj trompeta, y ri q'ojomanela' nikiq'ojomaj jalajoj ruwech q'ojom richin yebixan konojel. Jari' toq ri Atalía xuretz ri rutziaq y xsik'in y xubij: ¡Xinkiq'ol! ¡Xinkiq'ol!, xcha'.

1 Crón 9:18

Y ja rije' ri xechajin ri ruchi' rubini'an Ri Akuchi Nok-apo ri Rey, ri k'o pa relebel-q'ij chire ri rachoch. Chikikojol ri e levita, ja rije' xechajin ri ruchi' ri rachoch ri Dios.

2 Rey 16:18

Keri' chuqa' xrelesaj-el ri ruwi-jay ri banon rik'in tzieq ri nik'atzin chupan ri q'ij richin uxlanen, ri k'o chuwech-pe ri rachoch ri Dios. Xrelesaj chuqa' ri ruchi-jay ri akuchi nel-nok ri rey. Xuben ronojel re' richin xkikot ri rey richin Asiria rik'in.

1 Rey 10:5

Toq xutz'et ri jebelej taq q'utun, ri kachoch ri e aj-samaj ri ek'o rik'in, ri jebelej kina'oj y ri kitziaqul ri ye'ilin richin, ri e pajoy y ri e jachoy vino, y ri kamelabel ri xeporox ri chiri' pa rachoch ri Jehová; jari' toq janila xumey,

San Mateo 6:29

Y rix iwetaman achike xuben ri Salomón ri ojer kan. Rija' kan xuwiq k'a ri' rik'in jebelej taq tzieq, jak'a kan man jun bey xk'oje' ta jun rutziaq jebel achi'el titzu'un ri kotz'i'j lirio.

2 Crón 9:3

Y ri reina xrak'axaj k'a ri na'oj ri k'o rik'in, y xutz'et chuqa' ri rachoch ri rupaban-q'anej.

2 Crón 9:5

y xubij chire ri Salomón: Kan qitzij na wi ri rutzijol ri apowineq pa nutinamit, pa ruwi' ri wak'axan chirij ri abanon-q'anej y kan k'o janila ana'oj.

1 Rey 5:2

Y toq xetzolej ri samajela' ri', ri rey Salomón xuteq k'a rubixik chire ri rey Hiram y xubij:

1 Rey 5:3

Rat awetaman jebel chi ri David ri nata', man xtikir ta xpaba' kan jun rachoch ri Jehová ri qa-Dios, roma rija' ja ri labal kik'in ri e etzelanel kichin ri xerubanala', k'a ri q'ij toq ri Jehová xerujech pa ruq'a'.