2 Crón 9:26 - Kaqchiquel Bible

²⁶ Y rija' xk'oje' pa kiwi' ri rey ri ek'o chupan ri ruwach'ulew ri nitiker-pe pa xaman rik'in ri raqen-ya' Éufrates, k'a pa qajbel-q'ij rik'in ri kiruwach'ulew ri aj-Filistea, y napon k'a pa xokon rik'in ruk'ulba't ri ruwach'ulew Egipto.

2 Crón 9:26 ပူးပေါင်းရင်းမြစ်များ

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

1 Rey 4:24

Ri Salomón xq'aton-tzij pa ruwi' ri ruwach'ulew ri nitiker-pe pa qajbel-q'ij chire ri tinamit Tífsah ri k'o chuchi' ri raqen-ya' Éufrates, y napon k'a pa tinamit Gaza. Ja rija' xq'aton-tzij pa kiwi' konojel ri rey ri ek'o chiri', y kik'in k'a konojel re' xk'oje' uxlanibel-k'u'x.

1 Rey 5:1

K'o k'a jun achin rubini'an Hiram, rey richin ri ruwach'ulew Tiro, y rija' janila xrajo' ri David toq k'a k'es na. Y jun q'ij xeruteq k'a pe jun tzobaj rusamajela' richin xbekiq'ejela' ri Salomón roma xrak'axaj chi ja rija' xok kan rey pa ruk'exel ri David ri rutata'.

Ex 23:31

Yin kan ninya' yan k'a chiwe ri k'ulba't richin re ruwach'ulew re ninya' chiwe. Nuchop-el rik'in re Kaqa-Palou, nijote-el ronojel ri ruchi' ri palou, nitzale' k'a akuchi k'o-wi ri raqen-ya' Éufrates y k'ari' nitzale' pa rajxokon chupan ri tz'iran ruwach'ulew y nik'ulun k'a akuchi k'o-wi ri Kaqa-Palou. Konojel k'a winaqi' richin re ruwach'ulew re' xkenjech pan iq'a' y rix xke'iwelesaj k'a el chupan ri kiruwach'ulew.

Dn 7:14

Kan xya'ox k'a uchuq'a', ruwaq'ijaj y ajawaren chire. Konojel k'a ri winaqi', ri e richin chijun ri tinamit, ri ruwach'ulew y ri jalajoj ruwech ri kich'abel kan k'o chi nikisamajij. Ri ruq'atbal-tzij rija' kan richin k'a q'asen, y ri rajawaren kan man jun k'a xtiwulan richin.

Apocalipsis 19:16

Y chirij ri rutziaq pa ruwi' pe ri ruch'ek tz'ibatel jun chik rubi'. Y ri bi'aj ri' ja ri Rey pa Kiwi' Konojel ri e Rey, y Ajaw pa Kiwi' Konojel Ajaw.