2 Crón 9:10 - Kaqchiquel Bible

¹⁰ Chuqa' ri rusamajela' ri Hiram, y ri rusamajela' ri Salomón, ri xebek'amo ri q'anapueq pan Ofir, xkik'en-pe che' ri nibix sándalo chire, y jebelej taq abej.

2 Crón 9:10 ပူးပေါင်းရင်းမြစ်များ

1 Rey 10:11

Chuqa' ri molaj barco richin ri rey Hiram ri e peteneq pan Ofir, ri kik'amon-pe q'anapueq, kan kik'amon-pe chuqa' k'iy che' ri nibix sándalo chire y jebelej taq abej.

1 Rey 10:22

Chuqa' ri rey k'o jun molaj ru-barco ri yebe pa ruwach'ulew Tarsis junan rik'in ri molaj ru-barco ri rey Hiram. Y ri barco ri' chi ox-ox juna' ye'ok'ulun kik'amon-pe k'iy q'anapueq, saqipueq y nima'q taq key tix; chuqa' e kik'amon-pe ri batz', y chuqa' ri pavo real.

2 Crón 2:8

Chuqa' chiri' pa Líbano ek'o tiox-che', k'isis y che' sándalo. Ke'ataqa-pe chuwe roma wetaman chi ri asamajela' kan ketaman nikisamajij ri che' ri'. Y ri nusamajela' yin xkebe kik'in ri asamajela' rat

2 Crón 8:18

Y ri Hiram xuteq-pe jun molaj barco, y chuqa' ri rusamajela' ri kan ketaman nikik'uaj barco, xekachibilaj k'a el ri e rusamajela' ri Salomón xebe pa ruwach'ulew Ofir richin xbekik'ama' q'anapueq, y xkik'en k'a pe más juba' 310 quintal q'anapueq chire ri rey Salomón.

2 Crón 9:11

Rik'in ri sándalo, ri rey xeruben grada chire ri rachoch ri Jehová y chire ri rachoch rija'. Chuqa' rik'in ri che' ri' xeruben k'a q'ojom ri rubini'an arpa y salterio, kichin ri bixanela'; y ri chiri' kan man jun bey k'a tz'eton jun samaj rik'in ri che' ri' achi'el ri xuben ri Salomón.

2 Crón 9:9

Jari' toq xujech-apo chire ri rey jumuch' wuqu' quintal q'anapueq, pa ruk'iyal jalajoj ruwech jebelej taq abej y jubulej taq aq'om ri man jun bey tz'eton chupan ri ruwach'ulew ri', jari' ri ruk'uan-el ri reina richin Sabá chire ri rey Salomón.

Wuj Richin Etamabel-Tzij 31:14

Ri ixoq ri', kan nijunamex ri rusamaj, rik'in ri samaj ri nuben jun barco ri nipe nej, ri kan k'a juk'an chik nuk'en-wi-pe ronojel ri k'atzinel.