2 Crón 9:1 - Kaqchiquel Bible

¹ Toq xel rutzijol ri retamabal ri Salomón, xapon k'a pa ruwach'ulew Sabá, jari' toq ri reina richin chiri' kan xpe k'a pa tinamit Jerusalem richin xutejtobej ri retamabal ri Salomón. Y e k'iy k'a ri e beneq y e kik'uan-el k'iy camello, y chikij ri' e kik'uan-el jubulej taq aq'om, q'anapueq pa ruk'iyal, y jebelej taq abej. Ri reina xapon k'a rik'in ri Salomón y xtzijon rik'in chirij ronojel ri k'o pa ránima richin nuk'utuj chire.

2 Crón 9:1 ပူးပေါင်းရင်းမြစ်များ

San Mateo 12:42

Chuqa' toq xtapon k'a ri q'ij richin xtiq'at-tzij pan iwi', ri reina richin ri ruwach'ulew Sabá xtubij k'a chi man utz ta xiben, chi man xinimaj ta. Roma toq xk'ase' rija', janila nej xbiyin-pe richin xorak'axaj ri etamabel ri xk'oje' rik'in ri rey Salomón. Y wakami ink'o yin ri más wetamabal chuwech ri rey ri', jak'a xa man yininimaj ta, xcha' ri Jesús.

San Lucas 11:31

Chupan ri q'ij toq niq'aton-tzij ri rey Salomón, ri reina richin ri ruwach'ulew Sabá janila nej xbiyin richin xorak'axaj ri retamabal ri rey ri'. Jak'a re wakami ink'o yin ri más nuq'ij chuwech ri rey ri', y xa man jun chiwe rix ri niniman ta wichin. Roma ri' toq xtapon k'a ri q'ij richin xtiq'at-tzij, xtipe ri reina ri' richin nuq'alajirisaj ri imak rix.

2 Crón 9:9

Jari' toq xujech-apo chire ri rey jumuch' wuqu' quintal q'anapueq, pa ruk'iyal jalajoj ruwech jebelej taq abej y jubulej taq aq'om ri man jun bey tz'eton chupan ri ruwach'ulew ri', jari' ri ruk'uan-el ri reina richin Sabá chire ri rey Salomón.

Wuj Richin ri Rutikeribel 10:7

Y ri e rijatzul ri Cus ja ri Sebá, ri Havilá, ri Sabtá, ri Raamá y ri Sabtecá. Ri e rijatzul ri Raamá ja ri Sebá y ri Dedán.

San Mateo 13:35

richin keri' kan nibanatej na k'a ri rubin kan ri q'alajirisey ruch'abel ri Dios, toq xubij:*f20* Kan xkich'on k'a rik'in k'ambel-tzij, richin xtinbenq'alajirisaj ri kan ewatel-pe ojer.

San Mateo 13:11

Ri Jesús xubij k'a chike: Chiwe rix kan ya'on k'a q'ij chi niwetamaj ronojel ri e ewatel chupan ri aj-chikajil ajawaren, jak'a chike re winaqi' re' man keri' ta.

San Mateo 12:34

Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.

San Mateo 2:11

Kan xe'ok k'a apo pa jay y xkitz'et ri ak'ual y ri María ri rute', y kan jari' xkiqasaj-qa-ki' k'a pan ulew richin xkiya' ruq'ij ri ak'ual. Y chuqa' kan xekijaqala-qa ri kiyakonabal y xkisipala' k'a q'anapueq, pom y mirra chire.

Wuj Richin ri Isaías 60:6

Xkepe k'a pa cholaj ri camello ri kik'amon-pe ri janila chi beyomel. Xkepe k'a pa ruwach'ulew Madián y pan Efá. Chuqa' xkepe k'a konojel ri aj-Sabá. Xtikik'en-pe janila chi q'anapueq y pom, y kan xtikibixaj bix richin nikiya' nuq'ij yin Jehová.

Wuj Richin Etamabel-Tzij 1:6

Richin chi ri wineq ri' niq'ax chuwech ri etamabel-tzij y ri ye'el chi tzij, richin chuqa' chi xtiq'ax chuwech ri kitzij ri aj-na'oj y nitikir nusol-rij ri etamabel ri e tz'apel chupan ri tzij ri'.

Wuj Richin Bix Chire ri Dios 142:2

Chuwech k'a rija' xtinya-wi ronojel ri nusujunik; xtinchol k'a chire rija' ri bis ri k'o pa wánima.

Wuj Richin Bix Chire ri Dios 78:2

Kan xkich'on k'a rik'in etamabel-tzij, xtinq'alajirisaj ri kan e ewatel-pe ojer.

Wuj Richin Bix Chire ri Dios 72:15

¡Tik'ase' k'a ri rey y tiya'ox chire ronojel ri q'anapueq ri nipe pa Sabá! Jantape' k'a tiban ch'owen pa ruwi' rija'; beneq k'a ruwech tinimirisex ri ruq'ij.

Wuj Richin Bix Chire ri Dios 72:10

Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire; keri' chuqa' ri e rey richin ri ruwach'ulew Sabá y ri e richin Sebá.

Wuj Richin Bix Chire ri Dios 49:4

Kan xtintej nuq'ij ninkusaj ch'abel ri niq'ax chikiwech konojel. Xtinbixaj k'a re etamabel tzij re', rokik ninq'ojomaj ri arpa.

2 Crón 1:12

roma ri' kan xtinya' k'a awetamabal y ana'oj. Chuqa' kan xtinya' abeyomel y ak'ojlemal. Kan man jun chik k'a xtiq'aton-tzij achi'el xtaben rat chikikojol ri ch'aqa' chik rey ri xe'el yan el, y ri xke'ok kan chawij rat, xcha' chire.

2 Crón 1:1

Ri Salomón, ri ruk'ajol kan ri David, xjikibex k'a chupan ri ruq'atbal-tzij y ri Jehová Dios kan k'o-wi rik'in y kan janila k'a xunimirisaj ruq'ij.

1 Rey 4:31

Y kan xok k'a jun achin aj-na'oj, y kan man jun chik achin achi'el rija'; kan más k'a retamabal chuwech ri aj-na'oj rubini'an Etán ri rijatzul kan ri Zeráh, y chuqa' kan más retamabal chikiwech ri e oxi' ruk'ajol ri Mahol ri kibini'an Hemán, Calcol y Dardá. Ri rutzijol ri retamabal ri Salomón kan xapon chuqa' kik'in konojel ri winaqi' richin ri ch'aqa' chik ruwach'ulew ri ek'o chunaqaj.

1 Sam 1:15

Y ri Ana xubij chire: Ni, yin man in q'abarel ta, ni man nuqumun ta pe vino. Yin xa janila niq'axon ri wánima y jari' ri ninbij chire ri Jehová.

Wuj Richin ri Rutikeribel 25:3

Y ri Jocsán kitata' ri Sebá y ri Dedán; y rija' xeralk'ualaj k'a ri asureo, ri letuseo, y ri leumeo.

Wuj Richin ri Rutikeribel 10:28

ri Obal, ri Abimael, ri Sebá,

2 Crón 9:2

Y ri Salomón kan xtikir xubij ronojel ri xuk'utuj ri reina chire, y man jun k'ayew xuben chuwech richin xuchol chire.