2 Crón 8:7 - Kaqchiquel Bible

^7-8 Ri Salomón xeruya' pa taq kowilej samaj ri winaqi' ri e kijatzul kan ri man e kiwinaq ta, ri man xe'elesex ta kan, chupan ri kiruwach'ulew Israel. Konojel re winaqi' re' ja ri hitita, ri amorreo, ri heveo, ri ferezeo, y ri jebuseo; rije' kan yesamej k'a rik'in ri rey y keri' nikiben.

2 Crón 8:7 ပူးပေါင်းရင်းမြစ်များ

Wuj Richin ri Rutikeribel 13:7

Roma ri' k'o jun q'ij xech'ayon-ki' ri yuq'unela' kichin ri rawej ri Abram y ri yuq'unela' kichin ri rawej ri Lot. Y chupan ri q'ij ri' k'a ek'o na ri rijatzul kan ri Canaán y ri rijatzul kan ri Feres chiri'.

2 Crón 2:16

Y roj kan xtiqaben k'a ri ache' re wawe' pa Líbano ri nik'atzin chawe rat, y xtiqak'owisaj-el chawe pa ruwi' ri palou, k'a pa tinamit Jope. Y chiri' ja rat chik k'a yatuk'uan-q'anej pa Jerusalem, xcha-el ri rey Hiram.

2 Crón 8:6

Chuqa' xerupaba' chik q'anej ri tinamit Baalat y ri ch'aqa' chik tinamit akuchi yeyak-wi ronojel ri k'atzinel y ronojel ri jay akuchi ek'o-wi ri carruaje richin oyowal, ri jay kichin ri winaqi' ri yech'oke' chirij kiej y ronojel ri xrajo' xupaba-q'anej pa Jerusalem, y chuqa' pa ruwach'ulew Líbano y chupan ronojel ri ruwach'ulew ri k'o pa ruq'a'.

Wuj Richin ri Esdras 9:1

Toq k'achojineq chik k'a ronojel re', ri tata'al xepe wik'in y xkibij chuwe: Ri e sacerdote, ri e levita y ri ch'aqa' chik qawinaq man kich'aron ta k'a ki' kik'in ri winaqi' aj-Canaán, ri hitita, ri ferezeo, ri jebuseo, ri amonita, ri moabita, ri egipcio y ri winaqi' amorreo. Y chuqa' kan nikiben ri itzel kibanobal rije'.

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.