2 Crón 8:14 - Kaqchiquel Bible

¹⁴ Ri Salomón chuqa' xuya' pa ruchojmilal ri kisamaj ri e sacerdote. Chuqa' keri' xuben kik'in ri e levita ri yek'oje' pa kiwi' ri nikiya' ruq'ij ri Jehová y yekito' ri e sacerdote rik'in ri nik'atzin chike q'ij-q'ij. Chuqa' keri' xuben kik'in ri yechajin ronojel ri ruchi' ri rachoch ri Jehová; y ronojel re' xuben achi'el rubin kan ri David ri rutata', ri rusamajel ri Dios.

2 Crón 8:14 ပူးပေါင်းရင်းမြစ်များ

2 Sam 23:2

Ri ru-Espíritu ri Jehová nich'on woma yin. Ri ruch'abel kan k'o chuwech ri waq'.

1 Rey 13:1

Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

1 Crón 16:37

Chirij ri', ri David xuya' k'a kan ri Asaf y ri e rachibil richin yesamej q'ij-q'ij chupan ri rachoch ri Jehová ri akuchi k'o-wi rija'.

1 Crón 16:42

Rije' nikixupuj trompeta, nikiq'ojomaj ri platillo y ri ch'aqa' chik kiwech q'ojom richin chi nikibixaj rubi' ri Dios. Ri e ruk'ajol ri Jedutún, jari' ri yechajin ri ruchi' ri rachoch ri Dios.

1 Crón 23:1

Toq ri David janila chik ri'j, xuq'alajirisaj k'a chikiwech ri winaqi' chi ja ri Salomón ri ruk'ajol xtik'oje' kan pa ruk'exel.

1 Crón 24:1

Ri e ruk'ajol ri Aarón chuqa' xkiben ri kisamaj chupan ri rachoch ri Dios, rije' kibini'an Nadab, Abihú, Eleazar y ri Itamar.

1 Crón 24:3

Pa ruq'ijul ri rey David, ri xeto'on richin ja ri sacerdote Sadoc jun chike ri rijatzul kan ri Eleazar, y chuqa' ri Ahimélec, jun chike ri rijatzul kan ri Itamar. Y rija' xeruch'er ri e ka'i' tzobaj pa kisamaj.

1 Crón 25:1

Ri David y ri aj-raqen pa kiwi' ri aj-labal xekiya' kan ri kisamaj ri kalk'ual ri Asaf, ri Hemán y ri Jedutún richin nikiq'alajirisaj ri ruch'abel ri Dios e kachibilan ri nikiq'ojomaj ri arpa, ri salterio y ri platillo. Jare' ri kibi' ri winaqi' ri xek'oje' chupan ri samaj ri'.

1 Crón 26:1

Toq xjach kan ri q'ij richin ri kisamaj ri e aj-raqen richin nikichajij ri ruchi' rachoch ri Dios, kere' k'a rubanik xk'oje' kan: Chike ri e rijatzul ri Coré, ri Meselemías, rumam ri Ebiasaf;

1 Crón 28:19

K'ari' ri David xubij chire ri Salomón: Ronojel re' tz'ibatel kan chupan ri wuj ri xuq'alajirisaj chinuwech ri Jehová.

1 Crón 9:17

Ja kibi' re' ri xechajin ri ruchi' ri rachoch ri Jehová: Ja ri Salum, ri Acub, ri Talmón, ri Ahimán y ri kach'alal. Ri Salum ja rija' ri aj-raqen ri xk'oje' pa kiwi'.

1 Crón 9:24

Rije' nikichajij chi kaji' ruchi' ri rachoch ri Dios: Pa relebel-q'ij, pa qajbel-q'ij, pa xaman y pa xokon.

2 Crón 23:19

Chuqa' xeruya' chajinela' chuchi' ri rachoch ri Jehová, richin man ye'ok ta ok ri man kich'ajch'ojirisan ta ki'.

2 Crón 23:4

Wakami k'a kere' tibana': Tich'ara-iwi' pan oxi' tzobaj. Rix sacerdote y levita, ix richin ri nabey tzobaj. Ja rix ri xkixok-pe chupan ri q'ij richin uxlanen richin nichajij ronojel ri ruchi' ri rachoch ri Dios.

2 Crón 29:25

Chuqa' ri Ezequías xeruya' pa rachoch ri Jehová, ri e levita richin xkiq'ojomaj jalajoj ruwech taq q'ojom: Ri platillo, ri salterio y ri arpa. Keri' xuben roma ri Dios kan keri' ri xubij kan chike ri David, chire ri Gad ri nitz'eton ri peteneq, y chire ri Natán ri q'alajirisey ruch'abel ri Dios.

2 Crón 31:2

K'ari' ri Ezequías xuch'arala' k'a ri samaj chikiwech ri e sacerdote y ri e levita: Ri rusujik ri chikop ri niporox chijun ri pa taq nimaq'a' y ri tiqaq'ij, ri sipanik ri niq'alajirisan chi ri winaqi' junan kiwech rik'in ri Dios, ri matioxinik y ri bix ri yebixex chuchi' ri rachoch.

2 Crón 35:10

Toq ronojel k'o chik, jari' toq ri e sacerdote xkinuk'-ki' richin nikiben ri samaj, y ri e levita kan xkik'uaj-ki' pa taq tzobaj achi'el ri ruchojmilal ri rubin ri rey.

2 Crón 35:15

Y ri bixanela' e rijatzul kan ri Asaf chuqa' kan ek'o pa kisamaj achi'el ri pixa' ri ruya'on kan ri David, ri Asaf, ri Hemán y ri Jedutún ri nitz'eton ri peteneq chikiwech, ri nisamej rik'in ri rey. Keri' chuqa' ri chajinela' richin ri ruchi' ri ruwa-jay, man xesilon ta pa kik'ojelibal chijun q'ij roma ri e levita ja rije' ri xekichojmirisaj ronojel ri kichin rije'.

2 Crón 35:4

Tinuk'u' k'a iwi' achi'el ri iwach'alal-iwi', achi'el ri tz'ibatajineq kan roma ri rey David y ri Salomón ri ruk'ajol.

2 Crón 5:11

Konojel ri e sacerdote kan xkich'ajch'ojirisaj yan ki' stape' man jani tapon ri q'ij richin kisamaj. Konojel ri sacerdote ri' xe'el-pe chiri' chupan ri k'ak'a' rachoch ri Jehová.

2 Crón 8:15

Y kan man xkijech'ej ta kan ki', chire ri ruchojmilal ri ruya'on ri Salomón pa kiwi' ri e sacerdote y ri e levita, y keri' chuqa' xkiben rik'in ri beyomel richin ri rachoch ri Jehová,

Wuj Richin ri Esdras 6:18

Y ri e sacerdote kan xjach k'a ri samaj pa kiq'a', y kan xkijalala-ki'. Y chuqa' keri' xban kik'in ri e levita richin ri jalajoj ruwech kisamaj ri chiri' pa rachoch ri Dios, achi'el ri tz'ibatel kan chupan ri wuj ri rutz'iban kan ri Moisés.

Wuj Richin ri Nehemías 12:24

Ri aj-raqen pa kiwi' ri e levita y ri bixanela' ja ri Hasabías, ri Serebías y ri Josué ruk'ajol ri Cadmiel. Chikiwech rije' ek'o ka'i' tzobaj bixanela', ri jun tzobaj nibixan-apo y ri jun chik tzobaj chuqa' yebixan-pe. Y rije' yematioxin y nikiya' ruq'ij ri Dios, achi'el ri ruchojmilal ri ruya'on kan ri rey David, achin richin ri Dios.

Wuj Richin ri Nehemías 12:25

Y ri Matanías, ri Bacbuquías, ri Abdías, ri Mesulam, ri Talmón y ri Acub ja rije' ri yechajin ruchi' ronojel ri jay richin ri yakonabel richin ri rachoch ri Dios.

Wuj Richin ri Nehemías 12:36

Y chuqa' chikij rije' e beneq ri yeq'ojoman jalajoj ruwech taq q'ojom: Ri Semaías, ri Azarel, ri Milalai, ri Guilalai, ri Maai, ri Natanael, ri Judá y ri Hananí. Y rije' xkiq'ojomaj ri q'ojom achi'el xukusaj ri David ri rusamajel ri Dios ojer kan. Y ri tijonel Esdras ik'owineq chikiwech rije'.

San Lucas 1:5

Chupan k'a ri ruwach'ulew Judea toq ri rey Herodes ri Nim niq'aton-tzij, xk'oje' k'a jun sacerdote ri xubini'aj Zacarías. Rija' k'o k'a kik'in juq'at sacerdote ri kibini'an ri e richin ri Abías. Ri Zacarías k'ulan rik'in jun ixoq rubini'an Elisabet,*f1* chuqa' jun riy-rumam kan ri nimalej sacerdote Aarón.

San Lucas 1:8

K'o k'a jun q'ij toq ri Zacarías y ri e rachibil k'o chi ja rije' ri yebanon ri jalajoj ruwech samaj ri pa rachoch ri Dios.

Hechos 13:22

Toq ri Dios xrajo' chi ri Saúl xel chupan ri q'atbel-tzij, xuya' ri David richin chi xok rey. Ri Dios kan xubij k'a chirij ri rey David: Kan k'o-wi jun ri xtuben ri nurayibel y kan niqa' chinuwech. Yin kan nintz'et k'a chi ri xtibanon keri' ja ri David ri ruk'ajol ri Isaí. Keri' xubij ri Dios.

Hechos 13:36

Jak'a ri David, toq xa kan ruk'ison chik k'a kan ri samaj ri ruya'on-pe ri Dios chire, xken, y xbemuq kan ri akuchi e muqul-wi ri e rati't-rumama'. Xa kan xq'ey-wi k'a ri'.

Deut 33:1

Toq k'a man jani tijote-el ri Moisés pa ruwi' ri juyu', jari' toq xrurtisaj kan ri tinamit Israel. Y jare' k'a ri urtisanik ri xuya' kan pa kiwi':