2 Crón 7:5 - Kaqchiquel Bible

⁵ Y ri Salomón xerusuj k'a richin kamelabel e 22,000 nima'q taq awej y 120,000 kokoj taq awej. Keri' k'a xkiben ri rey y konojel israelita toq xkijech ri k'ak'a' rachoch ri Dios.

2 Crón 7:5 ပူးပေါင်းရင်းမြစ်များ

San Juan 10:22

Pa ruq'ijul toq janila tew niqaqa, jari' toq niban ri nimaq'ij richin ninatex ri q'ij toq xk'achoj y xmatioxix ri rachoch ri Dios ri k'o pa Jerusalem.*f11*

Wuj Richin ri Miqueas 6:7

¿Kan xtiqa' kami chuwech ri Jehová xtinsuj chire 1,000 achija' taq karne'l? ¿Xtuk'awomaj kami ri Dios xtinya' ta chire ri aceite achi'el jun raqen-ya'? ¿Xtinsuj ta k'a ri nabey nuk'ajol chire richin nikuyutej numak? ¿Xtinya' ta jun chike ri walk'ual roma ri numak ri e nubanalon?

Ez 45:17

Y ri q'atoy-tzij ri' ja rija' ri nijachon ri chikopi' richin yeporox y ri k'atzinel ri nuk'uaj ri sipanik richin jalajoj ruwech ixin y ri vino ri nikusex pa nimaq'ij richin k'ak'a' ik', pa taq q'ij richin uxlanen y ri k'atzinel pa taq jalajoj ruwech nimaq'ij ri niban pa ruwach'ulew Israel. K'o chi nujech-apo ri kamelabel richin kuyubel-mak, ri sipanik richin jalajoj ruwech ixin, ri chikop ri niporox jumul y ri sipanik ri niq'alajirisan chi junan iwech wik'in. Y keri' nink'en chik iwech.

2 Crón 30:24

Y roma ri' ri Ezequías, rey richin Judá, xusipaj chike ri winaqi' e 1,000 nima-alaji' achija' taq wákix y e 7,000 karne'l y tzuntzun. Chuqa' ri e tata'al xkisipaj chike ri winaqi' e 1,000 alaji' achija' taq wákix y e 10,000 karne'l y tzuntzun. Y k'ari' e k'iy chik sacerdote ri xkich'ajch'ojirisaj-ki'.

2 Crón 15:11

Chupan ri q'ij ri', xkisuj k'a kamelabel chuwech ri Jehová, e 700 bóyix y 7,000 karne'l ri xkik'en-pe pa Guerar chuwi-kiq'a' ri e etzelanel kichin.

2 Crón 5:6

Ri rey Salomón y konojel ri ruwinaq ri kimolon-apo-ki' rik'in chuwech-apo ri káxa, xekikamisaj k'a richin kamelabel; kokoj y nima'q taq kawej, y roma kan janila e k'iy man chik tikirel ta chik chi xe'ajlex.

2 Crón 2:4

Wakami yin ninwajo' ninpaba-q'anej jun rachoch ri Jehová ri nu-Dios richin ninjech pa rusamaj, akuchi xtinbenporoj-wi ri jubulej pom chuwech, akuchi xtinuk'-wi pa cholaj ri kaxlan-wey, y richin ninsuj ri kamelabel ri niporox chijun ronojel nimaq'a' y tiqaq'ij, chuqa' chupan ri q'ij richin uxlanen, y toq yenimaq'ijux ri k'ak'a' taq ik' y ri ch'aqa' chik nimaq'ij toq niya'ox ruq'ij ri Jehová ri qa-Dios. Ronojel re' kan k'o chi xtiqataqej richin q'asen, qonojel roj ri oj aj-Israel.

2 Crón 1:6

Y ri Salomón xjote' k'a el chiri' chuwech ri Jehová akuchi k'o-wi ri porobel y chiri' k'a xusuj-wi e 1,000 kamelabel ri niporox chijun.

1 Crón 29:21

Ri jun chik q'ij ri winaqi' xekikamisaj 1,000 nima-alaji' achija' wákix, 1,000 achija' karne'l y 1,000 nima-alaji' achija' taq karne'l. Xekisuj ronojel re' richin niqa' chuwech ri Jehová, y chuqa' ri vino.

Wuj Richin ri Q'axanri'il 7:10

Toq xya'ox aceite chirij ri porobel richin xjach pa rusamaj ri Dios, jari' toq ri aj-raqen pa kiwi' ri kablajuj tzobaj xkik'amala-pe ch'aqa' chik sipanik y xkiya' k'a apo chuwech ri porobel ri'.

2 Crón 7:4

Chirij ronojel re', ri rey y konojel ruwinaq israelita xekisuj kamelabel chuwech ri Jehová.

2 Crón 7:6

Y ri e sacerdote kan jari' ek'o pa taq kisamaj. Chuqa' ri e levita nikiq'ojomaj jalajoj kiwech taq q'ojom richin nikiya' ruq'ij ri Jehová. Y re q'ojom re' kan ja ri rey David banayon kan richin nikibixaj rubi' ri Jehová rik'in ri bix ri nubij: Roma ri rujoyowanik ri Jehová kan richin q'asen, yecha'. Y ri e sacerdote ek'o-apo chikiwech y nikixupuj ri ki-trompeta. Y konojel ri winaqi' e pa'el-apo kik'in.