2 Crón 7:21 - Kaqchiquel Bible

²¹ Y stape' wakami re wachoch kan jun nimalej jay, rik'in juba' jun q'ij ri winaqi' ri xkeq'ax xa jun wuluwik jay ri xtikitz'et. Xtikimey y xtikik'utula' chikiwech: ¿Achike roma kere' xuben ri Jehová rik'in re ruwach'ulew re'? ¿Y Achike roma kere' xuben chire re jay re kan richin rija'?, xkecha'.

2 Crón 7:21 ပူးပေါင်းရင်းမြစ်များ

2 Crón 29:8

Roma ri' ri Jehová xuteq-pe ri royowal pa kiwi' ri qate-qatata' ri ek'o pa Judá y pa Jerusalem, y xuben chike richin xkik'uluwachij nima'q taq q'axo'n, y ri winaqi' richin ri ch'aqa' chik ruwach'ulew kan xkixibij k'a ki' toq xekitz'et, y chuqa' kan xetze'en chikij. Y rix kan itz'eton k'a pe re'.

Wuj Richin ri Jeremías 13:22

Y wi xtik'utuj-qa achike roma kere' xik'uluwachij y kan xiya' ik'ix roma xixch'anabex y kan xkiqasaj iq'ij rik'in uchuq'a', xa roma ri nimalej taq imak.

Wuj Richin ri Jeremías 19:8

Kan xtinben chire ri Jerusalem chi konojel ri winaqi' ri xkeq'ax chiri' xtikixibij-ki' chuwech y xtikiyojobej roma wulatejineq chik kan ronojel.

Wuj Richin ri Jeremías 22:28

Ri Jeconías achi'el xa ta jun paxineq bojo'y ri man jun chik nik'atzin-wi. Rija' achi'el jun k'ojelibel ri man jun nipoqonan richin. Keri' xtinben chire rija' y chike ri aj pa rachoch. Y achi'el nik'aq-el jun paxineq bojo'y keri' xtinben yin kik'in rije' pa jun chik ruwach'ulew ri man jun bey kitz'eton.

Wuj Richin ri Jeremías 22:5

Jak'a wi rix man ninimaj ta re ch'abel re', kan ninbij k'a chi re jay richin q'atbel-tzij kan xtitole' kan. Yin Jehová ri yibin.

Wuj Richin ri Jeremías 49:17

Ri wululen ri xtipe chirij ri iruwach'ulew Edom kan janila nim y roma ri' konojel k'a winaqi' ri xkeq'ax-el chiri' kan xtikik'en rukiy toq xtikitz'et ri rutojbalil ri qajineq pan iwi'. Y xketze'en chiwij.

Wuj Richin ri Jeremías 5:19

Toq xtik'utux chawe ri achike roma yin kere' xinben, rat Jeremías, xtabij k'a chike: Ri Jehová xixrumalij kan, roma rix xa xe'iwilij ch'aqa' chik dios ri man e richin ta re tinamit re'. Keri' chuqa' k'o chi xke'iwilij winaqi' ri man e richin ta re tinamit re', ri ek'o pa jun chik ruwach'ulew, xkacha'.

Wuj Richin ri Jeremías 50:13

Roma ri woyowal kan xtinben chi kan man jun chik winaqi' xkek'oje' kan chiri'. Chuqa' xtinben chire chi xtok tz'iran ruwach'ulew richin q'asen y konojel k'a ri xkeq'ax chiri' xtikixibij-ki' roma xtikitz'et ri rutojbalil ri xuk'ul.