2 Crón 7:19 - Kaqchiquel Bible

¹⁹ Jak'a wi rix y ri iwijatzul xtijech'ej kan iwi' wik'in yin, y wi man xtitaqej ta ronojel ri nupixa' ri nuya'on chiwe, y xa xke'isamajij ri ch'aqa' chik dios y kan xtiya' kiq'ij,

2 Crón 7:19 ပူးပေါင်းရင်းမြစ်များ

Deut 28:15

Jak'a wi man xtinimaj ta rutzij ri Jehová ri qa-Dios y man xtitaqej ta ronojel ri rupixa' re ninbij chiwe re q'ij re', kan xtiqaqa pan iwi' ronojel itzel oyonik ri xtinbij chiwe.

Wuj Richin ri Chojmirisabelri'il 26:14

Wi rix o ri iwijatzul man ninimaj ta nutzij y man niben ta achi'el ri nubin chiwe,

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

1 Sam 12:25

Jak'a wi xa ja ri etzelal ri xtiben chuwech ri Jehová, kan tiwetamaj k'a chi rix y ri rey xkixk'is chi'iwonojel, xcha'.

Wuj Richin ri Q'axanri'il 32:15

Y wi rix man niwajo' ta nitzeqelibej ri Jehová, rija' xtuben chiwe richin yixtzolej chik pa tz'iran ruwach'ulew iwoma k'a rix xkek'is ri qawinaq israelita, xcha'.

Wuj Richin ri Jeremías 9:13

Ri Jehová kere' ri nubij: Ronojel re' xk'uluwachitej koma ri awinaq. Rije' xkimalij kan ri nupixa' ri xinya' yan chike. Man xkinimaj ta nutzij y kan man xkiben ta k'a ri xinbij chike.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Josúe 23:7

richin man nixol ta iwi' kik'in ri winaqi' richin ri tinamit ri k'a ek'o na kan chupan re ruwach'ulew re'. Man tiya' itzij pa kibi' ri ki-dios, ni man ke'isamajij, ni man tiya' kiq'ij y man ke'inataj.

2 Crón 33:8

Y chuqa' xubij chi wi xtikitaqej ronojel ri nubij ri jalajoj ruwech pixa' ri ya'on chire ri Moisés, kan man jun bey chik xkerelesaj-el ri israelita chupan ri ruwach'ulew ri' ri ruya'on chik chike ri kati't-kimama'.