2 Crón 7:16 - Kaqchiquel Bible

¹⁶ Y chuqa' xincha' y xinwurtisaj re wachoch re akuchi ink'o-wi, y ri akuchi ninatex ri nubi' richin q'asen, kan xtinchajij y xtik'oje' pa wánima.

2 Crón 7:16 ပူးပေါင်းရင်းမြစ်များ

1 Rey 8:16

Toq yin xenwelesaj-pe pan Egipto ri nutinamit Israel, kan k'a chupan k'a pe ri q'ij ri' y k'a re wakami, kan man jun k'a tinamit ri nucha'on ta chupan ri tzobaj ri akuchi ta nipabex-wi-q'anej jun wachoch richin niya'ox nuq'ij re wawe' pa ruwach'ulew Israel, xaxe k'a rat David ri xatincha', richin chi ja rat yayuqen richin ri nutinamit, xcha' ri Dios chire ri nata'.

1 Rey 8:35

Y wi ri kaj nitz'ape' y man ta nuben job roma xemakun chawech rat, jak'a wi nikik'utuj kuyubel kimak chawech pa ruchojmilal re awachoch re' y xtikiya' chik aq'ij, y wi xketane' chire ri mak toq nikik'owisaj ri tijoj-poqonal;

1 Rey 8:44

Y wi rat, nateq ta el ri atinamit xabakuchi richin niberubana' oyowal kik'in ri e etzelanel qichin, y wi rije' yech'on ta awik'in rat Jehová pa ruchojmilal ri awachoch ri xinpaba-q'anej chupan re atinamit Jerusalem;

1 Rey 8:48

jari' toq xkech'on awik'in. Wi kan rik'in ronojel kánima xtitzolej-pe kik'u'x awik'in rat, stape' k'a ek'o na chupan ri kiruwach'ulew ri e etzelanel qichin, y wi yech'on ta awik'in rat Jehová pa ruchojmilal re awachoch re xinpaba-q'anej ri akuchi niya'ox-wi aq'ij ak'ojlen, chupan re atinamit Jerusalem, chupan re qaruwach'ulew ri xaya' chike ri qati't-qamama',

1 Rey 9:3

Y xuk'uluba-pe ri ruch'abel ri Salomón y xubij chire: Yin kan xinwak'axaj ri ach'owen y ri utzil ri xak'utuj chuwe. Kan xinben yan k'a wichin chire re jay re xapaba-q'anej rat richin chi wawe' niya'ox-wi nuq'ij. Kan jantape' k'a xtik'oje' chinuk'u'x y kan xtinchajij ronojel q'ij.

2 Rey 21:4

Keri' chuqa' ri chiri' pa rachoch ri Jehová, xeruben-q'anej porobel kichin ch'aqa' chik dios y chuqa' kichin ri ek'o chuwech ri kaj. Y re' xeruben chupan ri ka'i' ruwa-jay richin rachoch ri Jehová, stape' kan xaxe ri Jehová ri k'o chi niya'ox ruq'ij ri chiri'.

2 Crón 30:8

Man tikowirisaj k'a ri iwánima; man tiben achi'el xkiben ri qati't-qamama'. Xa kan tiqasaj k'a iwi' chuwech ri Jehová y kixanpe wawe' chupan re jay richin ri Jehová, ri kan rucha'on rija' richin niya'ox ruq'ij richin jantape'. Kan tisamajij k'a ri Jehová ri qa-Dios, richin xtik'o-el ri royowal chiqij.

2 Crón 6:20

Ri atzubal jantape' ta k'a xtik'oje' pa ruwi' re jun jay re', chi paq'ij chi chaq'a', ri akuchi abin chi kan yak'oje' rat. Keri' kan xtawak'axaj ta k'a ri nuch'owen ri ninben awik'in, yin ri in asamajel.

2 Crón 7:12

Jari' k'a toq ri Jehová xuk'ut-ri' chuwech ri Salomón pa jun chaq'a', y xubij chire: Yin xinwak'axaj ri ak'utunik y xincha' re wachoch re', re akuchi xtisuj-wi kamelabel chinuwech yin.

2 Crón 7:15

Yin kan xtinwak'axaj k'a ri ach'owen y ri utzil ri xak'utuj chuwe re wawe' pa wachoch.

2 Crón 7:17

Y wi rat xkabiyin chinuwech rik'in chojmilal y rik'in ronojel awánima achi'el xuben ri David ri atata' y kan naben ri nubin chawe yin y nataqej k'a ronojel nupixa',

Wuj Richin Bix Chire ri Dios 132:13

Roma rat Jehová kan jak'a ri tinamit Sión ri acha'on. Jari' k'a ri xawajo' richin chi chiri' yak'oje-wi.

Wuj Richin Bix Chire ri Dios 132:14

Xabij k'a chi wawe' k'a xkak'oje-wi jantape', richin naq'et-tzij tibe-q'ij tibe-seq.

Wuj Richin ri Zacarías 3:2

Jak'a ri ángel xubij chire ri Satanás: Ja ri Jehová xkach'olin. Ja ri Jehová ri kan rucha'on chik ri Jerusalem xkach'olin, re achin re' kan achi'el jun rutza'n si' ri xelesex-pe pa q'aq', xcha'.

San Mateo 3:17

Chirij ri' xpe k'a jun ch'abel chila' chikaj y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

Deut 12:21

Y wi ri akuchi xucha-wi ri Jehová richin ninatex ri rubi', nej nik'oje' kan chire ri akuchi ixk'o-wi rix, kan utz k'a nikamisaj ri iwákix y ri ikarne'l ri rusipan rija' chiwe, achi'el ri nubin chiwe richin nitej xa janipe' yixtikir, chiri' akuchi ixk'o-wi.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Colosenses 2:9

Ronojel ri rubanikil ri Dios, rik'in ri Cristo nilitej-wi.