2 Crón 7:13 - Kaqchiquel Bible

¹³ Toq rix ri ix nutinamit xkixmakun chinuwech, yin xtintz'apej ri kaj richin man nuben ta chik job, o xkenteq-pe sak' pa taq tzobaj richin nikik'is ri tiko'n o xtinteq-pe jun nima-yabil pan iwi'.

2 Crón 7:13 ပူးပေါင်းရင်းမြစ်များ

Wuj Richin ri Achin Job 11:10

Wi ta nipe pa ránima rija' chi yaruchop y yarutz'apej pa cárcel, o yaroyoj richin nuq'et-tzij pan awi'. ¿K'o kami ri yatikir naben richin nato-awi'?

Wuj Richin ri Achin Job 12:14

Roma ri' toq rija' k'o ri nuwulaj, man jun chik nitikir nipaban-q'anej. Toq rutz'apen jun wineq pa jun tijoj-poqonal, man jun ri xtisq'open-el richin.

Wuj Richin Bix Chire ri Dios 105:34

Xaxe xch'on ri Jehová, kan jari' xepe sak' pa ruk'iyal. Kan janila k'a chi chikopi' ri xek'oje' chirij ri tiko'n, kan man e ajlatel ta chik.

Wuj Richin Bix Chire ri Dios 107:34

Ri qasanbel taq ulew kan nuben chire chi man yewachin ta chik. Kere' nuben chire roma ri kimak ri winaqi' ri ek'o chuwech.

Joel 2:25

Ri Jehová nubij: Kan jari' k'a xtintzolij ruk'exel chiwe janipe' juna' xewa' ri sak'; ri sak' ri xebanon oyowal iwik'in rix ri xenteq-el yin.

Am 4:7

Chuqa' ja yin xibanon chi man xuben ta chik job pan iwi'. Man xinya' ta pe job toq k'a oxi' na ik' nrajo' richin nik'ol ri itiko'n. Xinya' job chupan ch'aqa' tinamit, jak'a chupan chik ch'aqa' man xinya' ta. Chupan ch'aqa' ulew richin tiko'n xinya-pe job. Jak'a ch'aqa' ulew richin tiko'n xa xechaqi'j-qa. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Q'axanri'il 14:12

Y yin xtinben chi man xke'ok ta chupan ri ruwach'ulew, roma kan xtinya-pe jun nimalej yabil pa kiwi' rije', richin yeken y yek'is. Jak'a rat xkatikeriban jun chik k'ak'a' tinamit ri más nim y janila ruchuq'a' chikiwech ri ek'o wakami, xcha'.

San Lucas 4:25

Yin ninbij chi rix iwetaman ri xbanatej toq man xuben ta job oxi' juna' rik'in nik'aj, pa ruq'ijul ri Elías, q'alajirisey ruch'abel ri Dios. Kan qitzij wi chi janila e k'iy ri ixoqi' e malkani' wawe' pan Israel ri q'ij ri', toq janila wayjal xpe chuwech re qaruwach'ulew.

Deut 11:17

Wi keri' xtiben, ri Jehová kan xtiyakatej royowal pan iwi' rix, y man xtuteq ta pe ri job; y ri ulew man xtiwachin ta chik, y kan chi'anin xkixken roma wayjal.

Apocalipsis 11:6

Ri e ka'i' samajela' ri' kan ya'on k'a uchuq'a' pa kiq'a' richin nikiq'et ri job chupan ri q'ij ri kiq'alajirisan. Yetikir chuqa' nikiben chi ri ya' nok kik' y yekiya' nima'q taq ruk'ayewal pa kiwi' ri winaqi' ri ek'o chuwech ri ruwach'ulew, ri janipe' nikajo' rije'.

Apocalipsis 3:7

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Filadelfia, y tinbij-el; chi ri Loq'olej, ri qitzij y ri uk'uayon ri llave ri nujeq ruchi' ri rajawaren ri rey David, ri toq nujeq man jun nitz'apen y toq nutz'apej man jun nijaqon, kere' nubij.