2 Crón 7:12 - Kaqchiquel Bible

¹² Jari' k'a toq ri Jehová xuk'ut-ri' chuwech ri Salomón pa jun chaq'a', y xubij chire: Yin xinwak'axaj ri ak'utunik y xincha' re wachoch re', re akuchi xtisuj-wi kamelabel chinuwech yin.

2 Crón 7:12 ပူးပေါင်းရင်းမြစ်များ

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

1 Rey 9:2

jari' toq ri Jehová xuk'ut chik ri' chuwech ri Salomón achi'el toq xuk'ut-ri' chuwech ri chiri' pa Gabaón.

2 Rey 2:6

Y ri Elías xubij chire: Nink'utuj utzil chawe chi kak'oje' kan wawe', roma ri Jehová yiruteq richin yibe pa raqen-ya' Jordán, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y junan k'a xebe chi e ka'i'.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

2 Crón 1:7

Y chupan k'a ri aq'a' ri' xuk'ut-ri' ri Dios chuwech ri Salomón, y xubij chire: Tak'utuj chuwe ri achike nawajo' richin ninya' chawe, xcha'.

2 Crón 7:16

Y chuqa' xincha' y xinwurtisaj re wachoch re akuchi ink'o-wi, y ri akuchi ninatex ri nubi' richin q'asen, kan xtinchajij y xtik'oje' pa wánima.

Wuj Richin Bix Chire ri Dios 10:17

Ri kirayibel ri kiqasan-ki' chawech, kan jantape' nawak'axaj; kan naya' ruchuq'a' ri kánima y ye'ato'.

Wuj Richin Bix Chire ri Dios 66:19

Jak'a man keri' ta; roma ri Dios kan xirak'axaj-wi; kan xrak'axaj k'a ri nuch'owen.

Wuj Richin ri Malaquías 3:4

K'ari' xtik'awomex chik chiwech ri isipanik ri xtisuj rix aj-Judá y rix aj-Jerusalem, achi'el rubanon ojer kan.

San Lucas 1:13

Jak'a ri ángel xubij chire: Man taxibij-awi'. Ri Dios xrak'axaj ri ach'owen ri abanon rik'in. Roma ri' ri Elisabet xtik'oje' jun ti ral, y re ak'ual re', Juan ri rubi' ri xtaya'.

Hechos 10:31

Y xubij k'a chuwe: Cornelio, ri Dios utz rak'axan ri ach'owen, y chuqa' kan qajineq chuwech chi ye'ato' ri winaqi' ri nik'atzin kito'ik.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.