2 Crón 7:10 - Kaqchiquel Bible

¹⁰ Y chirij chik ri nimaq'ij ri', chupan ri q'ij juwineq oxi', chire ri ruwuq ik', ri Salomón xerutaluj-el ri winaqi', richin xebe chi taq kachoch rik'in kikoten pa taq kánima roma ri xuben ri Jehová rik'in ri ánima David, rik'in ri Salomón y rik'in ri rutinamit Israel.

2 Crón 7:10 ပူးပေါင်းရင်းမြစ်များ

1 Rey 8:66

Y toq xk'is ri nimaq'ij ri', ri ruka'n q'ij chik, ri Salomón xerutaluj-el ri winaqi', y rije' kan xkinimirisaj ri rubi' rija', y k'ari' xebe chi taq kachoch rik'in janila kikoten pa taq kánima, roma ronojel ri utzil ri xuben ri Jehová rik'in ri ánima David ri rusamajel, y chuqa' rik'in ri rutinamit Israel.

2 Crón 29:36

Y ri Ezequías y konojel ri winaqi' kan janila k'a xekikot, roma ri Dios xeruto' richin chi'anin xek'achoj chujosq'ixik chijun ri rachoch.

2 Crón 30:26

Kan janila k'a kikoten xk'oje' chiri' pa Jerusalem, roma k'a ja re' xnatex chik re nimaq'ij re' ri kan pa ruq'ijul kan ri Salomón ruk'ajol kan ri rey David ri banon kan.

2 Crón 6:41

¡Jehová Dios!, kayakatej k'a wakami richin yak'oje' chupan ri awachoch ri kan awichin rat, y chuqa' chupan re jay re' xtik'oje-wi ri káxa ri k'o ri nimalej awuchuq'a' chupan. Tabana' chi ri sacerdote kan jantape' ta k'a utz xtel ronojel chikiwech, y chi roj ri qakuquban qak'u'x awik'in xqojkikot ta k'a rik'in ronojel ri utzil ri naya' chiqe.

2 Crón 7:11

Ri Salomón xk'achoj chire ri rachoch ri Jehová, y ri rachoch rija', y ronojel ri k'o chi xban pa rachoch ri Jehová y chupan ri rachoch rija'; kan ronojel k'a utz xuben chuwech.

2 Crón 7:9

Y ri nimaq'ij richin ri taq jay banon rik'in ruq'a-che' xkiben toq q'axineq chik ri wuqu' q'ij richin ri nimaq'ij richin ri k'ak'a' rachoch ri Jehová. Y chirij ri ka'i' semana richin nimaq'ij, k'a xenimaq'ijun chik na jun q'ij.

Wuj Richin ri Nehemías 8:10

Y xeri' yin xinbij chike: Kixbiyin y tibetija' ti'ij y tibequmu' vino y tisipaj juba' chike ri man jun k'o kik'in richin nikitej, roma re q'ij re' kan ch'aron chire ri Jehová. Man jun tibison, xa kan kixkikot k'a chi'iwonojel, roma ri kikoten ri nuya' ri Jehová jari' ri quchuq'a', xicha'.

Wuj Richin Bix Chire ri Dios 100:2

Tisamajij rik'in kikoten ri Jehová. Kixapon rik'in matioxinik chuwech rija'.

Wuj Richin Bix Chire ri Dios 105:3

Kan kixkikot k'a rik'in ri loq'olej rubi'. Ri yekanon richin ri Jehová, kan kekikot k'a.

Wuj Richin Bix Chire ri Dios 106:5

richin kan xtintz'et k'a ri utzilej k'aslen kik'in ri ch'aqa' chik ri e acha'on; y richin yikikot kik'in ri kan e awichin rat.

Wuj Richin Bix Chire ri Dios 32:11

Kan kenimaq'ijun y kekikot rik'in ri Jehová, ri kikuquban kik'u'x rik'in. Kebixan rik'in kikoten konojel ri choj kibanobal chuwech ri Dios.

Wuj Richin Bix Chire ri Dios 92:4

Ronojel re' ninben roma rat nimalej Jehová kan aya'on ri nukikoten. Kan yikikot k'a rik'in ronojel ri abanon.

Ex 18:1

Ri Jetro ri rujinan ri Moisés, ri sacerdote richin ri Madián xapon k'a rutzijol rik'in ronojel ri rubanon ri Dios rik'in ri Moisés, y kik'in konojel ri israelita y achike rubanik toq xerelesaj-pe pan Egipto.

Ez 45:25

Chuqa' chupan ri q'ij wolajuj chire ri ruwuq ik' k'o chi ninimaq'ijuj wuqu' q'ij toq yeban jay rik'in ruq'a-che'. Y ja ri q'atoy-tzij k'o chi xtik'amon-pe chikopi' ri achi'el rajlabal ri xuk'en-pe pa nabey, richin kamelabel richin kuyubel-mak y junan rajlabal ri xuk'en-pe pa nabey richin sipanik richin ri jalajoj ruwech ixin y ri sipanik richin aceite.

Hechos 16:34

Xeruk'uaj k'a chirachoch richin xerutzuq-pe. Rija' y ri e aj pa rachoch janila k'a nikikot ri kánima, roma xkikuquba' kik'u'x rik'in ri Dios.

Hechos 2:46

Ri pa rachoch ri Dios kan q'ij-q'ij k'a ek'o-apo. Toq nikimol k'a ki' richin nikitej kiway y nikinataj ri rukamik ri ajaw Jesús, kan nikiben k'a rik'in kikoten y ronojel kik'u'x.

Deut 12:12

Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Deut 12:18

Xa kan xaxe chuwech rija' k'atzinel richin nitij-wi, chiri' akuchi xtucha-wi rija', y re' xtiban iwik'in rix, ri iwalk'ual, ri isamajela' ri e yuqul pa samaj iwik'in y ri e levita ri ek'o chi'ikojol. Kan xkixkikot k'a chuwech ri Jehová roma ri samaj ri xiben-qa roma kan utz xel chiwech.

Deut 12:7

Kan xkixwa' k'a chiri' chuwech ri Jehová ri qa-Dios; kan xkixkikot k'a chi achijlonel, ixjayilonel y alk'ualaxel, roma ronojel ri samaj ri xiben, ri achoq pa ruwi' xuya-wi urtisanik rija'.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Deut 16:14

Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.