2 Crón 7:1 - Kaqchiquel Bible

¹ Toq ri Salomón xtane-qa chire ri ruch'owen rik'in ri Jehová, xbeqaqa-pe q'aq' chila' chikaj y xuk'is ri kamelabel y konojel ri chikopi' ri e ya'on pa ruwi' ri porobel, y ri ruq'ij-ruk'ojlen ri Jehová xunojisaj ri rachoch,

2 Crón 7:1 ပူးပေါင်းရင်းမြစ်များ

Wuj Richin ri Rutikeribel 15:17

Jak'a toq qajineq chik ri q'ij y chaq'a' chik, ri Abram xutz'et k'a jun achi'el bojo'y, ri nel-pe sib y ruxaq q'aq' chupan y niq'axyaj k'a chikikojol ri chikopi' ri e elesan pa taq nik'ajta'q.

1 Rey 18:24

K'ari' rije' ri yesamajin kichin ri Baal xtikik'utuj to'onik chike ri ki-dios, y yin chuqa' xtink'utuj to'onik chire ri Jehová. Y ri Dios ri xtitaqon-pe q'aq' pa ruwi' ri porobel, jari' ri qitzij Dios, xcha' ri Elías. Y konojel ri winaqi' xkibij chi kan utz ri xubij.

1 Rey 18:38

Y kan jari' ri q'aq' richin ri Jehová xqaqa-pe chila' chikaj, y ri q'aq' ri' xuk'is ri chikop y ri si', ri abej, ri ulew ri akuchi k'o-wi ri porobel, y kan xuk'is ronojel ri ya' ri k'o chupan ri jul.

1 Rey 9:1

Toq ri Salomón xuk'is yan rubanik ri rachoch ri Jehová, ri rachoch rija' y xuk'is yan rubanik ronojel ri xrajo' ri xuben,

1 Crón 21:26

Y ri David xupaba-q'anej jun porobel richin ri Jehová, y xerusuj chikopi' ri yeporox chijun, y xusuj sipanik richin nuq'alajirisaj chi junan ruwech rik'in ri Dios. Xeri' xch'on rik'in ri Jehová, y ri Dios xuk'uluba-pe ri ruch'abel rik'in q'aq'. Y ri q'aq' ri' peteneq chila' chikaj, y xqaqa pa ruwi' ri porobel.

Wuj Richin Bix Chire ri Dios 26:8

Kan ninwajo' ri awachoch ri akuchi atk'o-wi rat, ri akuchi k'o-wi ri ak'ojlemal.

Ex 19:18

Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Ex 29:43

Y ja ri chiri' chuqa' xtiqak'ul-wi-qi', ri awinaq y yin, roma ri' ri chiri' ri akuchi niban-wi oken, kan xtok wichin yin, roma ja ri chiri' xtink'ut-wi' rik'in ri nuq'ij-nuk'ojlen.

Wuj Richin ri Isaías 65:24

Kan k'a man jani k'a kinkoyoj-pe rije', toq yin kan xtink'uluba' yan qa ri kich'abel. Kan k'a man jani ketane-qa richin yech'on wik'in, yin kan xkenwak'axaj yan.

Ez 43:5

K'ari' ri ruchuq'a' ri Jehová xiruyek-q'anej y xiruk'uaj-el pa ruwa-jay ri k'o chunaqaj ri rachoch y xintz'et ri ruk'ojlemal ri Jehová xunojisaj ri rachoch.

Ez 44:4

Chirij k'a ri' ri achin xiruk'uaj-el pan okibel ri k'o pa xaman chuwech-apo ri rachoch ri Dios. Y toq xojok-apo, xintz'et k'a chi ri ruk'ojlemal ri Jehová runojisan chijun ri rachoch rija'. Y yin kixukuk xiqaqa pan ulew chuwech.

Dn 9:20

Y yin kan yinajin k'a chi ch'owen rik'in ri nu-Dios, richin xinchol chuwech ronojel ri qamak roj israelita. Kan yinoq' k'a chuwech rija', richin xink'utuj utzil chire pa ruwi' ri tinamit Jerusalem.

Wuj Richin ri Malaquías 3:4

K'ari' xtik'awomex chik chiwech ri isipanik ri xtisuj rix aj-Judá y rix aj-Jerusalem, achi'el rubanon ojer kan.

Hechos 4:31

Toq xetane' chire ri ch'owen rik'in ri Dios, ri akuchi kimolon-wi-ki' xsilon janila. Y jari' toq nojineq chik k'a ri kánima rik'in ri Loq'olej Espíritu. Roma ri' xkichop rutzijoxik ruch'abel ri Dios, jak'a man jun xibinri'il chikiwech.

Apocalipsis 21:23

Ri tinamit ri' man nik'atzin ta ri rusaqil ri q'ij y ri ik' chire, roma ri nisaqirisan richin ja ri rusaqil ri Dios, y ri Karne'l chuqa' nisaqirisan achi'el jun lámpara.

Wuj Kichin ri To'onela' 6:21

Ri ángel xuya-apo ri rutza'n ri ruch'ame'y pa ruwi' ri ti'ij y ri kaxlan-wey. Y ri abej ri' kan xel k'a pe q'aq' pa ruwi' y xuk'is ronojel. Chirij ri' ri Gedeón kan man xutz'et ta chik ri ángel.